Saturday, June 25, 2011

الاكتفاء الروحى



اى حد فى الدنيا بيكون عنده شوية اهداف كدا مرتبهم حسب الاهمية
وبيحاول بكل الطرق انه يوصل لاهدافه
الاستفادة المعنوية بتكون اهم لما بنحاول نوصل لاهدافنا هقولكم ليه
لان اوقات بتكون محدد لنفسك هدف وانت فى نص الطريق ليه يظهرلك هدف تانى

او تغير هدفك الاول اصلا واوقات تلاقى ان السعادة اللى حسيت بيها خلت عندك اكتفاء
حتى لو مش وصلت لهدفك فانت سعيد بالمحاولة دى
عمرك حسيت بقى ان روحك قالتلك كفايا كدا مش عايزة اكتر
فى حاجات بتعمل اشباع لروحك عمرك فكرت ايه هى الحاجات دى

احساس انك مظلوم وعايز تاخد حقك واى حاجة تحصل فى اللى ظلمك مش كفايا
ومع ذلك مش تاخد حقك مع انك تقدر وتوكل ربنا وتحس ان روحك اكتفت بكدا
فتلاقى ربنا اخد بحقك مرات كتير اوى مش مرة واحدة بس 


 ممكن يبقى عندك عشر صحاب بس مش حاسس انهم كفايا وان عايز تصاحب ناس اكتر 
وممكن يبقوا اتنين بس وعندك احساس انهم كفايا اوى حتى لو مش بتكلمهم غير قليل


سالها انتى ليه مش بقيتى متحمسة تكملى مشوراك قالتله
وانا فى وسط طموحاتى وعايزة ابقى واوصل واحقق فجاة وقفت لما شفتك وقلت كفايا عليا " انت "


4 التعليقات:

FAW said...

معاكي قوي في الكلام ده

بالذات في موضوع إن ربنا بيجيب حقنا , حاجة شفتها بعيني وحمدت ربنا علي عدله

تحياتي . .

الحلم العربي said...

بس على فكرة بقى الاكتفاء ده بيبقى وقتى ، و لو فعلا كان عندنا هدف كبير مشتحيل نتنازل عنه علشان هدف تاني جالنا فجأة ، الأهم هو الهدف الأكبر

طبيعتنا أصلا كبشر بنحب ناخد من المكاسب على قد ما نقدر فحتى لو رضينا بهجف صغنن دلوقتى بعد شوية هنبقى عاوزين نحقق هدفنا الكبير بقى ... و اعتقد ان ده مش وحش صح ؟ :))

فكرتك حلوة يا ايوي

Aya Mohamed said...

FAW
انا كمان شفتها فى حاجات كتير اوى
الحمد لله ميرسى ليك :)

Aya Mohamed said...

اه طبعا مش وحش متفقة معاكى
ومش معنى ان بقى عندك اكتفاء روحى انك هتقفى عنده ومش هتوصلى لهدفك
اقصد ان فى حاجات بسيطة ممكن توصلنا للاكتفاء ده واحنا مبسوطين بيها
وجودك احلى يا يويو