الأحد، 12 يونيو 2011

القالك حد



إلقالك حد..

لو ضاقت بيك يفتح لك قلب

يبقالك صحبة وأهل وبيت

يناديك لو إنت في يوم ضلّيت

ويشوفك لو ع الخلق داريت

ويحسّك رغم البين والبعد

إلقالك حد..

إلقالك حلم من الأحلام

ماتسيبش سنينك للأوهام

دي الدنيا ما بين أفراح وآلام

الشوك تسقيه يطرح لك ورد

إلقالك حد..

إلقالك قلب يحن إليك

وحبيب يشتاق ويروح يرضيك

لو طالت في الأيام لياليك

يبقالك فجر وشمس وغد

إلقالك حد..


 انغام بتقول دور على الحد ده بس انت جربت ف يوم تكون الحد ده
جربت تبقى انت القلب اللى فاتح بيبانه لحد طول الوقت من غير عتاب ولا زعل
من غير تفكير فى اى سبب ولا هدف ولا وسيلة
انك تبقى الحد اللى يوم ما تضيق الدنيا عليه اوى يلجالك من غير ما تقوله
انت لسه فاكر تسال عليا ما غير ما تبرر تصرفه بان له هدف معين 
 دايما بندور على الحد ده وبننسى نكون احنا الحد ده لناس تانيه
او يمكن مش بقينا بنثق ان الحد ده موجود اصلا
 
اردت ان اخبرك فقط انى ذلك الحد لك
فان ضاقت بك الدنيا يوما فأنا انتظرك ....



 

10 التعليقات:

الحلم العربي يقول...

و ساعات نلاقى الحد و مانشوفوش و ساعات نكون الحد ده لحد من غير مانعرف

و بعد شوية نكتشف ان كان لينا حد
، انا رأيي دور على الحد اللى انت اكيد ليه كده دروقتى قبل ما يروح منك و لو مالقتش خالص قول اكيد هلاقيه قريب :))
شكرا يا يويو

FAW يقول...

جميلة قوي

الأغنية وكلماتك . .

تحياتي

aya mohamed يقول...

عجبنى كلامك جدا يا يويو
ومتفقة معاكى جدا:)

aya mohamed يقول...

ميرسى ليك جدا نورتنى :)

غير معرف يقول...

المعنى جميل --أقصد معنى التدوينة

لكن الانسان لاهو ملاك ولاهو شيطان

صعب أوى أنى أبقى الحد دا طول الوقت

محدش بيدى من غير ما ياخد--أكيد فى وقت هسأل نفسى --أنا مين الحد اللى ليا--

لكن أعد أن أحاول أن أكون--الحد--لبرهة قد تطول أو تقصر

تحياتى لفكرة التدوينة

aya mohamed يقول...

ميرسى ده بس من ذوقك :)

مصطفى سيف الدين يقول...

الاغنية روعة
والمعنى جميل
وكلماتك اضافت جمال للبوست
هل فعلا ممكن يكون في حد لما الشوك تسقيه يطرح ورد؟
اعتقد في الزمن ده مفيش الا اذا كان عاشق حتى النخاع
تحياتي

aya mohamed يقول...

مش شرط يا مصطفى اللى بيحبوا بعض
الصحاب اهم كمان
وميرسى لذوقك جدا :)

nesma hatem يقول...

اغنيتى المفضلة جدا جدا
وكلماتك زادت محبتى ليها
:)

aya mohamed يقول...

هى كمان اغنيتى المفضلة جدا
وميرسى لذوقك جدا يا قمر :)