Quotations

اقتباسات بحبها جدا جبتها من الفيس بوك لـ هنا
 

اذا اتعبتك آلام الدنيا فلا تحزن .. فربما اشتاق ربك لسماع صوتك وانت تدعو .. 

ولماذا تدمن التفكير والله ولي التدبير . ولماذا القلق من المجهول وكل شئ عند الله معلوم. لذلك اطمئن . 

فأنت في عين الله الحفيظ وقل بقلبك قبل لسانك .. فوضت امري الي الله .... وابتسم

جَميل أن يخصك احدهم بأشيَاء دُون الآخرينْ . .!
كلمة ، أو اسم ، أو فعل ، أو حتى أس...ْلوب حَديث ، أو أي شئ ..!
ليثبت لك شئ واحد ، أنك بالنسبة له  "مُختلف"

يا الله لست أطلب الكثير ..
أريده بشرياً / رومانسياً ..
يحبني / يحسّني / يشعرني ..
أ...ريده ان يجثو على ركبته اليسرى ويفتح علبة مخملية ..
ويفاجئني بلوحة إعلانات مضيئة كتب عليها ..
.........أحبك / أحتاجك / تزوجي بي ..
و ليس أكثر من ذلك

ضعوا أمنياتكَم في سَجده ثمَ آنسـوها 
والله لاينسى أمنياتنـَا بل يؤجلها  ليمنَحنـا إياها لاحقاً 

ربِ هِبْ لنا فرحةً بتحقيـق آمانينـآ

إلهي ~
إني لا آريده فتنة ,
ولا آريده ذنب ,
آريده آن يكون في روحي كامـل كرفيق درب ,
......ككل الاشياء التي تحبها نفسي و نفسه .,
فلا تجعل عمري يمضي بدونه !
يـــــــــــآآآرب

آحسدهمّ بِ قووهَ !!
يجلسوَن ويأكلونُ معك ..
وتضحِك لهّم , يُصآفحونك ‘ وآلبعّض يُقبلك ! وأنآآ هنآ ..
- لآ آستطيّع حتى [ تأمُلك ].

قال لها : هل دعيت لى..؟!
قالت : دعيت لك
قال : و ماذا كان دعاؤك..؟!
قالت : قلت يا رب... إن لم تجعلنى لقلبه سعادة فلا تجعلنى له وجعًا
فسكت هو و لم يقل شيئا !!
......فقالت له : لماذا لم تقل آمين؟

رجوتــك ربـــــي ان تحفـظه لــــي وحـــدي بقـدر حفــظك لكتــابك الكـريـم !!~
واجـ...عله نصيــبي مـن هـذه الحــــياه بمشيئـتك !!~
فـ انــا لا اتمنــــى منــك سـواااه !!~
ولا احــــد يعلـم كــم احبــــــــه سـواك يا الله

هو يوم كتب كتابها قبل جبينها .. ثم ج...ذبه أصدقاءه للتصوير معه ..
و بينما هو بين المعازيم ..
اقتربت منه و دون أن يراها لمست يده ..
كان يظنها يد أخته لذلك أمسكها برفق و استمر في الحديث مع ضيوفه ..
لم يتخيل أنها هي ..
فابتسمت ..
فقرصته في يديه ..
فنظر إليها ..
و انبهر ..
نظر مرة أخرى إلى يديه و هي بداخل يديها ..
ثم نظر لها .. ابتسمت و أنارت الأرض بعينيها ..
و لأنه أطول منها قليلاً ..
نزل إلى مستوى رأسها و قال :- يخرب بيت جمالك يا شيخة .. أنا أول مرة بنت تمسك إيدي بالرقة دي ..
كانت بذلك قد عرفت تماماً نقطة ضعفه ..
فكانت مع كل خلاف بينهما تذهب إليه و تجلس و تلمس يده ..
كان هو يفهم معني هذا التصرف ..
كانت بعينيها تقول له :- فلنبدأ من جديد .. من يوم كُتِبَ كتابنا ..
فكان يخضع لها بكل حواسه ..
حتى أنه كان عندما يخاصمها بشدة و تقترب منه لتلمس أصابعه كان يقول لها :- حرام عليكِ ..
كان يعلم أنها إذا لمست أصابعه سيصمت و يرضي ..
كان يرضي سريعاً ..
كان حقاً يرضي بداخله ..
كانت لمسة يديها تنتزع من قلبه كل سوء ..
كانت تصيبه بالخدر ..
كان يقبل جبينها عندما يخطأ في حقها ..
و كانت تلمس يديه عندما تخطأ في حقه ..
و كانا يرددان ..
فَلَا جُنَاحَ عَلَيْهِمَا أَنْ يُصْلِحَا بَيْنَهُمَا صُلْحًا وَالصُّلْحُ خَيْرٌ

الاكتفاء الروحى

اى حد فى الدنيا بيكون عنده شوية اهداف كدا مرتبهم حسب الاهمية
وبيحاول بكل الطرق انه يوصل لاهدافه
الاستفادة المعنوية بتكون اهم لما بنحاول نوصل لاهدافنا هقولكم ليه
لان اوقات بتكون محدد لنفسك هدف وانت فى نص الطريق ليه يظهرلك هدف تانى
او تغير هدفك الاول اصلا واوقات تلاقى ان السعادة اللى حسيت بيها خلت عندك اكتفاء
حتى لو مش وصلت لهدفك فانت سعيد بالمحاولة دى
عمرك حسيت بقى ان روحك قالتلك كفايا كدا مش عايزة اكتر
فى حاجات بتعمل اشباع لروحك عمرك فكرت ايه هى الحاجات دى

احساس انك مظلوم وعايز تاخد حقك واى حاجة تحصل فى اللى ظلمك مش كفايا
ومع ذلك مش تاخد حقك مع انك تقدر وتوكل ربنا وتحس ان روحك اكتفت بكدا
فتلاقى ربنا اخد بحقك مرات كتير اوى مش مرة واحدة بس 

 ممكن يبقى عندك عشر صحاب بس مش حاسس انهم كفايا وان عايز تصاحب ناس اكتر 
وممكن يبقوا اتنين بس وعندك احساس انهم كفايا اوى حتى لو مش بتكلمهم غير قليل

سالها انتى ليه مش بقيتى متحمسة تكملى مشوراك قالتله
وانا فى وسط طموحاتى وعايزة ابقى واوصل واحقق فجاة وقفت لما شفتك وقلت كفايا عليا " انت "

just smile

ويرحل الدمع منا ويبقى السؤال

لما سكبنا الحزن دما عبر ساحات القتال

وطوينا العمر بحثا خلف انقاض الجبال
واهمون اننا يوما سنلقى من سيوصف بالكمال
لم نفكر ان كل عيوبهم قد شابها رمز الجمال
و رافضون عيوبنا وكانها شئ محال
فلتبستم وتذكر كلنا الى زوال

عارف يعنى ايه ؟

عارف يعنى ايه بحبك
يعنى تبقى راجع من الشغل مبهدل وانا شيفاك احلى راجل فى الدنيا
يعنى لما تبقى مضايق يبقى نفسى تحكيلى اكتر ما بتحكيلى وانت مبسوط
يعنى لما تقولى كلام يزعلنى و ازعل بس علشان تقولى حقك عليا
يعنى لما تغنى قدامى وانت عارف ان صوتك مش حلو و ابقى سمعاه انا احلى صوت
يعنى لما تبقى تعبان ويبقى انى اسمع صوتك هو الامان
يعنى ابقى خايفة عليك من غير سبب وقلقانة من غير لزوم
يعنى كلمة منك تخلينى المس السماء و احساس انك زعلان يقلبها غيوم
يعنى احتياج لصوتك لحنانك ولشوية دلع لما اقولك علشان خاطرى وتقولى حاضر
يعنى ابقى مالكة الدنيا لما بتهتم بيا وتحسسنى انى اهم واحدة فى دنيتك
يعنى تضحك معايا على حاجات بسيطة وانت عارف انى بموت فى ضحكتك 

to u

عندما تشرق شمس ايمانى بك ابتسم واستقبل الحياة بمزيد من التفاؤل
عندما تستيقظ احلامى بداخلى بعد ثبات عميق فلابد ان قلبى جدد دقاته
عندما تكون انا بكل قيودها حرة فما ذلك الا نتيجة جرعات مكثفة من السعادة
عندما تسيطر على رغبة التحليق والابحار والرقض فى آن واحد
فان شئ ما يحدث
شئ ما يدفعنى ..... تجاهك

خايفة

عارف يعنى ايه اقولك خايفة ولما تقولى اطمنى اخاف اكتر ؟!!

سارة درويش

من فيض احساسه

انها المرة الاولى التى اكتب كأننى " هو "
فقد كان " احساسه " ملهمى تلك الليلة 

قال لها تمنيتك كثيرا حتى خشيت ان يعاقبنى الله بان تظلى امنية

فقالت وانا دعوت الله بالخير كثيرا حتى وجدتك

يسعد بالوقت معها
ويسعدها الوقت به 

يخاطبها بصمت 

فتريحها جمال العبارات وتجيبه بالصمت ذاته

 

تشغل فكره  كثيرا حتى دون ان يفكر
 فكل شئ اصبح يحمل احساسه بها

 السادسة بتوقيت القلب
حان موعد سماع صوتها
يمسك بهاتفه لا يبحث عن رقمها
فهو الاوحد فى ذاكرة يده
و قبل ان يتصل بها .... تجيبه   

يغمض عيناه فيراها يبتسم لتحيتها فتجيب بابتسامة
تجلس بمحاذاة قلبه فيصبح وجهها ملئ عينيه
يريد ان يحادثها وتخجل كلماته
يتسع اطار حلمه لزهرتها المفضلة
يقطفها ويتجه على استحياء ليهديها إياها
يفصله عنها بعض الذكريات العالقة فى منتصف الطريق
تضئ ابتسامتها بالامل فيستعيد طاقته
يمضى نحوها بخطى اسرع ولا يكترث بما قد يعيق المسير
وها قد وصل
يسجد شكرا لله عليها وعندما يرفع جبينه ينتبه لمغادرتها
فيفتح عينه اذ بها توقظه
فقد اختارها الله له واقعا يضاهى جمال احلامه

كلام اتقال

 أقرانى ببساطة كما تقرأ الشمس أوراق العشب

وكما يقرأ العصفور كتاب الوردة

سعاد الصباح

على خلاف كل الاساطير .... لم يبدأ الامر فجأة

كريم الشاذلى

الرجل عقلاني بطبعه يحب أن تضعي له حدوداً

ادرسي المسافة التي تفصلك عنه وأعيدي النظر كل مرة
في (خريطة الطريق) التي تحدد علاقتك به.
لكن، لا تسيِّجي أنوثتك بجدار الذعر النسائي.
دعي معبراً صغيراً
لمن يريد أن يقوم بعمل انتحاري
قد يتزوجك

احلام مستغانمى 

سأحبك حتى افقدك
سأحبك لو ليوم او لساعه
فخير لى ان اعيش ساعة بحب
من ان اعيش دهرا بغير حب
يوسف السباعى

كأن الناس يصيرون عشاقا لحظة تعارفهم
ثم تتأكد تلك الحقيقة مع الزمن او تتلاشى
غادة السمان

فرضت نفسك على حياتى بقوة
اعشق انا قوتك تلك وسيطرتك على
خالد الباتلى 

بعض الكذب لذيذ احيانا 

أدرك انك لن تفعل ... وتدرك انى ادرك انك لن تفعل
وعلى الرغم من هذا ... مستمتعة انا بحمايتك المزعومة لى 

أثير عبدالله

آلهى يا منبع جميع الانوار
ترى من نحب حينما ننظر الى بعضنا البعض ؟
إنما هو انت وحدك المحبوب أينما توجه قلب محب
وانت وحدك المعبود أينما توجهت نظرات عابد 

د/ مصطفى محمود 

My Universe

جوايا مساحة مفيش حد بيدخلها غيرى
لما بحب اقعد معايا شوية ونبقى مرتاحين سوا ومبسوطين ببعض
بقفل عليا كل البيبان اللى وراها زعل وابص للسماء
وانا مرتاحة وببص للسماء بيبقى نفسى اقول الحمد لله بعدد كل نجوم السماء اللى مش باينة من الشمس

بغمض عينى واقول الحمد لله طويللللة اوى جوايا وانا حاسة ان كل حاجة فيا بتقول معايا
فـى المساحة اللى جوايا شوية حاجات بسيطة بس بتفرحنى زى ابتسامة اطفالى فى المدرسة
واى حاجة حد عملها بصدق علشانى قد ايه بفرح بالحاجات الصغيرة اللى بتتعمل علشانى
احساس ان الهدف الوحيد اللى اتعملت علشانه هو انا مفيش مبرر تانى ولا هدف ولا حتى مقابل
كل ثانية حد فكر فيا بجد وسال عليا لمجرد انى جيت على باله بفتكرها وافرح اوى
وانا مع نفسى فى ساعة الصفا دى ببقى فرحانة بيها اوى وهى بتقولى انا مش زعلانة من اى حد خاااااالص
وتفكرنى بكل الحاجات الحلوة اللى كانت بينى وبين اى حد خرج من حياتى 

لكن لما سالتنى انا مرتاحة ليه النهارده مش عرفت ارد عليها اصل الراحة دى مش ليها سبب
بس الاكيد اى حد فى الدنيا لما يبقى فى ناس قريبة منه بيخافوا عليه بجد وبيحبوه بجد هيبقى مرتاح

ومن فضائى الكونى عايزة اعمل توثيق واسبق آية لان الفكرة عجبتنى اوى

- عايزة اقولك انى مبسوطة اوووى وعلشان كدا خايفة نفسى نفضل كدا
- فرحانة علشانك اوى حاسة انه فرحى انا يارب يتمملك على خير ويسعدك ياااارب
- احلى صاحبة فى الدنيا انتى على فكرة واحلى حاجة حصلت فى دنيتى بردو انتى
- سؤالك عليا فرحنى جدا وفكرنى بان على الجانب الاخر من حياتى حد مهتم بيا

- مبسوطة انى عرفت كل اللى فى الحملة تجربة حلوة اوى عرفت منها ناس احلى

 

 

 

كالنبته

قلوبنا كالنبته
تحتاج منا لاهتمام والعناية
ان نطهرها من الآفات الدنيوية
وان نرويها بالمحبة والتسامح والود
دعوا قلوبكم تنبت فى ارض الايمان
واسقوها بمحبة الرحمن

اللهم يا مقلب القلوب ثبت قلوبنا على دينك 

القالك حد

إلقالك حد..

لو ضاقت بيك يفتح لك قلب

يبقالك صحبة وأهل وبيت

يناديك لو إنت في يوم ضلّيت

ويشوفك لو ع الخلق داريت

ويحسّك رغم البين والبعد

إلقالك حد..

إلقالك حلم من الأحلام

ماتسيبش سنينك للأوهام

دي الدنيا ما بين أفراح وآلام

الشوك تسقيه يطرح لك ورد

إلقالك حد..

إلقالك قلب يحن إليك

وحبيب يشتاق ويروح يرضيك

لو طالت في الأيام لياليك

يبقالك فجر وشمس وغد

إلقالك حد..

 انغام بتقول دور على الحد ده بس انت جربت ف يوم تكون الحد ده

جربت تبقى انت القلب اللى فاتح بيبانه لحد طول الوقت من غير عتاب ولا زعل
من غير تفكير فى اى سبب ولا هدف ولا وسيلة
انك تبقى الحد اللى يوم ما تضيق الدنيا عليه اوى يلجالك من غير ما تقوله

انت لسه فاكر تسال عليا ما غير ما تبرر تصرفه بان له هدف معين 

 دايما بندور على الحد ده وبننسى نكون احنا الحد ده لناس تانيه
او يمكن مش بقينا بنثق ان الحد ده موجود اصلا
 

اردت ان اخبرك فقط انى ذلك الحد لك
فان ضاقت بك الدنيا يوما فأنا انتظرك ....


 

ازدواجات 2

احساس انى مكسوفة انزل البوست اللى فات الحملة

وانى عايزة اشيله علشان اكيد فى ناس كتير هتفكر فيه بشكل وحش

هو اللى خلانى افكر فى انى اكتب بوست تانى 

و انا أسفة انى اتكلمت كدا وياريت تاخدوا الحاجات الكويسة اللى فيه لو لقيتوا يعنى

كيف نخجل من اخطاءنا وهى الشئ الوحيد الذى يجعلنا نبدو كبشر ؟

اعترف انى أخطئ

اعترف انى اذنب

اعترف انى لست ملاكا

لذا ارجوك عاملنى كبشر

سارة درويش

رغم انى متاكده انك بطلت تيجى هنا ورغم ان خلاص 

بس حابة اوى اقولك ....كل شهر وانت زى ما انت

فسبحان من علم آدم الاسماء كلها لينطق بها وعلمك انت من دون أبنائه وبناته السكوت

والسلام عليك فى ازلية جفائك التى لا تنتهى

مصطفى صادق الرافعى

لما بقفل من حد مش بعرف ارجع تانى لان فى كلام لما بيتقال
بيكسر جوانا حاجات مش بينفع نصلحها... مع انك وحشتينى

كالطلقة .... لا تسترد الكلمات
احلام مستغانمى

لو كنت عارفة انه الوداع كنت قلت نفسى اشوفك
لو كان باين وقتها انه الوداع كنت هقول كلمة واحدة لا اله الا الله
يمكن وقتها كان هيبقى فى امل 

يا كل حاجة كسبتها او سبتها
وملحقتش اشبع منها 

اكمنها قالت " هنروح من بعض فين "
يا ناس يا عبط يا عاشمنين فى فرصة تانية للقا
بطلوا اوهام بقى وكفايا احلام واسمعوا
عيشوا بذمة وودعوا
كل حاجة بتعملوها وكل حد بتشفوه
وكل كلمة بتقولوها وكل لحن بتسمعوه
عيشوا المشاهد كل مشهد زى ما يكون الاخير 

مصطفى ابراهيم

يااااااااااااااارب 

كذبوا حين قالوا ان كل الطرق تؤدى الى روما
فكل الدروب التى اعرفها تؤدى اليك فقط 

اسماء حسين

ليس ذنبى ..... وحدى

انتهت مناقشتى معه بالامس عند جملة  " توقعى سوء النية دائما "

استوقفتنى الجملة كثيرا خاصة عندما اعادتها على صديقتى اليوم

كان حكمهم على كشخصية تتعامل بطيبة حد قولهم بسذاجة كما وصلنى من شرحهم

لم يكن الخلاف موقف ولكن الخلاف كان وجهات نظر فى المعاملات الانسانية

وانا هنا وامام الجميع اعترف بكل ما اقروه واكثر

ولكن دعونى اخبركم انه لم يكن ذنبى انا وحدى 

عندما كنت فى السابعة من عمرى عندما بدات حفظ القرآن الكريم كانت معلمتى

تحرص على تعليمنا بعض السلوكيات الدينية واعطائنا نبذات عن فن التعامل مع الاصدقاء

كانت تصر على تذكيرنا بان نبينا الكريم امرنا بان تلتمس لاخيك سبعين عذر وتتبعها بــ

( ياااااااه سبعين عذر تخيلوا يعنى اكيد هتلاقى اى سبب يخليكوا مش تزعلوا من بعض )

وليس ذلك وحسب بل ان خيركم من يبدا بالسلام

وطبقا لتعاليم اسلامنا علينا تطبيق ما امرنا بيه نبينا حتى لا نكون كالحمار نحمل اسفارنا

هكذا اخبرتنا معلمتى وهكذا كنت افعل والى الان ولم انظر الى الامر مطلقا انه انتقاص لكرامتى

فان كان الامر كذلك فليس ذنبى انا اذا انه ذنب معملتى  !!!!

وعندما اصبحت فى الحادية عشر كان مدرس اللغة العربية حريص على مناقشتنا فى الامور المستقبلية

وبما انها بداية فترة المراهقة فكان يحدثنا كثيرا عن الحب من منظور اسلامى وصفات الزوجة المسلمة

فاخبرنا بان الاسلام اساسه الحب فلا يؤمن احدكم حتى يحب لاخيه ما يحب لنفسه وان من السبعة الذين

يظلهم الله فى ظله يوم لا ظل الا ظله رجلان تحابا فى الله اجتمعا عليه وتفرقا عليه 

وبان الحب مقتصر على الحب فى الله وعلينا ان نغض من ابصارنا حتى لا نتعلق باحد من زملائنا  ولا نعلق احد بنا
فتاصل داخلى ان الحب مقابله الله فلم اكثرث بان على الارض ذكور فانا احب جميع صديقاتى ف الله وكفى
وكنت استمع لزميلاتى ممن تحب هذا وتشتاق لذاك ولم اهتم لامرهن غير كلماتى بان استخيرى الله
فان كان خير لكى ادام الله ذلك الشعور عليكى وان كان شرا فسيشغلك الله عنه
فالبعض اسمانى معقدة والاخر عاقلة وانتم قلتم بانى محدودة التجربة
ولم يكن ذلك ذنبى انا اذا هو ذنب معلمى !!!!

وبينما انا فى المرحلة الثانوية لم يكن لدينا معلمة او معلم ليخبرنا عن شئ ما ولكن شغلنى كثيرا الشعر الجاهلى 

الذى كنا ندرسه حينها بدات افكر فى الغزل العفيف والغزل الصريح وقصص الحب العزرية وما اذا كانت

تلهى عن الله او انها مخالفة لديننا ام لالم يكن لدى من اسئله لكن ان كان الحب الذى درسناه فيه ما يخل ما كانوا

ليضعوه بين ايدينا لنتعلمه وبدات اقرا واتامل واشعر وادمع وانتفض واخجل

فقد علمونا بان كلمة احبك تكفى لان اخجل عام وان نظرة الحب لا تموت
وان الاخلاص لا ينتهى وان الوفاء هو كل ما نملك وان التضحية من شيم النبلاء
فعندما احب لابد ان اخلص وان اتحمل الى اقصى حدود التضحية وان ينبض قلبى له وان يظل هو كروحى
وان ادعو الله به فان لم يكتبه الله لى ادعو الله له ليخلفه الله خيرا منى
وان كان حبى كثير ولا احد يستحق ذلك كما تقولون 

فلم يكن ذنبى انا اذا انه ذنب من علمنا كيف نحب !!!!

وعندما كنت فى الجامعة كنت اذهب لتلقى دروس فى تجويد القرآن وبعض الوقت فيها نمضيه فى السماع 

لمشكلات وتساؤلات الحاضرات فكانت معلمتنا تقول دوما بان النبى عليه افضل الصلاة والسلام

قال ( الا اخبركم بخير ما يكنز المرء ؟

المراه الصالحة اذا نظر اليها سرته واذا غاب عنها حفظته واذا امرها اطاعته )

اخبرتنا بان بالكثير والكثير مما علينا من التزام واحتشام ومداومة على الطاعات حتى نصير زوجات صالحات .

ومثلما على الرجال من ضرورة لانتقاء زوجاتهم علينا نفس الضرورة واكثر
واخبرتنا ان علينا ان نحسن الظن بالاخرين فلا نحكم على الاشخاص من مظاهرهم فليس معنى 

انه ملتحى انه شديد التدين ولا انه يرتدى كاجول انه غير ملتزم علينا ان نحسن الظن حتى نقابل بحسن الظن فينا
هكذا تعاملت وهكذا صدقتهم عندما اخبرنى احدهم انهم دائم الصلاة والاخر عندما التمست حسن خلقه
فان كان ذلك نفاق او ان التدين لديهم شكلى وليس له علاقة بالتعاملات الانسانيه فهذا خاطئهم
وليس ذنبى انى صدقتهم هذا نب معلمتى !!!

اعرف ان من يقرا ذلك سيقول واين عقلك علقتى اخطاءك على من علمك ولم تلومى نفسك 

لا اتنصل من ذنبى فانا اعترف بخطأى كان على ان اعامل الناس مثلما يعاملوننى
واعترف بضعفى فى الرد بالاساءة واعترف بانى صرت اخاف الناس لانى لا اجيد ان اسئ الظن بهم
واعترف بكونى مخطئة فى حق نفسى واعترف بانى لا استطيع ان اكون غير ما انا عليه !

قد اكون عانيت كثيرا من اساءت فهمى فالكثيرين فى زمننا لا يتوقعون حسن ظن الاخرين
لكن اشهدكم انى لا اكتب الا ما اشعر به ولا انتظر من احد شئ ولا اعامل احد بشكل ما لاى هدف
فعندما اكتب اكون انا كذلك وعندما اصادق يكون بصدق وعندما احب يكون ف الله وان لم يصدقنى احد
فقط يكفينى صدق نيتى امام الله !!!

قصاقيص جوايا

تقريبا الفترة دى اكتر فترة كتبت فيها فى حياتى كلها

وحاسة ان الالهام كمان مساعدنى اوى بكتب شعر كتير الايام دى

بس مش نافع انزل الشعر كله هنا فبنزله فى صفحتى على الفيس بوك

اعمالى هنا

محتاجة رايكم جداا فى الحاجات اللى بكتبها هتعبكم شوية انا عارفة :)

حاجة قريتها ولقيت معايا طول اليوم لقوة ألفاظها وتاثيرها 

7 أشياء تجلب التعــاسـة !

1- من لا يعمل بما يعلم
2- عمل لا تسعد به
3- مال تكنزه لا إستمتعت به و لا أنفقته في سبيل الله
4 - النظر إلى ما في يد الغير
5- محبة غير مقيدة بحب الله
6- وقت معطل و ضائع في غير طاعة أو إحتساب
7- فكر يجول في أشياء غير نافعة
د. عمر عبدالكافي

 لو عملنا كل حاجة واحنا فى نيتنا مراعاة الله بس هنلاقى حياتنا كلها سعادة
اللهم لا تأخذنا منك الا اليك ولا تشغلنا عنك الا بك واجعل اعمالنا واقولنا خالصة لوجهك الكريم
وطهر قلوبنا من النفاق والرياء وسوء الخلق 

ضاقت فلما استحكمت حلقاتها فرجت وكنت اظنها لن تفرج
مقتنعه بيها جداااا ومؤمنة جدا وقت ما تبقى الدنيا سودا اوى هلاقى شوية نور جايين من بعيد
علشان كدا اول ما بلاقى الدنيا بتضيق عليا بدور على شوية النور دول جوايا
او من اى حاجة حواليا المهم الاقى النور اللى يرجع الدنيا من جديد

انتوا احلى حاجة حصلتلى فى الدنيا
بجد حاسة ان انتوا اللى طلعت بيكم من الدنيا دى كلهاااا
ربنا يخليكم ليا يارب وافضل حاسة ان ليا حد مهما يحصلى هلاقيه جنبى
يمكن شوية قناعات جوايا اتغيرت يمكن فى حاجة مش فاهمة اتكسرت ليه
بس انا متاكدة ان ربنا بيعلمنى وبجد بجد الحمد لله اوووووى

اللهم اجعلنى خيرا مما يظنون ولا تؤاخذنى بما يقولون واغفر لى ما لا يعلمون
اللهم انك اعلم بنفسى منى فان لم يكن بك على غضب فلا ابالى 

فاقد الشئ يعطيه .... أحيانا

فاقد الشئ لا يعطيه

مش مقتنعه ايوة ليه يعنى فاقد الشئ لا يعطيه

بالعكس ده اوقات فاقد الشئ هو اقدر الناس انه يعطيه

لو افترضنا ان الانسان هو الثابت وعندنا متغيرين المشاعر والظروف

العلاقة بين المشاعر والظروف علاقة طردية

ايه دخل الرياضة .... ثوانى بس هقولكم

فى اعتقادى الشخصى ان الانسان اللى محروم من الحنان هو اكتر حد جواه حنان اول ما تسمحله الظروف

هيدى حنان يكفى الدنيا كلها مع انه فاقد الشئ اهو

كمان الانسان اللى عايز فى بيت مش مستقر بيكون كل حلمه فى الحياه انه يعمل بيت مترابط

اللى شايف باباه ومامته منفصلين بيحاول انه يحافظ على بيته ويتجنب الاخطاء اللى شافها فى حياة اهله قبل كدا

هى نظرية بس مش صح دايما ..... ايوة ما انا عارفة

ما احنا لو طبقناها على كل حاجة فى الدنيا هتبقى غلط

بس انا بتكلم فى نقطة المشاعر والعواطف لان دايما جملة فاقد الشئ لا يعطيه مرتبطة بالحب والحنان والمشاعر

ودايما بردو الجملة دى بتيجى فى بالى لما بقابل شخصيات تدينى اهتمام وحب وحنان مفيش زيه فى الدنيا

مع انهم قد يكونوا فاقدين اللى يديهم الاحساس ده والعكس تماما

اللى عايشين وسط حب واهتمام وحياة نفسية سوية مش بيدوا غير قسوة وبس

مش عارفة انتوا متفقين معايا ولا ايه
بس مجازا ياريت تبقوا تفكروا شوية لان فاقد الشئ يعطيه .... احيانا

هم

 كبقعة الضوء هم
نقائهم يبقى ايماننا بالقيم الجميلة
قربهم يمنحنا الامل فى ان الافضل لايزال محتمل الوجود
اصواتهم نغمات هادئة تخبرنا اننا لازلنا بخير

كقوس قزح هم
ملونون باجمل ما فينا فقط لاجلنا
قادوم عند هطول احزاننا لا لشئ سوانا
ورحيلهم وعود بامنيات سعيدة لنا
كل ما يرغبون به ابتسامة منا

كلحظة ميلاد هم 

يحتفظون بنسخة اصلية من قلوبنا
مقتنعون بان ما من شئ يغير طهرنا
يرغبون فقط فى ان يظلوا هم لحظة ميلادنا

ولانك كنت " هم " لى
كان على ان أطمئنك انى لازلت بخير

مصر إبنتى

حاجة كنت كتبتها من ايام الثورة
ومش عارفة ليه افتكرتها النهارده

وكأن حبك جريمتى الكبرى
عندما اثور تغضبين واذا استكنت تحزنين
فلتقولى بربك ماذا تريدين
فما عدت اعى قول العاقلين
فصرت احبك حد الجنون
ويحتدم الالم لكنه فى سبيلك يهون
فلتقولى بربك انك تشعرين
فما عدت احتمل ظلم الباغين
وما عدت انوى ان تخاطرين
سانتظرك ولو مر عمرى فيكفى انك تعلمين
باننى لاجلك من الثائرين
فحملت حبك ومضيت اليكى هل تسمعين ؟
حبك اكبر مما تتخيلين
وبعد صمتى اسكت صوتى الحاضرين
واذهلت دماء شهدائك اعين الناظرين
وظنوا انك تحتضرين
لكنى اقسمت انهم من ظنهم آثمين
فقد كنتى فى مخاضك تتألمين
وانجبتى مصر رائعة مثلك فهل تبصرين ؟
فلم تعد مصر امى بل ابنتى فلتشهدين
ساظل لاجلك من الثائرين
وساحمى ابنتى من الحاقدين
فليظلوا هم فى ثباتهم عاميين
ولتطمئنى فانا على عهدى الى يوم الدين

لحظات فيروزيه

صوتها الدافئ يذكرنى بك
فمثلها اعترضت لا تسألونى ما أسمه حبيبى
اغمضت عينى واستحضرتك امامى هل اخبرتك يوما انك حبيبى ؟

هل أحسست يوما بان ما شعرت به تجاهك كان يستحق ان تحترمه ؟

تأملت ابتسامتك الساخرة منى وابتسمت كذلك

فامامك ومهما حدث لا املك سوى ان ابتسم سعادة بك

تنبهت لفيروز تهمس بكرة انت وجاى راح زين الريح خلى الشمس مراية والكنارى يصيح
فامسكت بهاتفى واعلنت حاجتى عن رؤية اسمك فقط لاتامل حروفك واخبرها انى اشتاقك
وانى تمنيت بان يحملك بكرة الى لازين لك الريح و اصنع لك مراية من شعاع الشمس لترى حسنك بها
وكم تمنيت وتمنيت وليغفر لى الله افراطى فى التمنى فوحده يعلم ما يخفيه قلبى
وتعلو فيروزى حبيتك والشوق انقال وليلاتى الحلوة ع البال
ما بلك ايتها الساحرة تصرين ان تضعى همساتك على نبضى المحترق

لكننى اعلنت تمردى عليها واخيت صوتها عن اذنى
لاخبرها اننى ما عدت انتظر ليلاته الحلوة وبانه استطاع ان يغير قناعتى بالحب
وهمست سرا لكنه لن يستطيع تغيير قناعتى بك فستظالى فيروزى

رغم انى احبه مثلما احبك واكثر

تاج العزة

عجبنى جدا تاج الثورة ورغم انى مش كان جنبى اى مظاهرات

الا انى تقريبا كنت عاملة مظاهرات وقلق فى البيت :D

وفرصة انى اشارك فى تاج الثورة اى حاجة ليها علاقة بالثورة بدى احساس بالفخر

ونبتدى التاج

اين كنت اثناء مظاهرات 25 يناير ؟

فى بتنا عادى مش كنت حاسة اوى بالمظاهرات غير يومها بليل

كنت فكراه هيبقى يوم عادى شوية شباب هيخرج فى مظاهرة ويروح عادى جدا

لكن بليل بقى حسيت ان الموضوع المرة دى مختلف فبقيت بتابع على الفيس والجزيرة طول الوقت

هل كنت تتوقع ان تؤدى هذه المظاهرات لثورة ؟

كنت حاسة ان فى حاجة جامدة هتحصل بس مش اتخيلت انها توصل للتنحى

وكل ما حد يقولى مش هيحصل حاجة كالعادة اقول لا المرة دى غير اى مرة تانية

لازم يحصل حاجة المرة دى حياة او موت مش باقى حاجة هنخاف عليها

ماذا فعلت وقت انقطاع الاتصالات والانترنت ؟

اولا انا كنت حاسة انى مش من مصر لان كان عندى شبكة فى الموبايل وبتصل عادى

هو يوم واحد بس اللى مش كان بيجمع معايا لما بتصل بخارج محافظتى

غير كدا كنت بتصل بكل اصحابى اطمن عليهم عادى

بس طبعا كنت مضايقة جدا من قطع الانترنت وفى نفس الوقت كنت حاسة ان ده معناه انهم مرعوبين من الشعب

وغباء منهم اللى عملوه اللى نزل كان نزل خلاص واللى مش كان هينزل مش بقى عنده حاجة يعملها

فنزل هو كمان وده حسسنى اننا مينفعش حد يعاملنا بغباء ولا يفرض علينا قيود زمان او مكان او طريقة

ماذا كان رد فعلك بعد اعلان تنحى مبارك ؟

كنت فرحانة جدا طبعا رغم ان كان جالى خبر من مطار الماظه الظهر ان مبارك ركب الطيارة ومشى

فكنت متوقعه انه يولى مسؤلياته لعمر سليمان وخلاص انما التنحى مش جه فى بالى

فلما حصل مش صدقت نفسى وكنت فرحانة جدااااا

ما شعورك تجاه استمرار وجود مبارك فى شرم الشيخ ؟

فى حاجة مش مريحة فى الموضوع ده

وجاسة ان فى مصيبة هتحصل بسبب كدا

هل اتفاجئت بحجم فساد النظام السابق ؟

لا .... بما انى ارياف المفروض فعندنا واضح جدا فساد النظام فى كل حاجة واقل حاجة

ويمكن الارياف اكتر ناس كانوا عايشين مع الفساد

اتفاجئت بس بكمية الفلوس اللى سرقوها هى البلد كان فيها كل ده واحنا مش حاسين معقول

طيب عايزين ياخدوا ماشى بس على الاقل يسمحولنا نعيش كويس

هل غيرت مصر شيئا ما فى داخلك ؟

اه بقيت حاسة بفخر اكتر من الاول بمراحل

عندى احساس قوى ان فعلا مصر عظيمة

الاول كنا بنقول مصر ام الدنيا ومصر الحضارة وكان بيضايقنى ان مصر زمان بس

دلوقتى عندنا مصر الثورة مصر احنا مش مصر الفراعنة مصر الشباب

هل لديك تفسير للانفلات الامنى ؟

كان جوانا كبت تجاه الشرطة وحاسين بالقهر من الامن

فلما جت الفرصة اختلط الحابل بالنابل

محتاجين الشرطة تعامل الناس باحترام علشان نقدر نحترمهم احنا كمان

وعلشان يغيروا صورتهم جوانا وعلشان احنا نكون نرجع نديهم هيبتهم ده محتاج وقت

مصر رايحة على فين ؟

مصر حاليا واقفة لسه مش قررت

يارب تروح للعمل والتطوير عايزين نوصل بمصر لبر الامان

كان ايه شعورك لما الجيش نزل يوم جمعة الغضب ؟

اطمنت جدا وقتها حسيت ان الامان هيرجع تانى

وفى نفس الوقت كنت خايفة على الحدود وان هيبقى سهل حدودنا تنضرب

ايه اكتر صورة شايفها بتعبر عن الثورة ؟

ايه اكتر اغنية بتفكرك ب 18 يوم بتوع الثورة ؟

ازاى منير و يا بلادى رامى جمال وعزيز الشافعى

أوراقى

أوراق

بعض الاوراق نكتب عليها ونتمنى ان تصل
وبعضها نكتب عليه ونتمنى ان يعبث به الهواء ويختفى ...

(1)
ذات يوم كتبت اليك وتنميت الا تقرا .... لكنك قرات
فتمنيت ان يخفق قلبك لكننى تجاوزت فى التمنى ووجب ان اعتذر !!!!

(2)
علمتنى ان ما اتوقعه يتحقق وان ما لم اتوقعه ايضا يتحقق
فاصبحت فى ذات الوقت انتظرك ولا انتظرك

(3)
كثيرا ما استخرت الله عنك
وكلما فعلت تسألت لم يحدث منك ما يستوجب ان استخير الله فيه
لكننى كنت استخير الله فى قدرى معك خوفا من حبك !!!!

(4)
لم ادرك ان خوفى من حبك مؤشرا انى قد فعلت
ومنذ حدث وانا لا ارجو من الله سواك وكلما تذكرتك اردد اللهم صوب بوصلة قدرى فى اتجاهه


(5)
عندما دعوت لك بدعاء صغته خصيصا لك
ما كنت اتفاخر بقدرتى الادبية قدر تفاخرى بك
ورغبتى فى ان تعى معنى دعائى بكلمات لا تصلح لغيرك !!!!

(6)
بوجودك ادركت ان الطفولة ليست المرحلة الاكثر براءة
وان المراهقة ليست الاكثر تهور
وان الشباب ليست الاكثر نضج
وان الشيخوخة ليست الاكثر ياس
فكل ذلك يحدث فى مرحلة واحدة معك

(7)
معك تعلمت ان كل علامات الحب كانت خاطئة
وان كل مؤشرات الحب كانت كاذبة
وان كل دراسات الحب كانت واهمة
فجميعها تنطبق ظاهريا وتختلف جوهريا فقط عند تطبيقها عليك

(8)
لا يسعنى ان اخبرك كم احبك ولكنى كلما اقبل على الليل اتجه الى سجادة صلاتى
واسجد شكرا على وجودك فى حياتى وتردد دقات قلبى ياااااااارب احبه

(9)
لازلت سعيدة لكونك هنا فقط لاننى معك
تحت اى مسمى ..... لا يعنينى


ورقتى الاخيرة .......
ممتنه لقدر جمعى بك

احلى حاجة كتبتها واكتر حاجة حبتها من بين اى حاجة كتبتها 

اقولكم ليه بقى لانها كانت باحساس اوى واحساس حلو اوى مش زى اى احساس حسيته قبل كدا

كما انا دخلت بيها مسابقة على بيدج مما قرأت وكسبت فى المرحلة الاولى بيها وكانت اخدت 132 لايك و 57 كومنت 

وبعدها قالوا مش هنحسب بالايك والكومنت فلما كسبت فرحت اوى جدا خالص يعنى 

وبعدها بفترة لقيتها منشورة بالصدفة فى بيدج  rOmAnCe ·فكانت حاجة مفرحانى جداااااا

 ودى كانت حكاية اوراقى اللى بحبها اووووى 

هو ينفع ....؟

هو ينفع اجرى بسرعه اوى واقف قدامك وانا متلغبطة كدا

واقولك وحشتنى اوى

طيب بلاش ممكن تغمض عنيك واقولك انا مين

وتقول اسمى ايوة وحشنى اسمى منك

انا وحشانى تخيل بقى

عارف انا فرحانة اوى دلوقتى فرحانة لدرجة ان دموعى سبقت كلامى

مش دموع وجع دى دموع حب

انا حلمت بيك امبارح حلم مش زى اى حلم حلمته بيك قبل كدا

حلم حقيقى كنت ببصلك بجد وبضحك معاك بجد وحاسة بيك اوى وبجد

بس مش عارفة ليه لما صحيت لقيت فى عينى دموع مع انى كنت فرحانة بيك اوى

عارف دى دموعك اللى كنت بتحاول تخبيها عنى فى الحلم

هو ينفع اشوفك تانى فى نفس الحلم  من غير دموع

وكانت انا

تفقدته جيدا فبرغم شعورها بوجوده الا انها لم تظل لا تصدق انه هنا

هل حقا تلك ملامحه امامها تغمض عينها امام ابتسامته ثم تسرع بفتحها

عكس العشاق تؤمن بان النوم يوقظها من حلمها معه

تهمس بداخلها اللهم دم على نعمة النظر الى وجهه ودم عليه تلك الابتسامه

لازالت تشكر الله على وجوده بحياتها دون ان تجد منه ما يستوجب ان تشكر الله عليه

فرغم تعمده جرحها الا انها تعده نعمة تستوجب الشكر

فألامها معه مغلفة بفرحتها به

يرحل ويعود ثم يرحل ويعود وتظل كما هى تحبه حد الخجل من ان تهمس باسمه بداخلها

هو لا يؤمن بان وجودها سيدوم ولا يتعمد ايذائها قدر تعمده حمايتها من تقلباته

يخشى ان يحبها فتختفى فيبادر هو بالاختباء بعيدا عنها وعندما يشعر بحزنها يسارع اليها

مزيد من حنانها يقابله بالكثير من قسوته و قليل من دمعها يمحيه بالكثير من حنانه

ليته يعلم كم تدعو الله به وكم تشكر الله عليه وكم تحبه حتى يعى انها لن تبتعد

وان كل ما يفعله لن يغير ايمانها به

ان كنت لا املك الثقة لاقول انك هو

فلا جدال فى ان هى كانت انا  

my sky

كسمائى هى ارسم عليها كلماتى وازينها باحلامى

وكلمنا مررت على قديمها اتذكرنى

هى انا فى كل حالاتى

تحتفظ بنسخة عفوية منى

فحبى لها صورة من حبى لذاتى

اتكلمت عن مدونتى فى البداية علشان انا بحبها جدا

وكمان لاننا فى الحملة دى مدونتنا هى اللى هتعرفنا على بعض وهى اللى بتمثلنا

وكبداية كان لازم اقولكم قد ايه انا بحبها

لاننا متشابهون فى الاداة مختلفون فى الاسلوب

تجمعنا حتى نتعلم ونتأمل كلا بطريقته

وكاننا ننسج سماوات فكريه 

ولكل حرية الانتقاء 

بردو كان لازم اقولكم قد ايه فكرة الحملة دى جامدة جدا 

ومن القراءات السريعة لاول بوستات نزلت النهارده عجبتنى اكتر 

وان شاء الله الايام الجاية يكون فيها اكتر واكتر