السبت، 4 يونيو 2011

أوراقى



أوراق


بعض الاوراق نكتب عليها ونتمنى ان تصل
وبعضها نكتب عليه ونتمنى ان يعبث به الهواء ويختفى ...

(1)
ذات يوم كتبت اليك وتنميت الا تقرا .... لكنك قرات
فتمنيت ان يخفق قلبك لكننى تجاوزت فى التمنى ووجب ان اعتذر !!!!

(2)
علمتنى ان ما اتوقعه يتحقق وان ما لم اتوقعه ايضا يتحقق
فاصبحت فى ذات الوقت انتظرك ولا انتظرك

(3)
كثيرا ما استخرت الله عنك
وكلما فعلت تسألت لم يحدث منك ما يستوجب ان استخير الله فيه
لكننى كنت استخير الله فى قدرى معك خوفا من حبك !!!!

(4)
لم ادرك ان خوفى من حبك مؤشرا انى قد فعلت
ومنذ حدث وانا لا ارجو من الله سواك وكلما تذكرتك اردد اللهم صوب بوصلة قدرى فى اتجاهه


(5)
عندما دعوت لك بدعاء صغته خصيصا لك
ما كنت اتفاخر بقدرتى الادبية قدر تفاخرى بك
ورغبتى فى ان تعى معنى دعائى بكلمات لا تصلح لغيرك !!!!

(6)
بوجودك ادركت ان الطفولة ليست المرحلة الاكثر براءة
وان المراهقة ليست الاكثر تهور
وان الشباب ليست الاكثر نضج
وان الشيخوخة ليست الاكثر ياس
فكل ذلك يحدث فى مرحلة واحدة معك

(7)
معك تعلمت ان كل علامات الحب كانت خاطئة
وان كل مؤشرات الحب كانت كاذبة
وان كل دراسات الحب كانت واهمة
فجميعها تنطبق ظاهريا وتختلف جوهريا فقط عند تطبيقها عليك

(8)
لا يسعنى ان اخبرك كم احبك ولكنى كلما اقبل على الليل اتجه الى سجادة صلاتى
واسجد شكرا على وجودك فى حياتى وتردد دقات قلبى ياااااااارب احبه

(9)
لازلت سعيدة لكونك هنا فقط لاننى معك
تحت اى مسمى ..... لا يعنينى


ورقتى الاخيرة .......
ممتنه لقدر جمعى بك



احلى حاجة كتبتها واكتر حاجة حبتها من بين اى حاجة كتبتها 
اقولكم ليه بقى لانها كانت باحساس اوى واحساس حلو اوى مش زى اى احساس حسيته قبل كدا
كما انا دخلت بيها مسابقة على بيدج مما قرأت وكسبت فى المرحلة الاولى بيها وكانت اخدت 132 لايك و 57 كومنت 
وبعدها قالوا مش هنحسب بالايك والكومنت فلما كسبت فرحت اوى جدا خالص يعنى 
وبعدها بفترة لقيتها منشورة بالصدفة فى بيدج  rOmAnCe ·فكانت حاجة مفرحانى جداااااا
 ودى كانت حكاية اوراقى اللى بحبها اووووى 





18 التعليقات:

البِـئرُ والظمّأْ يقول...

حلوه جدا اصلا

..
كثيرا ما استخرت الله عنك
وكلما فعلت تسألت لم يحدث منك ما يستوجب ان استخير الله فيه
لكننى كنت استخير الله فى قدرى معك خوفا من حبك !!!!


هجبتني
جداا

aya mohamed يقول...

مبسوطة جدا انها عجبتك
نورتى يا قمر

الحسينى يقول...

حلوة جداً على فكرة :)
تحياتى

aya mohamed يقول...

ميرسى ليك جدا :)

عاشقة القمر يقول...

اسمحيلي احييكي على عبقرية احساسك وروعة التعبير والكلمات الفظيعة اللي مالهاش حل
وتسمحيلي تاني اني هشيرها عندي على الفيس ..وتسمحيلي تالت اني اكرر الزيارة لاني اكييييييييد هاجي هنا كتير
:)

Lobna Ahmed Nour يقول...

بوجودك ادركت ان الطفولة ليست المرحلة الاكثر براءة
وان المراهقة ليست الاكثر تهور
وان الشباب ليست الاكثر نضج
وان الشيخوخة ليست الاكثر ياس
فكل ذلك يحدث فى مرحلة واحدة معك

جميلة جدا يا آية

aya mohamed يقول...

عبير بجد ده احلى كومنت جالى على الخاطرة دى فرحنى جداااا وميرسى ليكى يا قمرايه ده بس من ذوقك وتنورينى طبعا

aya mohamed يقول...

ميرسى يا لبنى انتى اجمل

Mohammed Salaheldeen يقول...

هي الصراحة تستاهل الخطف مش النشر بس
:D
احساسك فيها قوي اوي وواضح ...الله ينور :)

aya mohamed يقول...

ربنا يخليك يارب
ده بس من ذوقك

rona ali يقول...

:))))))))
مش محتاجه كلام انتى عارفه

بيجد كل مقطع استمتعت بي جدآ

مبسوطه انها بتذكرك بحاجه حلوة كمان كدة ويارب دايما في تالق وازدهار :)

مصطفى سيف الدين يقول...

:)
جميلة جدا جدا يا آية
و تستحقين الفوز بكل مسابقة
سعيد بما قرأت فهو نوراني

aya mohamed يقول...

رنا

ميرسى يا رنا ربنا يخليكى يارب
هو انا مش فاكرة كلامها اوى
ومش حابة افتكر بس انا بحبها ههههههه
وببقى فخورة بيها جدا لانها الحاجة
الوحيدة اللى كتبتها واتنشرلت واتقال
عليها كلام جامد

aya mohamed يقول...

مصطفى

بيفرحنى رايك جدا
ميرسى يا مصطفى ربنا يخليك :)

فراشة يقول...

حلووووووووة قوي

رقيقه جدا بجد

واسلوبك ماشاء الله علييكي بجد

عجبتني فعلا يعني :)

تسلم ايدك

Zeinab Hataba يقول...

كثيرا ما استخرت الله عنك
وكلما فعلت تسألت لم يحدث منك ما يستوجب ان استخير الله فيه
لكننى كنت استخير الله فى قدرى معك خوفا من حبك !!!!
التدوينة رائعه حاستها اوووى
المدونه اسمها وتصميمها جميل فيها هدوء
تحياتى.)

aya mohamed يقول...

فراشه

تسلمى يارب
مفيش ارق منك بجد :)

aya mohamed يقول...

Zeinab Hataba

ربنا يخليكى يا جميلة
ميرسى ليكى جدااا
نورتينى :)