Wednesday, January 23, 2013

معرض الكتاب 2013


المعرض السنة دى الحمد لله مكتظ بالمبدعين المدونين 
ورغم انى السنة اللى فاتت كنت موجودة فيه مع انى مش كان عندى غير الابجدية بس 
الا انى السنة دى مش هقدر اكون موودة رغم انى عندى 5 كتب 
بس فرحانة بيكم اوى فرحانة بكل حفلات التوقيع اللى هتكون موجودة ف المعرض 
يارب بالتوفيق والنجاح ليكم كلكم ياااااارب 
طبعا كل تفاصيل الحفلات والكتب هتلاقوها فى المدونون فى معرض الكتاب 


اما بقى لو اتكلمنا عن حفلة توقيع كتابى " حالات مفردة " 
فطبيعى انها تكون مفردة واستثنائية 
الكتاب هيكون موجود من يوم 23 لـ يوم 5 فبراير 
اى وقت هتروحوا فيه وتتصوروا مع الكتاب هيكون بالنسبالى هو ده حفل التوقيع 
الهدف اللى بتمنى احققه انى اوصل ولو لقارئ واحد بس بشكل حقيقى 
ألمس حاجة جواه مش مجرد كتاب يتباع وخلاص 


قائمة المغتربين اللى بتضم كل الكتاب اللى مش هيقدروا يحضروا المعرض 
ويعملوا حفلات توقيع بيكون الوضع نفسيا عليهم صعب 
يمكن علشان انا زيهم فإحساسى بيهم اقوى 
مش تستنوا حفلة توقيع كتاب علشان تشتروه 
فى كتب تستاهل تقروها كتيرررررر 
هما محتاجين رايكم فى اللى كتبوه علشان يقدروا يكملوا 
يكفى ضغوط المسافات فلا تبخلوا ببضعة كلمات 

ووووكل سنة وانتوا طيبين 
ومعرض الكتاب الجاى ان شاء الله اكون اتجوزت وازهقوا ادعولى بقى ^_^

16 التعليقات:

موناليزا said...

ألف مبروك يا آية ويارب عقبال كتب تانية أكتر وأكتر

♥وبالتوفيق لينا كلنا يارب

Aya Mohamed said...

الله يبارك فيكى يا حبيبتى
عقبال ما ننجح سوا ف الكتب دى يارب
♥ تسلميلى يا حبيبتى

ابراهيم رزق said...

مبرووووووووووووووك الكتاب
و يارب اقدر اروح المعرض

تحياتى

رؤى عليوة said...

انا كمان يا ايه رحت السنة اللى فاتت والسنادى مش عارفه اذا كنت هروح او لا ولنفس سببك :(

ومع ان عندى 3 كتب

ياللا بقى نعمل ايييييييييه

اصدقائنا يتصورولنا :)

دمت بخير

Asmaa Fathy said...

الف مبروك الكتاب وأن شاء الله المعرض اللي بعده يكون ليكِ عشر كتب
تحيـــاتى
Asmaa Fathy

مصطفى سيف الدين said...

ربنا يوفقك ان شاء الله يا آية

Aya Mohamed said...

ابراهيم رزق

يارب .. بس لو حتى مش قدرت تروح
ممكن تشتريه من اى مكان وتتصور معاه بردو
:)

Aya Mohamed said...

رؤى

ربنا يوفقك يا حبيبتى انتى كمان
وبالتوفيق دايما يارب

Aya Mohamed said...

Asmaa Fathy

الله يبارك فيكِ يا جميلة
تسلمى نورتينى :)

Aya Mohamed said...

مصطفى

ميرسى ربنا يخليك يارب

zeze said...

مبرووك يا اية
وطبعا انا زعلانة علشان مش هقدر اروح
بس يارب الكتاب يتوزع في المحافظات واقدر اشتريه
ويارب يتمملك علي خير
بارك الله فيكي ياقمر

ليلى الصباحى.. lolocat said...

مليون مبروك حبيبة قلبى
بالتوفيق لك ولكل الاصدقاء المشاركين

تحياتى لك غاليتى بحجم السماء

Aya Mohamed said...

zeze

الله يبارك فيكى يارب
الكتاب موجود ف مكتبات كتير اوى
هتلاقى تفاصيلها على صفحة الكتاب

Aya Mohamed said...

ليلى الصباحى

ربنا يبارك فيكى يا حبيبتى يارب
<3

nesma hatem said...

مبسوطة ليكى جدا
بالتوفيق يارب
:)

Aya Mohamed said...

نسمة

انا بفرح بوجودك جدااا
:) <3