Wednesday, February 20, 2013

مش زيهم




لم تكن كالباقيات 
كانت هادئة كثيرا ثائرة احيانا حزينة دائما 
رغم تلك الابتسامة الرقيقة التى تعلو ثغرها الا ان حزن ما بات مميزا ليعنيها 
لم تشبهها أنثى أخرى قد كانت مخلصة الى حد الغباء 
نقية الى حد الشفافية تكاد ترى انحناءات قلبها و آثار الزمن عليه 
كانت ولا زالت مفردة 

...................

هو انتى ليه مبتزعليش زى البنات
او تعملى مـ الحبه قبّه وتخنقينى
ولا جيتى مره زعلتى على اتفه حجات
دايما كده من غير مناقشه بتعشقينى
نفسى مره مـ الزعل تتجننى
... او حتى مره تعيطى ..
فآخدك فـ حضنى عشان اوام تطمنى
او حتى تبقى خبيثه موت وتخططى
طب تعرفى ؟!..
إنك فـ وقت ما تضعفى 
انا ببقى أضعف بس
مش لازم أبيّن 
ورغم انى ببان قوى 
طيب أوى وقلبى حنين ؟!
زيك كده 
يا طيبه يا احن من ورد الجناين
عـ الايدين
انا نفسى مره تزعلى ده الفرح يخنق
لو دخل باب الروتين
عادى لو نزعل لمره
مادام هنفرح مرتين
زعقيلى وغيرى جدا وإمشى
لما اندهك ومترجعيش
هو انتى ليه مش زيهم
اقصد عشان مبتوجعيش
ولا حتى هونت عليكى انام
زعلان ..
دايما برئيه وطيبه
دايما مسامحه فـ اللى فات
مش زى غيرك مـ البنات

القصيدة اللى اتكلمت عنها فى البوست اللى فات 
لـ محمد إبراهيم 

...........................

عملت صفحة جديدة على الفيس بأسم المدونة
علشان اكتب فيها اكتر و اقتبس واغنى والعب
ابقى زرونى بقى :)
شئ سيبقى بيننا لـ آية محمد
 

6 التعليقات:

ابراهيم رزق said...

فكرة غريبة

اصل البنت دى مش موجوده

خمس سنين مخطوبة و لسه مزعتلوش يا فوزية
ههههههههههههههه

تحياتى

asmaa fathy said...


القصيدة جميلة
بس صعب اوى يبقى في ست مش بتزعل كل ثانية دقيقة ههههههههه

يعني الزعل والصلح البونبوني بتاع العلاقة
جميل انك تزعلي والاجمل انه يراضيكي هههههههههههههههههههه
تحيــــــــــاتي ياقم


اه اعجبت بصفحتك علي الفيس ههههههههههههههههه
كانت هنا ورحلت

Aasmaa Fathy

reemaas said...

يمكن مش بتزعل علشان بتحب؟

هى مثالية بس بتحصل المهم هو ياخد باله زى ما فى القصيدة ويقدر مايسوقش فيها بقى

Aya Mohamed said...

ابراهيم رزق

لا موجودة عادى جدا :)
وازاى فوزية تفضل 5 سنين مخطوبة كدا كتير اوى
انا شخصيا لسه مش كملت سنة وزهقت وعايزة اتجوز بقى
ههههههههههههه

Aya Mohamed said...

اسماء

نورتينى يا اسماء
اللى تقدر تزعل وتاخد موقف يبقى يا بختها
انا مش بستحمل خالص هههههههههه

Aya Mohamed said...

ريماس

هى بتحب بجنون
متفقة معاكى جدا ... تسلمى يا جميلة