الاثنين، 22 أكتوبر 2007

يومياتى


بجوارك اعيش يوميات متكررة فايامى كلها الوان مختلفه


لكنها متكررة تحمل الكثير من المشاعر


فكدت اشعر باننى عبارة عن ايام الاسبوع والوان من العاطفه


وهذه يومياتى معك


الجمعه


لونه ابيض بلون الحنين الى عينيك


السبت


باللون الاصفر كغيرتى الدائمه عليك


الاحد


خليط من الازرق والروز كخليط مشاعرى المشتاقه اليك



الاثنين


احمر لون فرحتى بلقائك


الثلاثاء


اخضر بلون الحياة التى اعيشها معك


الاربعاء


رمادى كلون غضبى منك


الخميس


جميع تلك الالوان معا كحالتى وانا بين يديك


ليس هذا كل الواقع ولكنه تلخيص له



فقد احتاج المزيد والمزيد لاعبر فقط ماذا اكون انا فيك



السبت، 20 أكتوبر 2007

رسائل قصيرة




من فترة طويلة مش كتبت مش لانى مش عندى حاجه اكتبها

بس لانى مش كنت محتاجه اكتب

النهارده حاسه انى هصالح قلمى وهرجع اكتب من جديد

هكتب اى حاجه وهكتب شعر تانى لشان فى ناس زعلت انى مش بقيت بكتب

معلش كانت فترة وراحت وهكتب تانى
________________________________
مش عارفه مالك فى حاجات متغيره

ده مش تفكيرك انا مش زى حد انت دايما بتقول كده

راجع نفسك تانى مفيش حد بيحب باسلوبنا

بحبك اوى
________________________________
هوبة انتى بجد اكتر من اختى بحبك اوى قلبى معاكى يا حبيبتى

كان نفسى ابقى جنبك طول الوقت ومش اسيبك فى الروف دى

بس المشكله بعد المكان لكن ان شاء الله دايما هتلاقينى جنبك

ربنا معاكى يا حبيبتى



________________________________



انتوا اصحابى بجد وبحبكم جدا وفرحانه بيكم اوى



لينا العسوله رغم انها اوقات بتبقى كئيبه بس بحبها اوى وبحب ارخم عليها



مى بقرها وتلقائيتها وروحها الحلوة بقت صحبتى وبحبها اوى



دينا بقى طيبه وعسوله وبريئه



ربنا يخليكم ليا يارب



_______________________________



افكارى انا اسفه بجد عارفه انى مقصره معاكى



مش بقيت بكتب ولا اطلعك للنور ولا بقيت مهتميه بيكى



كانت فترة واوعدك مش هترجع تانى



السبت، 16 يونيو 2007

الى بلادى



عدت سنين وانا بشوف وشك قصادى

بلمح عنيكى فى الضباب اقوم وانادى

بجرى ورا طيف فى السراب واقول بلادى

بحلم وليل الحلم طال وانا بين جروحى

نفسى اشوف مرة ملامحك شكل روحى

وخايف اعيش طول عمرى بحلم واصحى ناسيكى

ما انا طول سنينى بجرى ورا طيفك وانادى

بمسك فى كل حاجه فيكى ومش لاقيكى

وسالت نفسى ..زعلانه منى ولا قسيتى

زعلانه منى ازاى وانا ما بين اديكى

طفل رضيع خايف فى يوم ليتوه يضيع قدام عنيكى

ضمينى ليكى وحسى بيا واعذرينى

لسه بحاول اشوف دليل انك بلادى

الاثنين، 19 مارس 2007

اغار عليك



اغار عليك من كلماتى لانها تصفك

ومن همساتى لانها تصلك

ومن قلبى لانه يحتويك

اغار عليك من نظراتى اليك

ومن حبى لك

اغار عليك ولا اعلم لما

اعرف انك لى وحدى

وان قلبك سكنى

وسوف تظل حبى

اعرف انك تحيا بهمسى

وتشتاق كثيرا لقلبى

وتسعدك نظراتى

لكنى اغار منى عليك

فانا احبك فوق احتمالى

حب يفوق الخيالى

فلست تسكن قلبى

وانما ترى فى عروقى

فهل ستمنعنى ان اغار ؟

اوقات فعلا بتبقى الغيرة عاميه ومش بنقدر نتحكم فيها

بس كل ما الغيرة زادت معناه الحب زاد

مش كل غيرة شك ومش لازم توصل لكده

انا بحب اوى وبغير بجنون شكيت مرة كنت غبيه انا بعترف

اللى بيحب بجد هيشك لحظه احنا بشر وبنغلط

بس اكيد هيرجع ويندم ومش هيعملها تانى

دى طبيعه البشر وهو ده الحب

احلى حاجه فيه عذابه

الاثنين، 5 مارس 2007

كلام من القلب





قاعدين انا وحبيبى وكنت هقول اغنيه بعدين قالى انتى هتوصفى احساسك فى اغنيه

فرديت عليه بالكلام ده

قد يعجز لسانى عن وصف احساسى

ولن اجد فى الكلام ما يعبر عنى

فانا بجانبك وانت قلبى وروحى وكيانى

فهل اصف احساس واحد لى

وكل المشاعر اجدها فى عينيك وانت تنظر لى

واشعر بها عندما تجتاح يدك يداى

لا اجد كلام يعبر ولا حروف تصفنى

وانا بجانبك تضيع الحروف وتختفى معالم الزمان حبيبى

وتصبح الدنيا ملكى وانت جوارى

الازلت تريد ان اصف احساسى

هو ارتجال بس بجد مهما اقول مش هقول قد ايه بحبه