الثلاثاء، 14 يونيو 2011

My Universe




جوايا مساحة مفيش حد بيدخلها غيرى
لما بحب اقعد معايا شوية ونبقى مرتاحين سوا ومبسوطين ببعض
بقفل عليا كل البيبان اللى وراها زعل وابص للسماء
وانا مرتاحة وببص للسماء بيبقى نفسى اقول الحمد لله بعدد كل نجوم السماء اللى مش باينة من الشمس
بغمض عينى واقول الحمد لله طويللللة اوى جوايا وانا حاسة ان كل حاجة فيا بتقول معايا
فـى المساحة اللى جوايا شوية حاجات بسيطة بس بتفرحنى زى ابتسامة اطفالى فى المدرسة
واى حاجة حد عملها بصدق علشانى قد ايه بفرح بالحاجات الصغيرة اللى بتتعمل علشانى
احساس ان الهدف الوحيد اللى اتعملت علشانه هو انا مفيش مبرر تانى ولا هدف ولا حتى مقابل
كل ثانية حد فكر فيا بجد وسال عليا لمجرد انى جيت على باله بفتكرها وافرح اوى
وانا مع نفسى فى ساعة الصفا دى ببقى فرحانة بيها اوى وهى بتقولى انا مش زعلانة من اى حد خاااااالص
وتفكرنى بكل الحاجات الحلوة اللى كانت بينى وبين اى حد خرج من حياتى 
لكن لما سالتنى انا مرتاحة ليه النهارده مش عرفت ارد عليها اصل الراحة دى مش ليها سبب
بس الاكيد اى حد فى الدنيا لما يبقى فى ناس قريبة منه بيخافوا عليه بجد وبيحبوه بجد هيبقى مرتاح
ومن فضائى الكونى عايزة اعمل توثيق واسبق آية لان الفكرة عجبتنى اوى

- عايزة اقولك انى مبسوطة اوووى وعلشان كدا خايفة نفسى نفضل كدا
- فرحانة علشانك اوى حاسة انه فرحى انا يارب يتمملك على خير ويسعدك ياااارب
- احلى صاحبة فى الدنيا انتى على فكرة واحلى حاجة حصلت فى دنيتى بردو انتى
- سؤالك عليا فرحنى جدا وفكرنى بان على الجانب الاخر من حياتى حد مهتم بيا
- مبسوطة انى عرفت كل اللى فى الحملة تجربة حلوة اوى عرفت منها ناس احلى
 
 
 

8 التعليقات:

Alone Spirit يقول...

ياستى ربنا يهنيكو ببعض وتبقى انتى وانتى اصحاب على طول :d

مصطفى سيف الدين يقول...

ربنا يريحك ويفرحك دايما
ويديم عليكي الاحساس الجميل ده
تحياتي

aya mohamed يقول...

يارب يا محمد
منورنى كالعادة :)

aya mohamed يقول...

ربنا يسمع منك يا مصطفى
ميرسى ليك :)

تاكاشى يقول...

للأصدقاء طيف خفيف الظل يصل الى القلب اينما وجد

ربنا يخليكم لبعض وتفضلو اصحاب طول العمر

اوعدنا يارب :D

aya mohamed يقول...

اللهم آمين
ميرسى جدا ليك :)

nesma hatem يقول...

بيدوا طعم تانى للحياة حتى لو كنتى نفسك متعيشهاش تانى
:)
ربنا يخليهالك

aya mohamed يقول...

ميرسى يا نسمة :)