الاثنين، 28 يناير 2013

حكايا الصور



" انا فرحان بكتابك وكأنه كتابى وسألتك على المبيعات عاملة ايه "
فرحنى اووووى بصوره و توقيعه وفرحته انه " أحمد فرج " بيكتب معانا فى مبدعون مما قرات 
بس انا مش ليا كلام معاه ولا حتى من الناس اللى برخم عليهم 
علشان كدا فرحنى اوى اهتمامه اينعم احنا كلنا اخوات هناك وبنهتم ببعض 
بس علشان انا مش كنت متوقعه وعلشان هو اول حد كتبلى توقيع 



الأربعاء، 23 يناير 2013

معرض الكتاب 2013


المعرض السنة دى الحمد لله مكتظ بالمبدعين المدونين 
ورغم انى السنة اللى فاتت كنت موجودة فيه مع انى مش كان عندى غير الابجدية بس 
الا انى السنة دى مش هقدر اكون موودة رغم انى عندى 5 كتب 
بس فرحانة بيكم اوى فرحانة بكل حفلات التوقيع اللى هتكون موجودة ف المعرض 
يارب بالتوفيق والنجاح ليكم كلكم ياااااارب 
طبعا كل تفاصيل الحفلات والكتب هتلاقوها فى المدونون فى معرض الكتاب 


اما بقى لو اتكلمنا عن حفلة توقيع كتابى " حالات مفردة " 
فطبيعى انها تكون مفردة واستثنائية 
الكتاب هيكون موجود من يوم 23 لـ يوم 5 فبراير 
اى وقت هتروحوا فيه وتتصوروا مع الكتاب هيكون بالنسبالى هو ده حفل التوقيع 
الهدف اللى بتمنى احققه انى اوصل ولو لقارئ واحد بس بشكل حقيقى 
ألمس حاجة جواه مش مجرد كتاب يتباع وخلاص 


قائمة المغتربين اللى بتضم كل الكتاب اللى مش هيقدروا يحضروا المعرض 
ويعملوا حفلات توقيع بيكون الوضع نفسيا عليهم صعب 
يمكن علشان انا زيهم فإحساسى بيهم اقوى 
مش تستنوا حفلة توقيع كتاب علشان تشتروه 
فى كتب تستاهل تقروها كتيرررررر 
هما محتاجين رايكم فى اللى كتبوه علشان يقدروا يكملوا 
يكفى ضغوط المسافات فلا تبخلوا ببضعة كلمات 

ووووكل سنة وانتوا طيبين 
ومعرض الكتاب الجاى ان شاء الله اكون اتجوزت وازهقوا ادعولى بقى ^_^

الجمعة، 18 يناير 2013

إوصنى بنفسى خيراً






إوصنى بنفسى خيرا 
ضمنى إلبك برفق وقبل وجنتى و خد منى ذلك العهد اليومى " خلى بالك من نفسك "
و لا تدع يداى تتمسك بالسراب قبل ان أجيبك " حاضر "


إوصنى بنفسى خيرا 
إربت على كتفى كل مساء حزين و أخبرنى ان دمعاتى أغلى ما فى الكون 
واتركها تنهمر بين ذراعيك حتى أغفو 

إوصينى بنفسى خيرا 
هدئ من روعى دون ان يحدث ما يستدعى لذلك 
فقد صرت أنتفض خوفا دون مبرر فلتحمينى من الاشئ 

إوصنى بنفسى خيرا 
إوصنى فعل هزيمة فانا ونفسى ما عدنا ندرك الخير بدونك 
فكثيرا ما ينتابنى شعور بأن لا سبيل للنجاة منى الا انت 

قد لا ألتزم بوصاياك قهرا الا انى احتاجها بشده 
لتستمد الروح قوتها من صدق خوفك 
فلتوصنى بى خيرا 

الثلاثاء، 15 يناير 2013

ازدواجات " احتفالية مفردة "




الهدف الاساسى من المدونة هو تدوين اللحظات السعيدة 
والمواقف الهامة واى حاجة عايزة افتكرها فى وقت ما بعد كدا 
بس اوقات لما يكون فى كلام كتير اوى جوايا مش بعرف اقول ولا اى حاجة منه 
واوقات لما اكون مش لاقية حاجة اتكلم فيها بطلع احلى كلام 
فى الفترة الاخيرة كان فى حاجات كتير اوى عايزة ادونها يمكن نجاحات الحمد لله 
يمكن غضب و ثورة اوقات واحباطات فى عز الفرح 
كان فى مليون حاجة ينفع اكتب عنها بس مش عارفة ليه مش كتبت ولا اى حاجة
ولهذا السبب جت التدوينة دى متأخرة جدا 

" أعيد أكتشافى كلما مررت بموضع قلمى فينصت بشغف ولا أكتفى  "

..........................

حالات مفردة .. اول كتاب يوقع الكترونيا 
مانشيت لاخبار كتير انتشرت فى الفترة الاخيرة فى مواقع اخبارية كتير 
صدى البلد - فيتو - اخبارك - الجونال - مدونة احمد طوسون - دنيا الرأى 
فرحتنى اوى الاخبار دى حسيت انى نجحت بوجودكم جنبى 
بجملة " انا فرحانة بيكى اوى " اللى وصلتنى فى رسايل كتير على الفيس 
لدرجة انى ادمع مع كل بنوته تقولى كدا 
مبروك اللى اتقالتلى مع كتاب كبار و صحفيين مشهورين و اعلاميين ادتنى ثقة كبيرة اوى ف نفسى 
لانى كنت خايفة اوى من انها تجربة مش مضمونة هتنجح ولا لا 
بس بكلامهم وتشجيعهم حسيت انى كدا نجحت اصلا 

" يكفل لك الإختلاف دوما براة الحلم "

.............................

مش هينفع اسافر القاهرة ... ولا المنصورة ..... مش هينفع سفر 
كان نفسى اكون معاكم ف معرض الكتاب او حتى فى اى حفلة توقيع واقعية 
هو يعنى لو مش وقعت على الكتاب مش هتشتروه :(
اكيد هيجى يوم من الايام و نشوف بعض واوقعلكم يعنى 


وبعدين انا كنت عاملة حسابى على الحكاية دى وكتبتلكم فى الاهداء 
علشان لو مش قدرت اوقع باسم كل واحد فهو يعرف انى بهديله كتابى 
مش تزعلوا منى والله لو اقدر كنت لفيت محافظات مصر كلها بس غصب عنى 
كل حفلة توقيع لاى كتاب اعتبروها حفلة توقيع لكتابى واتكلموا عن كتابى بدالى 
مهو اساسا بيعبر عن حالات كل واحد فيكم عادى يعنى انا مفوضاكم بالنيابة عنى :)

" أعترف بأنى تعبت من طول الحلم الذى يعيدنى إلى أوله وإلى آخره


دون ان نلتقى فى اى صباح ... سأصنع أحلامى من كفاف يومى لأتجنب الخيبة "
محمود درويش 

...............................

من الحاجات المهمة جدا اللى فرحتنى اوى استفتاء goodreads لأفضل الكتب الصادرة ف 2012 
لحد اللحظة دى كتابى وصل للترتيب 18 ورغم انى مش مقتنعه اوى بالتصويت ده 
لان الاعداد اللى بتشارك ف الفوت مش كبيرة اوى بس بردو فرحانة جداااا لان كل ما بدخل اشوف 
بلاقى الكتاب بزيد وده معناه ان فى ناس بتدخل تشارك كل شوية و منهم اللى بيدى صوت لكتابى 
كمان فرحانة بكل الانطباعات اللى وصلتنى لحد دلوقتى من الناس اللى قراوا الكتاب 
فرحت عيون الناس بيك نعمة تستاهل انك تعمل المستحيل علشان تحصل عليها

" على هذه الارض ما يستحق الحياة "
محمود درويش 



..............................

ممتنة لكل المدونين اللى حضروا الحفلة واللى كانوا عايزين يحضروا ومش عرفوا 
واى حد ممكن يدخل الايفينت تانى و يكتب اى حاجة عايزها او يناقشنى فى اى حاجة 
الحفلة مفتوحة الى ما لا نهاية المهم ان الكتاب يكون يستاهل تهتموا بيه 
و يكون كلامى عجبكم واحساسى وصلكم 

" أمنيتى ان ألمس تلك المساحة المفردة بقلوبكم "



هامش
* الكتاب هيكون موجود ف معرض القاهرة الدولى للكتاب بجناح دار ليلى خيمة 2
** صفحة الايفينت " حفل توقيع كتاب حالات مفردة إلكترونيا "