بلياتشو بيلعب على الوشين
وش بيضحك وش حزين
ساعه سؤاله يفرح قلبك وفجأة تبان دموع العين
وتحاول تفهم خباياه ووشه الاصلى فى الاتنين
بس مهما تحاول توصل راح تتحير اكتر واكتر
---------------------------
بلياتشو يلون وشه بلون وكلامه بلون واتنين
أحمر لون الحب و الاصفر للغيرة والحيرة فى الباقيين
اللى عاجبهم وش ملغبط بالالوان
مهما تحاول توصل بيهم للون ولبر أمان
مش هيريحهم غير بلياتشو وشه ......علبة ألوان
---------------------------
اول فقرة فى السيرك بلياتشو جبان
والتانية بلياتشو كئيب عامل زعلان
اما الثالثة حكاية بلياتشو قام من النوم حيران
مش عارف مين راح فين ولا ايه حكاية السيرك كمان
سيرك حياته زحمة ومليان
ومهما تحاول تختار لازم فى الاخر ترجع ندمان
------------------------------
سيرك حياتك فيه كام بلياتشو وكام فنان
مين بيكون صادق فى الضحكة ومين بيغشك فى الاحزان
انت كمان جواك بلياتشو ومش دريان
حاول تتخيل صورتك فى عنيهم ازاى بتبان
بس مهم تركز اكتر مين كسبان
34 التعليقات:
سرك حياتك فيه كام بلياتشو وكام فنان
مين بيكون صادق فى الضحكة ومين بيغشك فى الاحزان
انت كمان جواك بلياتشو ومش دريان
حاول تتخيل صورتك فى عنيهم ازاى بتبان
بس مهم تركز اكتر مين كسبان
حلوووووووووووووة أوى يا يويو خاصة المقطع الاخير ده
جميل فعلا
( انت كمان جواك بلياتشو ومش دريان )
جميلة وراائعة
:-))
سلمت الأيادي
اميرة
انتى اجمل يا ميرو
ميرسى يا حبيبتى :)
بنت باشا
الاجمل هو انتى :)
لكل منا في داخله مهرج يهرج نفسه!!!
يا عيني على الابداع و الجمال
روعة يا آية و الفكرة اكتر من ممتازة و عبرتي عنها حلو اوي
كريمة سندى
صحيح فعلا
نورتينى :)
مصطفى
ميرسى يا مصطفى
ده انت اللى رائع اصلا :)
بوست اكثر من رائع اية
تسلم ايدك
مع خالص تحياتى
تدوينه مميزة لتعدد اشكال البلياتشو الحاليه باستخدام الوان دينيه او سياسيه او شخصيه تحيه مميزة
فكرتينى برباعية جاهين
بليتشاو قال ايه فيدة فنونى
و وقق مساحيق بيلونونى
و الطبل و المزامير و الجعير
اذا كان جنون زبونى زاد عن جنونى
عجبى ؟؟؟؟؟؟
بجد ما يفعله البعض حاليا يفوق ما يقوم به البليتشاو
بوست حقيقى و صادق
تحياتى
اة يانى منك
جباااااااااااااااااااااار
حلو اوى
مساء الغاردينيا آيه
جميعنا نخفي وجه حزين
ونصنع وجه مبتسم "
؛؛
؛
جميلة
لروحك عبق الغاردينيا
كانت هنا
Reemaas
حسيت أنى بقرأ لجاهين :)
جميلة أووى يا أية
و الفكرة بتاعة البلياتشو نفسها تحفة!
:)
حلوة اوي يا يويو بجد خصوصا الفقرة دى ( انت كمان جواك بلياتشو ومش دريان )
وفكرتيني بأغنية البلياتشو بتاعت مدحت صالح باين ولا مش فاكرة مين :D
بس بجد بتاعتك احلى من مليون اغنية :)
رائعة فعلا
البيلياتشو ذكرني بشدة بهزي التنين
كلنا هذا البلياتشو
تحياتي
حاجات كتير او جوانا لو خدنا بالنا منها هاتبهرنا او تصيبنا بالدهشة بس احنا للاسف مش بنفهم نفسنا او بنتصالح معاها عشان نقدر نفهمها
تدوينة جميلة
احسنتي
تامر
ميرسى يا تامر
اسعدنى رايك :)
محمد
مميزة انا بك :)
ابراهيم رزق
انا كنت بقرا رياعية جاهين دى
قبل ما اكتب فعلا :)
مبسوطة انها عجبتك
رنا
ميرسى يا حبيبتى :)
ريماس
هو ده حالنا دايما
ميرسى يا جميلة :)
رضوى
يااااه جاهين مرة واحدة
ميرسى يا حبيبتى نورتينى :)
حنان
ايوة هو مدحت صالح فى فيلم البلياتشو
ميرسى لرايك يا حنون
نورتينى يا قمر :)
اسامة
معاك حق كلنا هذا البلياتشو
اسعدتنى زيارتك :)
سندباد
علشان كدا المفروض نوقف شوية
ونحاول نفهم نفسنا
نورتنى :)
انت كمان جواك بلياتشو ومش دريان
أو ممكن نكون داريين بس بنهرب منه
...
كلمات جميلة
ومبسوط اني موجود هنا .. اكيد مش هاتكون زيارتي الاخيرة :)
محمد
الاجمل هى زيارتك
سعدت بك :)
جميلة :)
البليتشو اللي في السيرك اكثر احتراما من البليتشو على سيرك الحياة
على الاقل صادق مع نفسه و مع اللي حوليه وعارف انه بمثل و مش بيحاول يقنعك ان دي حقيقته
تحياتي للافكار الجميلة و التعبيرات الرائعة
جمييييييله يا ايه
حقيقية جدا
كل الناس بقت كده بالظبط وشوووووش
دمت بخير
منة
مهى دى المشكلة فعلا ان سيرك حياتنا
بقى بشع فى كل حاجة
وفى كل المهرجين اللى مسيطرين عليه
نورتينى :)
رؤى
المهم اننا نكون احنا الوش الحلو
ربنا يسعدك يا حبيبتى :)
لبنى
انتى اجمل يا لولو :) <3
إرسال تعليق