2010 وداعا

حاسة ان 2011 هتبقى سنة حلوة ان شاء الله
ليه علشان 2008 كانت احلى سنة فى حياتى و2009 كانت اسوء سنة فى حياتى
و 2010 كانت اهم سنة فى حياتى وبناء على ذلك هتكون 2011 سنة مهمة بردو ان شاء الله

كان فى بالى كلام كتير اوى اكتبه بس مش عايزة اكتبه دلوقتى هههههههه
كل سنة وكل الناس طيبين يارب والسنة الجديدة تكون جميلة علينا كلنا ان شاء الله

قصص الحب الجميلة

من كام يوم كدا جه فى بالى قصص حب اصحابى كلهم
ومين منها نجحت ومين منها لا
وبدات اهتم شوية بتفاصيل ما بعد النهايات
ووقفت عند جملة ان البنات اوفى فى الحب
ولقيت ان على العكس تماما البنات بتنسى بسرعه بمجرد عريس وخطوبة وفرح
انما الولد لما بيحب بجد مش بينسى خالص
الكلام ده مش كلامى على فكرة ده كلام واحدة صاحبتى
لما كنت بقنعها ان الولد سهل ينسى وقت ما يقرر ده ويعيش تانى ويرتبط لانه بياخد القرار
وبمنتهى العصبيه قالتلى انتى بتحاولى تقنعينى بايه
الواحد ممكن ينسى حاجة اكلها امبارح لكن مش ممكن ينسى انسان حبه ولو بعد مية سنة
هى نظرية بردو بصراحة

ولحظة حب عشناها نعيش العمر تسعدنا

ومين ينسى ومين يقدر فى يوم ينسى شعاع اول شرارة حب

ومين ينسى ومن يقدر فى يوم ينسى ليالى الشوق ولا نارها وحلاوتها

ولا اول سلام بالايد ولا المواعيد ولهفتها

المهم ان احلى قصة حب كانت احمد واسماء اللى اتجوزوا وفى انتظار ياسين ان شاء الله قريب
واوفى ولد عبدالله اللى لسه بيحب هدى لحد دلوقتى مع انها اتجوزت وعاشت حياتها
واغرب قصة حب وحيد اللى خطب مرتين وفركش علشان لسه بيحب حسناء اللى اتجوزت خلاص وبتحب جوزها
واغرب بنت هبة اللى سامحت احمد على حاجات كتير اوى مش المفروض تسامح فيها لانها بتحبه
واغرب ولد احمد اللى بيرتبط ببنات كتير اوى مع انه لسه بيحب شيماء اللى اتجوزت خلاص
واعمق قصة حب كانت استاذ بيحب تلميذته فضل عمره كله يحبها وعاش من غير جواز

مع انها اتجوزت وولادها كبروا قدامه ودرسلهم وكانهم ولاده واتجوز وهو عنده 44 سنة وبعدها بكام شهر اتوفى
واكثر قصة مجنونة ايناس اللى سابت اسامة من غير سبب وسافر بره مصر هو ولسه بيحبوا بعض
واعنف قصة كريم اللى فضل يحارب علشان يتجوز ريهام وصبر و لما مامته اتوفت اتجوزها ومعاهم تؤام دلوقتى
ده غير قصص كتير جميلة زى محمد ومنى واحمد ومى و كتير اوى غيرهم

قصص الحب الجميلة اكيد ناقصها قصة

وبين كل الاغانى فى غنوة حب ناقصة

عارفة ومتقولش انت

انى انا وانت احنا القصة اللى ناقصة

فى قصص الحب الجميلة

الاغنية الاولى حليم ..اعز الناس
التانية نجاة .. قصص الحب الجميلة

أنا ...و....أنا

لحظات تجتاحنى وتحملنى الى اعماقى
تثير داخلى المزيد من الغرور بذاتى
تردد باذنى كلمات الاطراء التى سمعتها على مدار حياتى
تزيد من تكرار المميز والمتفق عليه من صفاتى
تعبث باوراقى القديمة وكلماتى المهملة فتبهرنى
فامسك بقلمى واكتب عن لحظاتى وليس عنى
فانا ساظل انا بينما اللحظات وحدها من يمضى

ولازال صوتها ياخدنى الى عالم خرافى عالم خاص بى
اشعر وكانها تغنى لى ولى فقط انها انغامى الرائعة احبها وهى تعاتب نفسها
وايضا عندما تعاتب حبيبها واحب قوتها وضعفها وكم احب تسامحها وثقتها بذاتها وحبها اللامتناهى
_____________

نعم تغير شئ ما داخلى فقد احببت عملى ومنذ عامين وانا احاول ان احبه
احببته لاننى اريد ذلك عندها احسست اننا نحب بارادتنا وليس شئ عشوائيا
سعيدة لاننى احببته سعيدة لاننى اذهب اليه وانا اشتاق لكل شئ فى المكان
فى الماضى كان تعلق الاطفال بى يسعدنى اما الان فهو تعلق ملفت للانتباه بشده
عندما ينتظرك الاطفال بشوق ويتسارعون اليك بلهفة عندما يتحدث اولياء الامور عن مدى تعلقهم بك
عندما يأبون الرحيل عندما يبكون خلفك عندها ستعرف ان للحب مذاق يختلف
مذاق رائع يجعلك تحب الحياة وليس العمل فقط
______________

لستُ بــِ كاملة ولكنني أفتخر بمواضع نقصي ..
إنني أجتهد في كل اعمالي لأعالجها ..
إنني اعمل لأكون اليوم أفضل من الأمس ،
و غدًا أفضل من اليوم
آية الملوانى
_________________

لست متفائلة ولا حالمة ولا ارى الكون من خلف ستائرى الوردية
ولكنى فقط احسن الظن بالله فسبحانه وتعالى قال انا عند حسن ظن عبدى بى
فكل ما كان قد قدره الله لى ورضائى بقضاء الله جزء من ايمانى بالله
وكل ما انا فيه قد كتبه الله على وقدرتى على حمله جزء من يقينى بحكمة الله
وكل ما قد يكون قد اختارنى الله له ولا يحملنا الله ما لا طاقة لنا به
ولست بمثالية ولا مدعية ولا انتظر من احد شئ وحده الله يعلم ووحده الله يكفينى
___________________

معرفش ليه كل اما اشوف والمح عنيا قصاد عنيه بحب نفسى
أنغام
____________________
منذ فترة وقد اخبرنى الكثير باننى مغرورة ولكنى لم اكن صدق لكنى الان اصدق
وان كنت لا اعلم كيف يظهر غرورى بينما اتسال كيف لا اصاب بالغرور مع كل ذلك الاطراء
ويحتاج كل منا الى ان يشعر نفسه احيانا بمميزاته لاسباب خاصة
وقد احتاج الى ذلك لكننى لا اتعمد التحدث عن تلك الصفات
ولكن عندما يتكاثر الحديث عنك من اناس مختلفين وفى اوقات متقاربه جدا فبدون شعور قد تصاب بالغرور
وقد اصاب بذلك فلست ملاكا وكثيرا ما ادعو الله ( اللهم اكفنى شر نفسى ) . آمين
____________________

يعجبني أن يواجه الإنسان هذه الحياة وعلى شفتيه بسمة
تترجم عن رحابة الصدروسجاحة الخلق وسعة الاحتمال
بسمة ترى في الله عوضاً عن كل فائت وفي لقائه المرتقب سلوى عن كل مفقود

الامام محمد الغزالى

فاصل منوعات

كنت عايزة اكتب البوست ده بالفصحى بس مش عارفة ليه عايزة اكتب عامية
دايما عندى حالة الرفض للى انا عيزاه ليه مش عارفة بس انا مجنونة عادى بقى
ايوة بحب الفصحى جدا بس عندى حالة من الثورة عليها او الرفض لنفسى فيها
كتير من اصحابى مضيقاهم الحكاية دى بس اكيد فى يوم من الايام هرجع اكتب فصحى تانى كتير

جه فى بالى حاجات كتبتها اى كلام فاضى معقول يعنى
وفصحى اهو مخصوص علشان واحدة صاحبتنا مش تزعل

ويوما سندرك اننا تلاقينا على عجل
فالعمر قطار يمضى بلا وعد ولا امل
فلا تتنازلى صديقتى ولتكتبى بعض الجمل

ويوما تعودين لحروف كانت تجرحك
وستضحكين فكم كانت بريئة تشبهك
صغيرتى غدا سيعود بك الزمان ويسعدك

ويوما اثور علي ويوما احتوينى
فان امتلأ الكون فليس فيه من يحمينى
فاعودك اليك ربى فوحدك ايمانى ويقينى
وادعوك يا املا بقضائك ترضينى

جملة اتقالتلى من فترة حوالى 3 شهور كدا تعليقا على كام بوست كتبتهم
انتى بتكتبى نص البوست فصحى والنص عامية
رديت بعفوية عادى هو فى حد بيقرا الكلام ده غيرى وانا بقرهولك وبشرحلك وانا بقرا ايه المشكلة بقى
ورد بردو بعفوية شديدة جدا انتى مجنونة اصلا
نفسى افهم انا بجد ايه حكاية مجنونة جدا دى بقت لقب خلاص كل الناس بتقولى انتى مجنونة هو باين عليا اوى كدا هههههههه
المشكلة بقى بجد انى اكتشفت ان فى ناس كتير بتقرا الكلام ده غيرى
فلو حد ضايقه ان بكتب فصحى مع عامية عادى يقفل الصفحة :P
لا بجد ده احساسى واللى بيجى فى بالى بكتبه
وسوف اقوم بكتابة مصدر الكلام المنقول واللى مش هيبقى تحتيه مصدر يبقى بتاعى علشان كتير بيسالوا انا اللى كاتبه ولا نقلاه
وسعيدة جدا جدااااا ان البلوج عجب ناس كتير

احساس رائع وفظيع ومش ممكن يتوصف ان حد يكون مشغول جدا ومش عنده اى وقت خالص
ويتصل بس علشان يقول انتى عاملة ايه وخلى بالك من نفسك
بحس وقتها انى مهمة وان فى حد فى الدنيا فاكرنى اوى كدا
وصدقت جدا الجملة دى الشخص الذى يحبك بصدق هو من يبحث عنك وهو فى قمة انشغاله

بقيت بحب الفيس بوك مع انى فى الاول مش كنت بحبه خالص
يمكن علشان حاسة ان فى حد معايا وبيقولى رايه زى المنتدى كدا
يمكن علشان بكتب اللى جوايا ومتحكمه فى مين يشوف ومين لا
يمكن علشان الصفحات اللى انا بقراها
المهم انى بقيت بحبه وخلاص

اه على فكرة انا مش مكملة جامعة حتى اشعار اخر
مش علشان صعبة ولا علشان حياتى واقفه على حد ولا علشان هو اللى كان عايز اكمل فبعانده
بمنتهى البساطة علشان انا تعبت وبحاول احب حياتى زى ما هى كدا
مصر مش هتخسر معيدة جامدة يعنى لما انا مش هكمل ولا مستقبل الاعلام فى مصر هيدمر علشان خاطرى هههههه

فى جملة من برومو دلوقتى حالا بيقولها تقبلى تتجوزينى
على فكرة الجملة دى جامدة مووووووت
وخصوصا بقى لما يبقى واقف كدا ويبص فى عنيكى ويقولك تتجوزينى
بجد احساس رااااااااائع ( عن تجربة شخصية :$) يارب تجربوه كلكم

فى علاقة حب فظيعة بينى وبين النسكافيه بشربه لما بكون مبسوطة بس
بحب استمتع بيه وبنفسى وافتكر احلى لحظات حياتى
ويا سلام بقى لو النسكافيه مع صوت انغام وبقرا شعر يااااه
فعلا وقتها بحب نفسى

ومع الاعتذار لانغام يعنى عايزة اغنى لفؤاد حبيبى

خبينى جوه حضنك يوم ودفينى
ده فاتوا سنين انا وعينى بنحلم بيك
ودينى دنيا تانية جديدة وكفايا
احس هواك ده جوايا واعيش حواليك
لا انا بحلم حبيبى فى يوم ولا بتمنى غير
اعيش العمر كله معاك واحس انك بخير
عيش جوه حضنى ومتسبنيش
مهما اقولك بردو مفيش كلمة توصف اللى انا فيه
واه بوعدك انى افضل ليك وابقى قلبك وابقى عنيك وكل حلم بتحلم بيه
نسينى اللى قبلك عشتوا فى سنينى ووقت الضعف قوينى على الايام
احلامى فيك لقيتها حقيقة قدامى بخاف لتعدى ايامى حبيبى اوام
ده لو فكرت الاقى كلام اقوله حبيبى ليك
يفوت العمر كله يادوب وانا بوصف عنيك
قول من النهارده خلاص يا هموم مش هتبقى عيونا فى يوم
غير دموع الفرحه وبس
واه مهما قطر العمر يفوت بردو هفضل احبك موت
وعمر شوقى ما يوم ينقص

رجاء

رب لا أشكو و لكن أرجو
أرجو رحمتك التي وسعت كل شيء أن تسعني
أنت الذي وسع كرسيك السماوات و الأرض

أنت الفاعل سبحانك و أنت مجري الأقدار و الأحكام
و أنت الذي امتحنت و قويت و أضعفت و سترت و كشفت
و ما أنا إلا السلب و العدم .. و كل توفيق لي كان منك و كل هداية لي كانت بفضلك
و كل نور كان من نورك .. ما أنا إلا العين و المحل
و كل ما جرى علي من استحقاقي و كل ما أظهرت فيّ كان بعدلك و رحمتك
ما كان لي من الأمر شيء
و هل لنا من الأمر شيء !؟
أنت أنت وحدك
و ما أرتضي مشوار هذه الدنيا إلا لدلالة هذا المشوار عليك
و ما يبهرني الجمال إلا لصدوره عنك و ما أقصد الخير و لا العدل و الحرية و لا الحق
إلا لأنها تجليات و أحكام أسمائك الحسنى يامن تسميت بأنك الحق

فحسبي النية و المبادرة فذلك جهد الفقير .. فليس أفقر مني ..
زادي منك و قوتي منك و رؤيتي منك و نوري منك

و لا سر إلا سرك و إن تعددت الأسماء و تنوعت المفاتن و اختلفت الوجوه
إنما هو أنت وحدك المحبوب أينما توجه قلب محب
و أنت وحدك المعبود أينما توجهت نظرات عابد
و أنت وحدك الرزاق و إن تعددت الأيدي التي تعطي
إنما تستمد جميع المصابيح نورها من نورك
كل مصباح يأخذ منك على حسب استعداده و يعطي من نورك على حسب شفافيته
و لكن العطاء في الأصل منك و الجمال منك و النور منك

لا إله إلا الله حقاً و صدقاً
و ذاتك هي واحدة الحسن
الحسن كله منها
و الحب كله لها
و يدك هي المشيئة
الفعل كله منها و القوة كلها بها
و إن تعددت الأيدي في الظاهر و ظن الظانون تعدد المشيئات
و إن تعدد المحبون و تعددت المحبوبات

سبحانك لا شريك لك
سبحانك و الحمد لك
سبحانك والحب لك

تأملات

واقفة أفكر فى كل شئ أراقب الاشياء داخلى وهى تتحرك بهدوء احيانا وثورة احيانا اخرى

كثير من الاشياء تغيرت بداخلى وكنت انت اول ما تغير .......

ولك اعتذر

انا اول مرة اغلط فيك .....امبارح غلطت فيك جامد اوى

غلطت بحجم الحب اللى حبتهولك طول عمرى

غلطت بحجم تربيتك ليا اللى عرفت انك كنت فخور بيها اوى وقايل لكل الناس انى تربيتك

الطفلة اللى انت مربيها لاول مرة بتقول الفاظ زبالة تصور بقى مش حاجة صعبة على فكرة

بس كان الصعب انها عليك ......... انا اسفة بس الموقف كان اقوى من تربيتك

اسفة لنفسى اللى مش كانت تستاهل منى انى اخليها فى موقف زى ده

اسفة لكرامتى اللى تجاهلتها فى مقابل ان نفسى يبقى اسعد واحد فى الدنيا وانه مش يبقى عايز حاجة ومش يعملها تانى

اسفة لصورة جميلة اوى رسمتها لراجل حبيته اوى وعشت احافظ عليها وهو شوهها

شهرزاد الخليج

كانت مفاجاة ليا وانا بقرا مقالاتها والاقيها شبهى لدرجة تفاصيلى بالظبط اللى عملتها

اكتر واحدة قريتلها وبكيت كل كلمة بقراها بقول ايوة انا عملت كدا بالظبط

علشان كدا كل يوم لازم اقرا كل المقالات اللى بتوصف حبها

البلوج

بحبه اكتر من الفيس بوك بس مش بقيت بحب اكتب يمكن اللى جوايا اكبر من انه يتكتب

يمكن لان البلوج ده بيفكرنى بحاجات مش عايزة افتكرها او يمكن لانى مش بقيت عايزة حد يعرف عنى حاجة

بس لسه بحبه بردو جدا

انغام

بصرف النظر عن ذكرياتى مع اغانيها فانا بحبها جدااا وصوتها بيهزنى جداااا

يا أعز وأغلى وأطيب قلب

فسر للعالم معنى الحب

وان شاوروا وقالوا عليك طيب

خليك هنا من قلبى قريب

وكفايا تكون انسان فى زمان فيه طيبة القلب بتتعيب

حبيتك انا

مع ان الحب اللى جمعنا

مبقاش ليه مكان زى زمان ابدا ولا معنى

a7sas

احساس حلو اوى لما تلاقى ربنا بيبعتلك حاجات حلوة اوى مش كنت تتوقعها

اسبوع جميل بشكل مش طبيعى الحمد لله اوى على كل حاجة

احساس لا يمكن وصفه لما مامته تتكلم عنى ولاول مرة بشكل خلانى على قد ما مستغربة على قد ما انا طايرة من الفرحة

المفروض ان بقالها 4 سنين بتكلمنى وبتتكلم كويس يعنى عادى بس انها تتكلمى عنى انا وهو وعلاقتنا استغربتها فى دى

حتى وقت ما كنا مخطوبين المفروض وبتكلمنى عمرها ما اتكلمت عن انها حبنا او رايها فى شكل علاقتنا سوا

ياااااااه قد ايه كنت مبسوطة اه هو خلاص هو مش ليا بس المكالمة دى ريحتنى وفرحتنى جداااااااا

احساس جميل جدااا لما تبقى مش قادر تخبى انك فرحان وانك مستنى وانك خايف تضعف

واحساس اجمل انك تبقى فاهم ان اللى بيكلمك فاهم من غير ما تقول اى حاجة فرحتنى جداااا بشكل غير عادى

احساس لا يمكن وصفه لما تحس ان اطفال فى سن صغير اوى كدا يحبوك اوى كدا وبالشكل ده والاهتمام ده

كرم من ربنا ان حد يبقى بيحبك من غير اى هدف ولا اى سبب ولا اى مبرر للحب ده

حاسة ان هو ده الحب اللى بجد الحب الصادق

على فد ما كان كنت زعلانة انهم بيعيطوا علشان ماشية على قد ما كنت فرحانة جدا ان فى حد بيحبنى كدا

احساس جميل اوى ان حد يشوف بلوج بالصدفة وتعجبه حاجة وياخدها ويبقى مهتم يتعرف على صاحب البلوج

يمكن دى حاجة عادية بس علشان جت فى وقت كنت محتجاه فعلشان كدا فرحتنى

مكالمة تانية فى وقت جميل جداااا فرحتنى اوى واعترف ان طهارة القلب دى مش بقت موجودة فى الدنيا وفرحانة انى اعرف حد زيك

عملت البوست ده علشان اقول لنفسى انى من الناس المحظوظين فى الدنيا الحمد لله وعلشان وقت ما ابقى مضايقة اشوف البوست ده

وافتكر زى ما دايما يقولولى اللى ربنا بيحبه بيحبب فيه خلقه

وان اللى بيحصل مهما كان فكل دى اختبارات من ربنا ولما بننجح فى الاختبارات دى ربنا بيعرفنا بشكل تانى انه بيحبنا

للايضاح ...لا أكثر

وما أبرئ نفسى إن النفس لامارة بالسوء إلا ما رحم ربى إن ربى غفور رحيم


انا عمرى ما احاول ارجعله تانى حتى لو روحى فيه

لما رجعلى المرة اللى فاتت قال انى دايما حاطه كرامتى بينى وبينه

واحنا مع بعض اه ممكن ابين كل مشاعرى لكن لما نقرر نبعد صعب انا اللى ارجع حتى لو كان البعد قرارى انا

مش علشان كرامتى زى ما هو بيقول لسبب تانى خالص

وهو ان انا دايما عيشاله هو عارف انى لا حبيت ولا هحب غيره فمهما يبعد انا ليه

انما هو حواليه اصحاب وبنات وحياة تانية والبعد بينسى مش كنت متخيلة انه يفضل يحبنى رغم كل الحاجات دى

الحاجة التانية وهى السؤال اللى شغل ناس كتير اوى هو ازاى قدر يسامحك ويرجعلك

انا كمان سالته السؤال ده وهو قال ان فى مليون حاجة بينا تخليه يسامحنى

بس لما مرة بقوله انت بتردى اللى انا عملته

قال حاجة غريبة اوى قالى انتى تفتكرى انا ممكن افكر كدا وبعدين انتى مش عملتى حاجة احنا كنا منفصلين

هو عارف ومتاكد انى مش خنته علشان كدا رجع كان واثق انى طول فترة بعدنا كنت محافظة عليه

زى ما هو عارف ومتاكد انى اسامح فى اى حاجة مهما عمل الا الخيانة

بعيدا عن يقينى بحاجة تانية بس اللى حصل فعلا خيانة مش ليها اى مسمى تانى

حاجة ثالثة ان اكيد هيكون ليا رد فعل مع صاحبتى حتى لو مش واضح

لا انا مش ليا اى رد فعل وبجد والله من قلبى بتمنالها كل خير وبدعى ربنا انها تقدر تسعده

هو كان ليه رد فعل قبل كدا فى نفس الموقف علشان هو كان بيدافع عن حقه فيا

انما انا متنازله عن حقى فيه مدام هو اختار كدا لسبب واحد بردو وهو انى لسه بحبه وبحترم قراراته

وانا مش هحب تانى كفايا تجربة واحدة فى العمر تكون حقيقية اوى كدا

ولما اتخطب اكيد هقول وكل الناس هتعرف بس بردو مش دلوقتى خالص

واى كلام عن الحب واى لحظة سعادة هعيشها فهى ملهاش اى صلة بعلاقة عاطفية خالص

علشان انا سعيدة جدا انى عشت احلى قصة حب فى الدنيا ..... وهفضل سعيدة بيها ..... وبس



عرفت منذ البداية اننا سنفترق


وكنت غبية حين ظننت ان الكون سيحزن معى على فراقك


انت بخير وانا بخير وابتسم


ولم تسقط من السماء نجمة ولم ينشق حزنا علينا القمر


كل منا يمضى فى طريقة


تاركين خلفنا تجربة حب فريدة

words to u

يمكن دى هتكون اخر مرة اتكلم عنك او ليك

علشان خلاص تخطيت مرحلة اصدق ولا لا ومقتنعه تماما ان سواء كلامك صح ولا هما

فانا مش محتاجة اعرف الحقيقة لان النهاية واحدة

وبرغم كل حاجة جوايا ليك واللى برغم كل اللى عملته معايا لسه زى ما هى

وبرغم انى مقتنعه تماما باحساسى وان عمرى ما حسيت حاجة وطلعت غلط

حتى علاقتك بيها انت عارف انا قولتلك ايه وانت قولت ايه وقولتلك احساسى ايه وحصل

فى جمل حصلت مش عارفة ليه افتكرتها دلوقتى

انتى فى كفة وكل الناس التانية فى كفة ...كفة ايه ده انتى الميزان كله

متنسيش ابدا انى بحبك

هفضل احبك طول عمرى

سيبك من كلام اى حد ومن اصحابك والناس ركزى فى كليتك وشغلك ومش تصدقى اى كلام يتقال

انتى مقامك عندى عالى اوى خايف عليكى اوى

محدش يقدر ياخدنى منك كل حاجة فيا بتاعتك

احنا قصة حبنا مش هتنتهى ابدا مهما حصل فاهمة ولالا

حاسس انك ملكى اوى

حتى وانا بكلم اى حد بفكر فيكى مش عارف اعمل ايه فيكى

انتى اغلى حاجة عندى

بموت لمجرد التفكير انى اجرحك بس مفيش حل تانى علشان تنسينى

الجمل دى من اخر مقابلة واخر 3 مكالمات

وكل ده فى اسبوعين بس

فى شوية جمل تانية ناس مختلفة قالتلها بردو اثرت فيا جامد لما بفتكرها دلوقتى

هو : هو ليه بيتكلم زى ما تكونى ملكه ؟

انا : علشان انا فعلا ملكه

*********

انا : تفتكرى مبقاش بيحبنى

هى : انه بيحبك دى مفيهاش شك انما بيعمل معاكى كدا ليه دا اللى محيرنى

**********

انا : هو انا عملت ايه لكل ده

انت : انتى معملتيش حاجة ولا انا عملت حاجة بس مفيش فايدة

***********

صاحبك : انتى مكنتيش واحدة عادية فى حياته كلنا عارفين قد ايه بيحبك وبيعشقك

انا : اول مرة تقولى انه بيحبنى

صاحبك : مهى دى الحقيقة بس الظروف بقى

***********

صاحبتى : انتى هتموتنى نفسك حرام عليكى كدا علشان ايه كل ده

انا : مش مصدقة

صاحبتى : لا انتى مصدقة وكنتى عارفة وحاسة فوقى بقى

انا : بحبه اوى بجد

صاحبتى : وهو كمان مهو مش هيلحق يحب ويرتبط بسرعه كدا

انا : لا لحق

صاحبتى : مش فاهمه انتوا بتعملوا فى بعض كدا ليه هو عاش حياته خلاص افهمى بقى

انا : يعنى نسينى

صاحبتى : هينساكى فى اسبوع ازاى طيب ده حب خمس سنين

انا : علشان كدا مش مصدقة

**************

بس انت عملت اكتر حاجة مش كنت متخيلة ابدا انك تعملها علشان كدا عديت مرحلة انى اصدق

وعايشة زى قبل ما اعرف انك ارتبطت

مقتنعه ان اللى فرقنا النصيب والظروف وهفضل عند وعودى ليك

ومش زعلانه منها وانت عارف هى معذورة انت تتحب يا حبيبى وكمان صاحبتى وعارفة قد ايه حبيبتك

هتحاول تحبك اكتر ما انا حبيبتك وهتحاول تسعدك وهو ده بتمناه من ربنا

وعايزة اطمنك انى كويسة وباكل كويس زى ما طلبت منى وهخلى بالى من نفسى زى ما طلبت منى بردو

وهفضل افتكرك وادعيلك زى ما اتوعدت

بينى وبينك حب كبير

اكبر ما يفكروا بكتير

ده اللى ما بينى وبينك كان فى السماء متقدر

لازم كنت هحبك مهما لقانا اتاخر

كل كلامهم مش هياثر وانا ولا هبعد ولا هتغير

يمكن حتى هحبك اكتر مهما يحاولوا الناس بالعكس

حبنا جوه قلوبنا بيكبر

مهما يحاولوا يطفوا الشمس

........

اجلس فوق سجاده صلاتي
ارفع يدي للدعاء بنسيانك

اتراجع
يرعبني نسيانك...

فمن نفس هذا المكان
رفعت ليـالي يدي ادعو الله
ان تكــون لي ومعي !

ومن نفس هذا المكان دعوت الله
ان تكن اسعد خلقه في كونــه

فأنت لم تكن شيئا عادياً في حياتــي,
ولم تكن احساساً عابراً..
ولم تكن مرضاً يمكن الشفاء منه.!

انت كنت في عمري
شيئاً يفوق عمري

برغم كل الكلام اللى بيوصلنى واللى بياكد عكس كلامك

برغم انك كنت بتثبتلى ان مستحيل يكون فى حاجة وبرغم انك لسه بتنكر وبتقولى مفيش حاجة

برغم انى لتانى مرة قولتلك كفايا علشان اريح احساسك لما قولتلى انا حاسس انى بخونك

برغم انك قولتلى سيبك من كلام كل الناس وثقى انى مش هحب غيرك طول عمرى

برغم كلامها عنك وبرغم انها المفروض كانت صحبتى

برغم انى اتسالت ايه هيكون رد فعلك فانا ماليش رد فعل علشان لسه بحترمك

و برغم كل حاجة حصلت لسه واثقة فيك

لسه مؤمنة بيك

لسه مصدقاك

لسه عند وعودى اللى قولتهالك اخر مرة اتكلمنا من 4 ايام

لسه مش مقتنعه ان مش ممكن حد ينسى حب عمره فى 4 ايام

لسه مش مصدقه ان واحدة تخون صاحبتها فى 4 ايام

لسه لحد امبارح بتقولى خلى بالك من نفسك علشان خاطرى وبقولك حاضر

لسه لحد امبارح بتقولى جميلة انتى واتكسف زى اول مرة قولتيلى

لسه لحد امبارح بتطمن عليا وبتودعنى زى ما اتعودنا

مش هنسى نظرة عنيك ليا اخر مرة اتقابلنا وكلامك ولمست ايديك

مش هنسى هزارك وضحكتك وحبك وخوفك ولهفتك عليا

مش هنسى ان كل ده كان لسه من كام يوم

مازال فى قلبى سؤال
كيف انتهت احلامنا
مازلت ابحث عن عيونك
علنى القاك فيها بالجواب
مازلت رغم اليأس
اعرفها وتعرفنى
و تحمل فى جوانحنا عتاب
لو خانت الدنيا
وخان الناس
و ابتعد الصحاب
عيناك ارض لاتخون
عيناك ايمان وشك حائر
عيناك نهر من الجنون

دعاء

الحمد لله الذي فضلنا
على كثير من عباده المؤمنين

اللهم اني اعوذ بك من علم لا ينفع
ومن قلب لا يخشع
ومن نفس لا تشبع
ومن دعوة لا يستجاب لها..

اللهم يا مصوب خطأ الدعاء
بألا تجيب
ولذلك تحمي من الضر
من يدعو بالشر دعاءه بالخير.

سبحانك
- ولا تقال الا لك-
حذرتنا ألا نحكم في ما لا نعلم
حتى لا نحكم الأهواء في تزيين ما نشاء

وحسبنا من قولك عسى أن تحبوا
وعسى أن تكرهوا
ما أيده الواقع من شر
فيما نحب ومن خير فيما نكره.

اللهم انى اسالك  باسمك الرحمن الرحيم أن تنقذني من عيني فلا تريني الأشياء إلا بعينك أنت
و تنقذني من يدي فلا تأخذني بيدي بل بيدك أنت
تجمعني بها على من أحب عند موقع رضاك

to u

حاولت انام بس مش عرفت

اول ما غمضت عينى شفتك قدامى 

وكلمتنى تخيل فصحيت وفكرت انى نمت كتير 

لقتنى مش نمت غير ربع ساعه

طول الوقت بدعى ربنا انك تكون حاسس بيا اقولك سيبك من الكرم ده  

كتبت حاجة وقلت لازم اقولهالك دلوقتى عارفة انها هتعجبك 

عندما يعود حبيبى ساخبره 

كم من مرة تطاولت على  

وكم من مرة قسوة على 

وكم من مرة كذبت على 

عندما يعود حبيبى ساعاتبه

لماذا سمح لك ان تستخدم صوته حتى تقتلنى به 

ولماذا سمح لك ان تستخدم وجهه حتى لا اراه 

ولماذا سمح لك ان تستخدم انفاسه حتى تقنعنى انك هو 

عندما يعود حبيبى 

ستعرف انك ما كنت الا زيف مضى 

استخدمت كل شئ لكنك لم تتمكن من محوى 

فقلب حبيبى مغلق باحكام ولا يسكنه غيرى 

Dream of fame

كتير بحلم انى اكون مشهورة 

فى اى حاجة المهم انى ابقى مشهورة وخلاص 

يمكن يكون مجالى هو اللى بيخلينى احلم كدا

ويمكن لانى حاسة ان الشهرة محتاجة بس شوية مجهود وحظ

اوقات كدا  مع نفسى بحلم 

يااااه لو جمعت كل حاجة الفتها ونزلتها فى ديوان شعر

وبعد الديوان انزل قصة حياتى اللى بكتب فيها دلوقتى دى هتكسر الدنيا طبعا

بس يا ترى استنى اما ابقى صحفية معروفة وبعدين انزلهم ولا انزلهم وبعدين اشتغل صحفية

طيب واشتغل صحفية ليه انا المفروض مذيعة يبقى اشتغل فى مجال دراستى مذيعة

( ده على اساس انى لاقية شغل اصلا :lol: )

وهنا بقى يكمن الحظ انى الاقى فرصة كويسة وانطلق

كتير ناس قالتلى انى موهوبة وممكن اوصل ليه لا ووممكن فى يوم من الايام ابقى مشهورة 

واقابل ناس تقولى ممكن تمضيلى هههههههههه

بصرف النظر عن الشهرة الاعلامية بقى فانا بردو بحلم بالشهرة الاكاديمية 

اهى نوع من انواع الشهرة بردو 

المفروض انى بعمل تمهيدى ماجستير وكنت مرة راجعه فى المواصلات وكان قاعد جنبى 

واحد سالنى عن بحث كنت شيلاه معايا من كلامى معاه عرفت انه بيحضر الدكتوراه

بس طول الوقت كان بيقولى يا دكتورة بصراحة الكلمة كانت جديدة عليا اول مرة حد ينادينى بيها

الشخص ده حسسنى انى حاجة كبيرة اوى بس مش حاسة بقيمة نفسى

كان كلامه كله ثناء واعجاب بشخصيتى وافكارى البحثية واختيارى لموضوعات ابحاثى

مع انى كنت حاسة انى بس بجيد الكلام وعلشان كدا هو معجب بشخصيتى

وقالى لما توصلى هتنسى الناس وتتعاملى زى اى حد فى منصب سلطوى

وانا كنت بتحداه انى عمرى ما هوصل لكدا لان عندى مبادئ وقيم نفسى تبقى هى السائدة

ونفسى اوصل فعلا علشان احققها

ووقتها سالت نفسى هو انا عايزة مشهورة لمجرد انى اكون مشهورة ولا عايزة الشهرة ليه

ولقيتنى بجاوب بمنتهى العفوية عايزة الشهرة علشان احس ان فى ناس كتير اووووى بتحبنى

بجد هو ده الهدف الشخصى اللى عايزة احققه من حلم الشهرة

هل ممكن يجى يوم واوصل للشهرة واحقق حلمى

مين عارف ادينا مستنيين

 

 

fearing

فى عز فرحتنا دايما نلاقى الخوف واقف فى سكتنا مشتاق لينا وملهوف

كاننا واحشينه مع اننا عايشينه

خوف خلانا واحنا مغمضين بنشوف

لاعمرة خلى اليفرح فرحه بجد ولا عمرة خلى حد يطمن لحد 
يا ما حاولنا وكان نفسنا

ننسى روحنا نسيب نفسنا

بس تملى بفوقنا شعور بالخوف

 

خايفة من كل حاجة فى الدنيا

بقيت حاسة ان الخوف ده جزء اساسى منى

بس حاليا خايفة من الايام الجاية اوى

خايفة من النتيجة وخايفة من الامتحانات اللى انا فيها دلوقتى

خايفة من الفشل

خايفة من احلامى اللى بقت بتطاردنى فى كل وقت وبتحسسنى انى خذلتها

خايفة انام لاحلم بيك وخايفة اصحى لتصدم بعدك

خايفة ان الايام الجاية تكون لسه شايلالى مفاجات زى اللى فاتت

ربنا يستر وتعدى على خير

اللى بالبينك اغنية هدى عمار خوف من فيلم قص ولصق  

so why

شوق وحنين لعنيكى 

وليل ورا ليل بناديكى واه مشتاق الاقيكى هنا 

جاية انا ليك بحنان وشوق وغرام خلانى اخاف لو يوم تنسانى انا

انا فى البعد وحشنى كلامك رقة صوتك حتى ملامك جيت علشان محتاجه غرامك

جيت والحب فى قلبى مالينى والاشواق بتصحى حنينى وبخاف لتكون انت نسينى

انا مش ممكن يوم هنساكى داانتى فى قلبي وروحى هواكى كل مناية اكون وياكى

لية خنضيع وقلوبنا فيها غرام دوبنا لية هنعيش فى عذاب واة

انا قلبى احتار من يوم ما بعدتى حبيبتى وغبتى انا عشت فى نار

وانا عشت جراح انا عشت جراح وعرفت ان انا من غيرك انت لا يوم هرتاح

انا قلبى نداك قلبي نداك ارجعلى انا عمرى لايمكن اعيشة الا معاك

وانا بعدك لا انا بعدك لا انا قليى ما عمره قدر ياحببتى ينسى هواه

لية هنضيع وقلوبنا فيها غرام دوبنا لية هنعيش فى عذاب واه

تناقضات

يا حبيبتي ليه مستغربه لما بقول اني حزين جدا سعيد !!!
ماحنا بنطلع نبكي علي الأموت في عز محنا فرحنين بالعيد !


والبرتقال حادق اوي مسكر ..
والبحر رايق بس متعكر ..
والدنيا ممكن تبقي حر وبرد ..
و الدم لونه زي لون الورد ..
وحلمنا قريب اوي وبعيد

حاجات كتير جوايا عكس بعضها

هو انا عاقلة ولا مستسلمة 

اوقات بكون مبسوطة بس حزينة

انا عارفة انا عايزة ايه بس بردو مش عارفة عايزة اوصل لايه

ايمكن اكون بضغط على نفسى وليه مش اكون متهاونة

يمكن بدرس علشان اهرب من الواقع اللى انا عيشاه

بس انا عايزة اوصل لحاجة من المذاكرة دى

هو انا بضحك على نفسى ولا بضحك على اللى حواليا !!مش عارفة

مش عايزة اتجوز بس طبعا نفسى اتجوز

طيب انا صحيح برفض عرسان كتير بس انا مش رفضت حد

يمكن مش قولتها صريحة بس بيبان يعنى انى مش عايزة

بس هما اصلا بياخدوا برايئ

اى كان فانا اساسا مش عايزة وحتى لو عايزة فمش دلوقتى خالص

مع انى نفسى دلوقتى جدا

عايزة اشتغل طيب امال انا بعمل ايه دلوقتى

لا ما انا مش عاجبنى الشغل ده نفسى اشتغل فى مجالى

وهو انا اصلا اصلح فى مجالى

بيقولوا انى اصلح بس انا مش بقى عندى طموح اوصل مع انى بحاول اوصل

الكلام ده بيدل انى مجنونه جدا ومش متزنة فى تفكيرى

بس الواضح لكل الناس انى عاقلة جدا وبحسب كل خطواتى

مع انى مؤمنة جدا ان حتى لو خطواتى حاليا صح

فانا مش هوصل لحاجة فى الاخر

لان بمنتهى السهولة اللى عايز كل حاجة مش بيوصل لاى حاجة

بس اللى بيحاول بردو بيوصل

بين الامل والياس دايما فى منطقة تناقض

ليس بيضاء وليست سوداء ولكنها غير محددة المعالم

ينتهى الصراع بداخلها الى الوصول الى اى من الخيارين

الصورة مش ليها اى علاقة بالموضوع

حطتها لمجرد انى بحبها !!!

اللى بالبينك اغنية حزين جدا سعيد

لـ على حسين 

In My Dreams

Every night in my dreams I see you.

I feel you

‎That is how I know you go on.‎

Far across the distanceAnd spaces between us

You have come to show you go on.

‎Near, far, wherever you areI believe that the heart does go on

Once more you open the doorAnd you're here in my heart

And my heart will go on

and onLove can touch us one time

And last for a lifetimeAnd never let go till

we're goneLove was when I loved you‎One true time

I hold toIn my life we'll always go on

Near, far, wherever you areI believe that the heart does go on

Once more you open the doorAnd you're here in my heart

And my heart will go on and on

There is some love that will notgo awayYou're here,

there's nothing I fear,‎And I know that my heart will go on

We'll stay forever this wayYou are safe in my heart

And my heart will go on and on ‎

رغما عنا

مهما حدث بينا

ومهما قلنا فى الوداع

فلن اصدق الا ما استقر فى وجدانى

ولن اؤمن الا بما طبعته على قلبى

ولن اكون الا كما كنت من قبل

ولتعلم رغم ما حدث ان دوما

شئ سيبقى بيننا

بحبك قالها قلبى

السر فى الدعاء والسجدة وحب الانتصار 

من غير اى كلام مصر عملتها والسلام 

احلى فرحة واحلى فوز واحلى مباره بجد بجد انتوا منتخب مالوش حل 

بالذوق والمهارة غلبنا وعن جدارة

لا مساله كرامة ولا محتاجه عناد مصر باقية رغم انف الحساد

لو قالوا التاريخ لو قالوا الرياضة مصر الاعظم لو هيقولوا حضارة

ومن غير شعارات هاتوا شحاته يحكى الانجازات

  

تذكار كلمات

مديلى ايدك سلم عرفنى بنفسك بقى واتكلم

قليلا من الهدوء وكثيرا من الكلام فانا اريد ان استمع لصوتك مع انغام المطر من حولى 

يشعرنى صوتك بالدفء ويمتزج بالذكريات المبللة براحتة الماضى داخلى 

سيب فى الدنيا علامة تعلم افتكرك بيها

امنحنى ولو ذكرى واحدة لكى ياتى شتاء جديد فى اعوام مقبلة فاتذكر عامك

واتذكر كلامتك واتذكر ايامنا تلك فحقا لا يعود الزمان ولكن باستطاعت ذاكرتنا 

ان تعود كلما اردنا ذلك فليحمل كل معنا تذكار من الكلمات 

فى ناس نقابلها تعدى وفى ناس بتطول السما وتعدى

على مدار سنواتنا صادفنا اشخاص عرفناهم وصادقنهم منهم من نسينا ومنهم من لم ننساه

فليش كل البشر سواء وليست كل الذكريات تستحق ان نتذكرها

وتلاقى اللى واخدها تحدى ده الاول فيها

ومعك اتحدى ذكرياتى فلتك ذكرياتى جميعها تستحق ان تتذكرها

وللتتحدى انت الاخر ذاتك ولتجعلنى اتذكر حتى هفواتك

عايزة الدنيا اللى يضحكلها والله ماتيجى غير بكده شكلها

اريد ان انتذكرك وابتسم وتتذكرنى فتبتسم فتكون ذكرانا ابتسامه

تساعدنا على تحمل ما قد ياتى

افتحلها قلبك حبها وانت اللى هتفرح بيها

عندها استطيع ان افتح قلبى بسعادة لاجد تذكار كلماتك به

اوعى تعيشها مقصر ولا تزعل ثانية وتتاثر

فلا اريد ان نحيا سنين طويل معا ولكن اريد ان نحيا لحظات جميلة معا

فلتكن لحظاتنا لا تخلو من المرح ولتكن اوقاتنا صافية مثل قلوبنا 

متخدهاش على قلبك قصر يابنى وقوم بينا

فلا مجال للمشاحنات ولا جدوى للمزيد من الحوارات الغاضبه 

فقط اسمعنى وانا اتحدث عنك كما اراك وتحدث عنى كما ترانى

وليتفهم كل منا اننا لو لم يكن بداخلنا حب لما تحاورنا

اصحى وشغل عقلك لا تياس ايه ده بيتهيالك

فما جدوى اى شئ اخر فلندع قلوبنا هى من يحركنا

فلا نستسلم لافكارنا الوقتيه ولنحكم قلوبنا

لو محتاجلى فى حاجة انا جمبك ده احنا لبعضينا

وتيقن انى بجوارك احمل لك ذلك التذكار عندما تحتاج الى فقط تذكرنى

وستحملنى كلماتى اليك لابعث ليك بابتسامة صافيه

تحمل دفء صوتك ورائحة الماضى

نانسى عجرم ...افتح قلبك  

الباقى اهداء لاصحابى  

من ذاكرتى

حسيت كدا ان فى حاجات عايزه اكتبها تحت اى مسمى بقى

هكتب اللى يجى فى بالى وخلاص

هى: مش بقيتى بتكتبى فصحه ليه ؟

انا : تغيير يمكن بتمرد على نفسى

هو انا كده وحشه ؟

هى : لا بس مش انتى

!

************************

صديقتى : آية بطلتى تكتبى شعر ليه ؟

انا : معرفش بس مش حابه اكتب

صديقتى : وحشنى كلامك حتى عبرى عنى

انا : طول عمرك ملهمتى بس مش حاسه حاجه علشان اكتبها

تقدرى تقولى اعتزلت لعدم كفاية الموهبة

!!!

************************

هى : احمد ماهر دخل الجيش 

انا : بتتكلمى جد 

هى : دى اخرت اللى يجى عليكى هههههه

انا : يا حرام والله صعب عليا 

هى : يا سلام انتى اللى بتقولى كدا

انا : والله مش كنت بكرهه بالعكس كنت بحب رخامته جدا

هى : ما انا عارفه وهو كمان كان بيحب يرخم عليكى بس 

انا : يلا يستاهل خليه يتربى

!!!!!!!

****************************

هى : مش هترجعى المنتدى تانى ؟

انا : لا خلاص 

هى : انتى عمر ما حد هزمك 

انا : ولا عمر حد هيهزمنى 

هى : امال مش راجعه ليه؟

انا : علشان ده اكتر مكان حبيته وكفايا كدا

!!!!

*********************************

انا : تفتكرى هيجى يوم افرح فيه 

صديقتى : ايه يا بنتى الكلام ده انتى اللى كنتى بتشجعينى وبتخلينى اتفائل 

انا : كان عرض محدود حتى نفاذ الكميه هههههه

!!!!

****************************

هو : فاكرة ........

انا : اه طبعا 

هو : انتى مبتنسيش حاجه ابدا حتى لو صغيرة 

انا : الله اكبر من عنيك كفايا انى بفكرك باللى بتنساه

هو : انتى دنيتى 

ملحوظه : للاسف نسيت اللى كنت بتفكرنى بيه

!!!!!

*******************************

هى : العشرة مبتهونش واحنا اصحاب من زمان 

انا : طبعا وكلام كتير بعدها 

هى : انا نسيت اصلا كان ايه اللى حصل 

انا : وانا مش عارفه اصلا كان ايه اللى حصل 

ملحوظه اخرى : لكن كلا منا يعرف الان ماذا حدث بعد ذلك وهانت العشرة

!!!!

********************************

هو : انتى مفيش زيك فى الدنيا 

انا : يا سلام مش للدرجه دى 

هو : طيب انتى شفتى حد زيك كدا 

انا : لا بس اكيد فى زيى كتير 

هو : طول ما انتى مشفتيش يبقى مفيش

!!!!

*******************************

انا : كتبتلك حاجه صغيرة كدا 

صديقتى : شعر 

انا : اه 

صديقتى : هترجعى تكتبى 

انا : لا دى استثناء 

صديقتى : طيب قولى 

انا : 

أيا رجلا اجتاحنى دون اذن منى 

وتركنى بقرارى 

جننت يوم احببته

وشفيت بهواه

لكن روحى فارقتنى برحيله

فغذوت ارثى حالتى بلسانى

!!!

**************************

 اشكرك لانك كنت الاجمل فى زمن القبح

والاقرب رغم كل ذلك البعد

والاحن رغما عن قسوتى

والاوحد وان امتلات الارض امامى 

اشكرك لانك كنت لى 

*****************************

بحب الشتاء يمكن علشان شايل رحتك

وبحب النيل جايز لانه بيعكس صورتك

وبردو بحب فيروز لان كلامها بيشبهك

!!!

الاكيد انى بحب مصر علشان جزء منك

********************************

قولوا عيونه مش فجاه بينتسوا 

وضحكات عيونه ثابتين ما بينقصوا 

ما ادرى شو بو وبعرف شو بو 

مطبوعه بذاكرته ما تبحثوا!!!!

فيروز ...سلملى عليه

عندما اكون ...انا

عندما اكون انا كما احب 

اشعر بكثير من الامتنان تجاه اشياء تشبهنى 

واجدنى اطوقها بحواسى 

اشعر وكان الكون له رائحه قهوتى

شئ من الماضى ممزوج بنكه مستقبلى

انها انا عندما اتحدى ذاتى

اقرر الخروج من كل ما حولى

للحظات تسعدنى

*************************

انغام عندما تشدو فى اذنى ومذاق النسكافيه الساخن فى فمى

بعض من الهدوء يجتاحنى ورائحه الشتاء فى انفى كرائحه الياسمين فى احلامى

وبعض كلمات جاهين امامى اقراها واتعجب ما اجمل ذلك الرجل

وشعور بالسعاده المؤقته يغمرنى بالارتياح 

فلا اريد ان ينتهى الكوب ولا ان تكف انغام عن مدح حبيبها ولا ان ينتهى جاهين من وصف مصر 

**************************

هى ...اميرة حسن صحفيه ثائرة احيانا قوية ربما مجنونه كثيرا 

احب ان اقرا لها دائما ليس فى الصحافه وانما فى بلوجها انا اللى بالامر المحال اغتوى 

جذبنى اسم البلوج فى البدايه وجذبنى اكثر اسلوبها فى التعبير عما بداخلها 

امس وانا اتصفح بلوجها استوقفنى تغير اسلوبها وموضوعاتها وحزنت لقرارها 

بانها لن تتحدث عن اشياء شخصيه وتبقى المدونه حامله لرائحه ذكرياتها 

ليس لكونى فضوليه ولكن حقها انها رائعه عندما تتحدث عمن حولها 

وتركت ما كتبته حديثا واستدرت للوراء سنوات كتيرة 

ووجدت انها نفس دراستى اداب اعلام وانها اول من علق على مدونتى تلك

واستغربت كثيرا كيف لم الحظ ذلك فبعد تلك السنوات لم ارى ذلك التعليق الا اليوم

غريبه انتى حقا 

****************************

للأسف ..مشكلتك ملهاش حل
جنونك عاقل جداً
بس عقل العاقلين
من حواليك
مختل
خالد كساب

****************************

هات يا زمان و هات كمان يا زمان
غير بسمة الشجعان مامني يــــبان
هو اللي داق الفرحة يوم ثورتـــــه
يقدر يعود و لا ثانية للأحــــــزان ؟
عجبي
 جاهين

****************************

يا حبي الأوحد لا تبكي

فدموعك تحفر وجداني

إني لا أملك في الدنيا

إلا عينيك واحزاني

نزار

**************************

انا لو باديا يا عنيا اوهبلك كل سنين عمرى

ده انت بتفهمنى بنظراتى

ده انت بتسمع حتى سكاتى 

انغام

**************************

قلبي ...يا بيت قديم
على جدرانك منقشوين..قلب و سهم..و اسم بالطباشير..
و قصص و حكايات جميله..
بس يا خساره...كانت من سنين
اميرة حسن

**************************

وهكذا انقضت لحظاتى الجميله التى ارغب دوما ان اكررها

فكل منا يحب ان يكون دوما كما يحب

ان يقول ما يحب ان يقول

ان يفعل ما يحب ان يفعل

ان يكون هو دون رتوش  

وقد كنت للحظات هنا كما احب انا اكون ...انا