حكايا الصور

" انا فرحان بكتابك وكأنه كتابى وسألتك على المبيعات عاملة ايه "

فرحنى اووووى بصوره و توقيعه وفرحته انه " أحمد فرج " بيكتب معانا فى مبدعون مما قرات 

بس انا مش ليا كلام معاه ولا حتى من الناس اللى برخم عليهم 

علشان كدا فرحنى اوى اهتمامه اينعم احنا كلنا اخوات هناك وبنهتم ببعض 

بس علشان انا مش كنت متوقعه وعلشان هو اول حد كتبلى توقيع 

" كتاباتك كلها متفائلة واحيانا رومانسية مفيش فيها تراجيديا خااالص "

امممم طيب حضرتك دى حاجة حلوة ولا وحشة 

انا مش بحب اكتب مأسويات ليه بقى علشان الدنيا مش نقصانى انا كمان 

يعنى هتلاقوها منين ولا منين اهو يبقى فى حاجة حلوة فى النص 

ولا انتوا ايه رايكم 

انا مش بكتب احباط و يأس علشان انا مش بحب كدا لكن اعرف معرفش ليه 

صغيرة ولا صغيرة مثلا يعنى ورحت ايه بقى

 كتباله قصة تراجيديا قوية قالك ايووووة هو ده ... وانتصرت يا جودعاااان 

" انتى مجنونة اصلا وكل افكارك عجيبة "

هو انا مش مجنونة اصلا انا مجنونة جداااااااا بس هى دى حاجة وحشة مثلا 

ما انا نجحت اهو الحمد لله مش افكارى دى اللى خلت حوارى فى روزاليوسف يعمل ضجة

وهى اللى خلت روتانا يكلمونى وانا احط رجل على رجل واقول اصل انا صعب اسافر 

يبقى ما احلى الجنان صح ولا ايه بقى 

" بتحبينى ؟ "

انا بحبنى علشانك اساسا بنجح علشانك وبفرح علشانك 

و بحبك اكتر لما بتقولى بتحبينى علشان اقولك يعنى ساعات وساعات ههههه 

وبحبك اوى اوى بقى لما تقولى وحشتنى رخامتك 

بقى انا رخمة ده انا حتى سو كيوت 

صباحك سعادة حتى لو ابتسامة رضا 

ربنا يصلح الاحوال ويكتبلنا الخير جميعا يارب