Saturday, February 2, 2013

شركاء الجريمة







هو انتوا بتكونوا مبسوطين 
وانتوا بتعملوا شير لفيديوهات الانتهاكات ؟؟
شئ مشرف انكم تعملوا شير لصور التعذيب !!!
هى ايه الفايدة من انتشار صور وفيديوهات فيها انتهاكات اعراض
هو انتوا شايفين انكم كدا بتحموا الثورة او بتعرفوا الناس ان الداخلية ومرسى زبالة 
عاجبكم طعم الوجع والاهانة ؟!!
الناس اللى بتجيب صور من محاضر البنات اللى تم الاعتداء عليهم وتعمله شير على النت 
ايه الهدف ؟ ارتاحتوا نفسيا كدا ؟ حليتوا المشكلة ؟
وبتستغربوا ان القرف ده بيزيد ؟؟؟
مهو انتوا السبب 
ايوة احنا لينا النصيب الاكبر من الجريمة 
مهو لما العيون تتعود على المناظر دى والقلوب تتعود على الوجع 
هتبقى حاجة عادية مش هنستصعبها بعد كدا لا بالعكس هنشوفها ومش هنتأثر 
ده بالنسبة للتاثير اللى هيحصل لاجيال كتير جاية 
اما بقى التاثير اللى بيحصل للشخصيات اللى انتوا بتفضحوها دى 
هو اللى انتوا شفتوه النهارده من حمادة 
هو المفروض كان يطلع يقولكم اه انا حصلى كل ده طيب ما انتوا شفتوا اعترافه هيفيدكم بايه 
لو الداخلية عرته مرة فأنتوا عرتوه مليون مرة 
مع كل صورة وكل فيديو كان بيتعملهم شير فى كل مكان وفى كل وقت 
كان ممكن محدش يعرف عنه حاجة وكان ممكن محدش يعرف اسمه ولا اى حاجة عنه 
لو مكانش فى كاميرا صورته كان ممكن يكون مجرد خبر وكلام هيتنسى 
كان هيبقى التاثير النفسى عليه اخف بكتير اوى لو مكناش احنا كمان اشتركنا فى الجريمة 
ايوة كفايا اللى هو فيه ارحموه بقى وارحموا كل واحد بيتعرض للاهانة فى بلده 
كفايا جبروب البلد والذل اللى شايفينه 
ولا هو البلد دى بقى شعبها كله مش فاضى غير للخوض فى اعراض الناس 

قال رسول الله صلى الله عليه وسلم 
" من رأى عورة فسترها كان كمن أحيا موؤدة "
" لا يرى مؤمن من أخيه عورة فيسترها عليه إلا ادخله الله بها الجنة "
" المسلم أخو المسلم لا يظلمه ولا يسلمه ومن كان فى حاجة أخيه كان الله فى حاجته 
ومن فرج عن مسلم كربه فرج الله عنه كربة من كربات يوم القيامة ومن ستر مسلما ستره الله يوم القيامة " 




7 التعليقات:

موناليزا said...

الله عليكِ
تسلمى

ليلى الصباحى.. lolocat said...

انت قلت كل اللى كنت عايزة اكتبه فى مدونتى عن الموضوع ده... يسلم ايدك حبيبتى

تحياتى بحجم السماء

أحمد said...

رائعة فعلا بس هتقولى الطبع غلاب

zeze said...

فعلا يا آية ربنا يكرمك
فعلا بقت حاجة تقرف
وربنا يرحمنا وينجينا من الفتن ويهديهم يارب
بارك الله فيكي يا حبيبتي

asmaa fathy said...

معاكي حق في كل اللي قولتيه

تحيــاتي

Asmaa Fathy

un4web said...

مشكوووووووووووور
http://www.alsadiqa.com

Aya Mohamed said...

ميرسى ليكم جميعا
اسعدتونى
ويارب يهدى الجميع ويصلح الحال لبلدنا يارب