Tuesday, June 19, 2012

عدت سنة






لو حكينا يا حبيبى نبتدى منين الحكاية ده احنا قصة حبنا ليها اكتر من بداية 
مش عارفة حبيتك امتى وازاى وفين وهو ايه اللى حصل اصلا
بس زى النهاردة من سنة كانت اجمل كلمات كتبتها فى حياتى
كانت اكتر كلمات عفوية كتبتها من غير ما افهم معناها من غير ما اركز ان كلمة بتقولك بحبك
طفلة انا زى ما انت دايما بتقولى علشان كدا لما حبيتك كنت طفلة بتتكلم عنك وبس 
انا فجاة حسيت حاجات وقولتها وكان ردك ولا زال محفور فى قلبى 
حسستنى انى ملكة اطلب وانت تنفذ اتمنى بس وانت هتعملى اللى عيزاه 
لما ببص فى ايدى دلوقتى واشوف دبلتك بحس انى ملكة فعلا 
ملكة بحبك ليا اللى مفيش اى حد فى الدنيا ينفع يبقى عنده مملكة زى بتاعتى 
علشان انت بتاعى انا بس :$
بحبك قد فرحتى بيك طول السنة اللى فاتت دى 
بحبك لانك منحة من ربنا ليا علشان تعوضنى عن اى تعب وتبدلهولى بفرح 
هو انت ازاى كدا اساسا هو انت بجد وحقيقى 
عارف اساسا خايفة عليك منى ربنا يحميك ويحفظك يااااااارب ويباركلى فيك يااااااارب 
ربنا يقدرنى واسعدك ولو جزء من السعادة اللى بحسها معاك يارب 
كنت عايزة اكتب كلام كتير اوى بس مش عارفة خالص 
فرحانة لدرجة انى مش لاقيه كلام بس اكيد انت حاسس بيه 
كل سنة وانت طيب ومعايا وجنبى كل سنة وانا بحبك اكتر من السنه اللى قبلها 






10 التعليقات:

rona ali said...

بسم الله ماشاء الله الكلام بيرقص

ههههههههه فعلا انتى قولتى هتكتبي اكتر من كده الكلام تاه

المهم بتعاكسوا بعض قدامى مافيش مراعاه لوجودى خالص وراقبتى ههههههههه

ربنا يسعدك ويهنيكم دايما يارب

انا اتمنى محمد يعمل كومنت قبلي لا يقولى مستقصدانى ولا حاجه

Aya Mohamed said...

ههههه اه والله كسفتونى على الفيس
فوقفت كتابه وقلت كفايا كدا
ومحمد مش بيرد فى البلوج اطمنى هههههه
ربنا يخليكى ليا يا حبيبتى يارب

ظلالي البيضاء said...

اللهم أدم المحبة بين كل زوجين جمعت ما بينهما بكلمتك وميثاقك وعهدك ..
بارك الله بكما أختي آية وأدام المودة والمحبة بينكما كل سنة ولآخر سنة ..
مع التحية ..

Aya Mohamed said...

ظلالى البيضاء

اللهم آمين يارب العالمين
متشكره جدا على الدعوة الجميلة دى
ربنا يسعدك يارب

Nour said...

ربنا يكرموكوا ويسعدكوا اكتر واكتر يارب
وعواتكوا للباقي بقى :$:$

Aya Mohamed said...

نور

ميرسى ليكى يا حبيبتى
ربنا يسعدك ويوفقك يارب
انتى وكل البنات يااااارب :)

mohamed amer said...

كل سنه وانتي طيبه
ويارب دايما في سعاده وفرح
تحياتي

رؤى عليوة said...

ربنا يخليكوا لبعض
ودايما تكونى سعيدة

ويارب يكمل فرحتكوا بذرية صالحة تقر اعينكم بها


دمت بخير

Aya Mohamed said...

محمد

وانت طيب وبالف خير يارب
ربنا يسعدك يارب
ونورت المدونة من تانى :)

Aya Mohamed said...

رؤى

اللهم آمين يارب
ربنا يخليكى يا حبيبتى
وربنا يكرمك انتى كمان بالزوج الصالح والذرية الصالحة باذن الله