هو ينفع اجرى بسرعه اوى واقف قدامك وانا متلغبطة كدا
واقولك وحشتنى اوى
طيب بلاش ممكن تغمض عنيك واقولك انا مين
وتقول اسمى ايوة وحشنى اسمى منك
انا وحشانى تخيل بقى
عارف انا فرحانة اوى دلوقتى فرحانة لدرجة ان دموعى سبقت كلامى
مش دموع وجع دى دموع حب
انا حلمت بيك امبارح حلم مش زى اى حلم حلمته بيك قبل كدا
حلم حقيقى كنت ببصلك بجد وبضحك معاك بجد وحاسة بيك اوى وبجد
بس مش عارفة ليه لما صحيت لقيت فى عينى دموع مع انى كنت فرحانة بيك اوى
عارف دى دموعك اللى كنت بتحاول تخبيها عنى فى الحلم
هو ينفع اشوفك تانى فى نفس الحلم من غير دموع
2 التعليقات:
بوست رقيق و عسل خالص يا ايه
ميرسى يا قمرايه
إرسال تعليق