بناء على رغبة الجماهير عادونا البث
و اعتذر عن التأخير نظرا لظروف البرد اللى مش عايز يسيبنى فى حالى
ورحلة البحث عن صوتى التى لم تثمر عن شئ
رغم انى اخدت ادوية على غير عادتى يعنى بس لم تفلح كافة المحاولات
وطبعا هتكونوا عارفين طب الريف عامل ازاى لو قريتوا " شاى بالنعناع " لدكتور احمد خالد توفيق
رغم انى اخدت ادوية على غير عادتى يعنى بس لم تفلح كافة المحاولات
وطبعا هتكونوا عارفين طب الريف عامل ازاى لو قريتوا " شاى بالنعناع " لدكتور احمد خالد توفيق
انما لو مش كنتوا قريتوه فاحب اقولكم ان اى حاجة بتودى على كل الاماكن
يعنى اى تعب خدله اسبرين و اى سخونية مع كحة تبقى انفلونزا
والانفلونزا علاجها قرصين اسبرين و كوباية شاى بليمون و تتدفى كويس هتخف على طول
واساسا مفيش حاجة اسمها كشف لكن فى حاجة اسمها وصف
انت تنزل للصيدلى وتقوله بس بتحس بايه وهو هيتصرف ويقوم معاك بالواجب
والصيدلى غالبا مش دكتور صيدلى على فكرة هى اساسا البلد كلها دكاترة
اى حد ممكن يديلك علاج لاى حاجة وعن العلاج الطبيعى حدث ولا حرج
مصر كلها دكاترة احنا المفروض نقفل كليات الطب دى
و نعمل اكتفاء ذاتى من الفتاوى اللى الناس بتقولها فى الطب
الحاجة الوحيدة اللى متلاقيش حد بيفتى فيها الاسنان لان احنا شعب بيعز الاكل حبتين
ومعنى ان ضرسك تاعبك يعنى مش هتعرف تاكل فتجرى تعالجه من غير اى مساعدات صديقة
الحاجة الوحيدة اللى متلاقيش حد بيفتى فيها الاسنان لان احنا شعب بيعز الاكل حبتين
ومعنى ان ضرسك تاعبك يعنى مش هتعرف تاكل فتجرى تعالجه من غير اى مساعدات صديقة
سمعت واحدة بتحكى من كام يوم انها اكتشفت بالصدفة ان عندها السكر
لما فضلت تعبانة اسبوع من جنبها اللى هيموتها من الوجع والمسكنات مش جايبه نتيجة
فقررت تكشف قام الدكتور طلب منها تحليل والتحليل اثبت انها عندها السكر من فترة وهى مش عارفة
والدكتور كل ما يقولها بتحسى بكذا تقوله اه يقولها ما هو ده من السكر تقوله اصلى قلت ان ده عادى
وطبعا المشكلة اللى فى جنبها حاجة والسكر ده حاجة تانية خالص
بس اهى رب صدفة احسن من كشف مرتين
مهو اصلا لو رحت لدكتور هيكتبلك كمية ادوية تحسسك انك هتموت اخر الاسبوع
ده غير اننا مهما رحنا لدكاترة فى بلدنا استحالة نقتنع بكلامهم وعلشان نتاكد نروح نكشف عند
دكتور فى المنصورة مثلا علشان نشوف كلامهم هيطلع زى بعض ولا مختلف
والمشكلة مش فى التعليم ولا المستوى المادى الموضوع نفسى فى المرتبة الاولى
اقتناع المريض هو اللى بيأثر فى انتظامه على علاج معين او تقبله لفكرة المرض فى حد ذاتها
لان الارياف نسبة المرض والعلاج بالايحاء عندهم عالية جدا
اول ما تقول قدام اى حد انا تعبان من كذا وحاسس بكذا وكذا
يقولك اه والله وانا كمان بقالى كام يوم بحس بنفس الحاجات دى بردو
حد ثالث يقوم قايلك بس تلاقيه ارهاق ريح نفسك شوية وانت هتبقى كويس
تلاقيك خفيت قبل ما يخلص الجملة اصلا ( مبالغة يعنى بهرج ) علشان نفس الناس اللى بتفهمنى غلط :)
وبما انى ريفية اصيلة مش بحب الادوية ومش ممكن اروح لدكتور الا فى حالة الضرورة القصوى
ولو شكل العيادة مش عجبنى بمشى و لو الدكتور قال كلام عكس تصوراتى عن تعبى
مش بجيب العلاج ومش بروحله تانى وبالمناسبة صحيح مش بقتنع بالدكاترة الستات
هو عامل نفسى بردو مع احترامى لكل صديقاتى الطبيبات ^_^
ادعولى بقى ابقى كويسة وصوتى يرجع بالسلامة علشان نغنى سوا فى الفلانتين
واعملكم حفلة ريفية مش هتلاقوها فى اى مكان تانى
واعملكم حفلة ريفية مش هتلاقوها فى اى مكان تانى
12 التعليقات:
صباح الغاردينيا آية
:)
الف الف سلامة عليكي وعلى صوتك العسل الجميل الي حضرتي ماسمعتهوش بس اكيد عسل طبعا ً انا اليومين دول بحاول اشد حيلي وارجع للبلوج لانكم وحشتوني اوي يلا ياستي شدي حيلك عشان نغني ونرقص سوا في الفلانتين :) "
؛؛
؛
لروحك عبق الغاردينيا
كانت هنا
Reemaas❤
ههههههههههههههههه طب انا فرقتك بقى
لو كنت قريتى يومياتى كصيدلانية محترمة كنتى عرفتى ان واحد جالى الصيدلية وقالى الواد ابن ابنى درسه بيوجعه ممكن تخلعيهوله يا ضاكتورة !!!
ألف سلامة على حضرتك ..
لكن يبدو أن الفقه في الطب مشترك بيننا وبينكم رغم أنني من المدينة ..
عملياً الحياة علمتنا أن نكون أطباء ومعندسين وطباخين وكل حاجة ..
أول ولد بس هوه اللي يروح الطبيب وبعد كده باقي الأولاد احنا الطبيب بتاعهم ..
كل الود والتحية ودعواتي لكم بالشفاء العاجل ..
قبل اى شىء اشكرك على انك استجبتِ لنداءات اصدقائك :) انك تستمرى فى يومياتك
وعلى فكرة ممكن تكون كتابك القادم لانها خطيرة جدا رغم ظاهرها البسيط
يعنى ممكن فى النهاية تعيدى صياغتها تانى وتراجعيها وتنشريها بكتاب صدقينى يا اية مش هتكون مجرد يوميات عادية لكن نقد رائع لايجابيات وسلبيات للقرى والريف ببلادنا
نرجع للصيادلة واننا اصبحنا دكاترة كلنا ههههه دى حقيقة يمكن مصر اغلبها بتتبع مبدأ اسأل مجرب ولا تسأل طبيب هههه
فيه ناس تلاقيهم مثلا لما يكون عندهم طفل مريض او اى شخص تلاقى الدواء يمر على العائلة كلها زى قطرة العين او ادوية البرد الخ بغض النظر هيكون مفيد او مضر ههه
دى والله يا آيه كارثة بكل المقاييس انت لمست وضع خطير يأدى الى مصائب صحية ببلادنا
احسنت اختى الحبيبة ودايما متابعين لك وليومياتك الاكثر من رائعة
تحياتى بحجم السماء
وصباحك ياسمين على عيونك
أولاً: ألف سلامة عليكي
ثانياً: وحياتك كل الشعب المصري بيفتي وبيشخص علي مزاجه..ربنا يكفينا شر الفتاينD:
ومنتظرينك :)
سلامتك يا آية ربنا يشفيكي شفاء عاجلا لا يغادر سقما
ثانيا معاكي في كل اللي بتكتبية الموضوع ده بنلمسه في مصر عموماحكايات اننا مش بنثق في معظم الدكاترة واننا بنتبادل الادوية والوصف لاي مرض
واخيرا في انتظار جديدك
http://asmaafathy.blogspot.com/
مدونتى أتمنى اشوفك هناك رأيك يهمنى
تحيــــاتي
Asmaa Fathy
ريماس
انتى اللى جميلة ولو على صوتى اسمعهولك
ده حتى على اليوتيوب يعنى مش بعيد :)
انتى وحشتينى جدا جدا بجد
reemaas
هههههههههههه لا كدا كتير بجد
ظلالي البيضاء
ايوة احنا بنجرب فى الطفل الاول
وبعدين بناخد خبرة بقى :))
ليلى الصباحى
انا بكتب ليكم اصلا
ومدام عاجبكم هستمر وقت ما تزهقوا قولوا بس :)
يسلملى ذوقك و رقتك يارب
نيللى
الله يسلمك يا حبيبتى يارب
اللهم آمين :)
اسماء
الله يسلمك يا جميلة
ربنا يخليكى يارب :)
إرسال تعليق