الثلاثاء، 29 ديسمبر 2009

2010


سنه خلاص قربت تخلص وسنه جديدة جايه ان شاء الله
حسيت ان دى اكتر سنه محتاجه اودعها واقولها الحمد لله انك خلصتى
اصعب واسوء وكل حاجه وحشه بجد انتى سنه استحاله هنساها 
كان صعب انى اتخيل ان كل ده هيحصل وفى سنه واحده دلوقتى وانا بكتب البوست ده
مش متخيله انى موجودة وكويسه وبكتب مش عايزه افتكر اللى حصلى فيها
عايزه اتفائل انى بقيت اقوى من الاول وان كنت بوهم نفسى بس هو ده المفروض
علشان اقدر اكمل حياتى
2010 يارب تبقى سنه سعيده اتمنى ذلك
ويارب كل حاجه حصلت  وحشه فى 2009 تبقى احسن فى 2010 
يمكن انا من الناس اللى بتتفائل وبتتشائم هى دى مش حاجه كويسه بس دايما احساسى بيحصل 
قبل 2009 مش كنت حاسه انها هتكون سنه وحشه وفاول ايام السنه فعلا حصلت حاجات خلتنى اتشائم
وفعلا كانت اسوء سنه فى عمرى بس حاسه خير السنه دى مع انى مفيش حاجه تبشر بكده ههههههه
بس عندى امل ف ربنا كبيررررر ان فى خير هيحصل السنه دى ان شاء الله 
هنشوف خلاص مش باقى حاجه وندخل فى السنه الجديدة و ايامها هتبينلنا ايه فيها
ويارب كل الناس بردو يحصلها كل خير ف السنه دى وتبقى سنه حلوة على الناس كلها 

الجمعة، 6 نوفمبر 2009

عدنا من جديد

مبسوطه جدا الايام دى
هرجع الكلية تانى وهرجع اذاكر تانى فرحانه اوى وخايفه جدا
خايفه مبقاش قد المسؤليه دى نفس انجح واحقق اللى انا عايزاه
مشكله الدراسه المرة دى ان مفيش وسط يا اما انجح يا اما افشل
ربنا يستر

الثلاثاء، 3 نوفمبر 2009

عودة جديدة


بقالى ساعه فاتحه الصفحه والمفروض انى هكتب بوست


بس الصراحه يعنى مش عارفه اكتب ايه


احاسيسى متلغبطه مش عارفه اكتب بوست حزين ولا سعيد


او اكتب ايه بالظبط مش عارفه


المهم انى لسه موجودة ولسه قادرة اعيش حياتى بنفس طيبه قلبى اللى هتودينى فى داهيه هههههههه


وبردو مش زعلانه من حد ولا اى موقف زعلنى فى وقتها فكراه لحد


عايزه اعيش اللى باقى من حياتى فى هدوء واستقرار عايزه احب كل حاجه ومفكرش فى اى حاجه عدت


نفسى احس ان الدنيا بقت كلها صدق وطيبه نفسى اتعامل زى ما بعامل الناس ويصدقوا نيتى دى


تقريبا هو ده بقى اللى فى بالى دلوقتى مش عارفه المفروض اقول ايه تانى


كفايا كدا بقى حتى اشعار اخر

الثلاثاء، 7 يوليو 2009

شئ سيبقى بيننا


اريحينى على صدرك لانى متعب مثلك
لانى متعب مثلك
دعى اسمى ..وعنوانى ..وماذا كنت
سنين العمر تخنقها دروب الصمت
وجئت اليك ...لا ادرى لماذا جئت
فخلف الباب امطار تطاردنى
شتاء قاتم الانفاس يخنقنى
واقدام بلون الليل تسحقنى
وليس لدى احباب ....
ولا بيت ليؤوينى من الطوفان
وجئت اليك تحملنى رياح الشك ...للايمان
فهل ارتاح بعض الوقت فى عينيكى
ام امضى مع الاحزان ؟
وهل فى الناس من يعطى
بلا ثمن بلا دين بلا ميزان ؟
اريحينى على صدرك
لانى متعب مثلك
غدا نمضى كما جئنا ..
وقد ننسى بريق الضوء والالوان
وقد ننسى امتهان السجن والسجان
وقد نهفو الى زمن ..بلا عنوان
وقد ننسى ..وقد ننسى
فلا يبقى لنا شئ لنذكره مع النسيان
ويكفى اننا يوما تلاقينا بلا اسئذان
زمان القهر علمنا
بان الحب سلطان بلا اوطان
وان ممالك العشاق اطلال ....
واضرحه من الحرمان
وان بحارنا صارت بلا شطآن
وليس الان يعنينا ....
اذا ما طالت الايام
ام جنحت مع الطوفان
فيكفى اننا يوما تمردنا على الاحزان
وعشنا العمر ساعات
فلن نقبض لها ثمنا
ولم ندفع لها دينا ...
ولم نحسب مشاعرنا
ككل الناس فى الميزان


" قصيدتى المفضلة من ديوانى المفضل لفارو ق جويدة "