الأربعاء، 11 يوليو 2012

رسائل إليهن



هن .... صديقاتى 
ذلك الاحساس بإنحناء النون فى حنان لتحتوينا 
وشعور بأن هناك قلب ينقبض لأجلك و يغمره الفرح كذلك لأجلك
هن مجموعة غير متناهية من المشاعر الصادقة دون المطالبة بمقابل 

---------------------

عارفة لما بكون فرحانة اوى او زعلانة اوى بكون محتجالك اكتر حد 
و حتى مش لاقيه احساسى  اول لما بكلمك بلاقيه 
بحبك اوى اصلا مش متخيله قد ايه 
فاكرة لما كنتى بتقوليلى ان شاء الله نتجوز احنا الاتنين فى يوم واحد
واقولك ازاى يا بنتى يعنى انا مش مخطوبة وانتى هتتجوزى اهو 
تقوليلى لا ان شاء الله ربنا هيفرح قلوبنا فى يوم واحد مين عارف
ويكون 3/9 احلى يوم فى حياتى وحياتك وتتحقق دعواتك
وانا اشترى الشبكة فى نفس وقت كتب كتابك
وانا واقفه فى المحل وبنختار بقولهم استنوا اتصل بهبة 
نسمع الزغاريط عند بعض ههههههههههه 
مش قادرة اوصفلك كنت فرحانة قد ايه 
وكل ما اقول لحد انك يوم فرحك كلمتينى اول ما وصلتى بيتك 
يستغرب ويقول علينا مجانين مش عارفة ليه يعنى ههههههههه
تفتكرى جوزك قال علينا ايه وقتها سيباه علشان تطمنينى انك روحتى فيها ايه دى 
بحب حنانا و رغينا و حتى دموعنا و وقفتنا جنب بعض ودعانا لبعض 
وفرحانة جدا الننهارده علشان جبتى نت وهتدخلى كل شوية بقى وكدا
فكان لازم احتفل بيكى واقولك بحبببببببببببببببببببببببببك وربنا يخليكى ليا يارب 

--------------------------

حبيت الشرقية علشانك والله وكنت بفرح باليوم اللى بروح فيه الكلية علشان اقعد معاكى
وانتى بتحللى شخصيتى و بتتوقعى ردود افعالى وانتى بتقوينى وانتى بتنقدينى
فيكى حاجة مميزة ومختلفة و حلوة علشان كدا بحب اقول عليكى احلى لحظة فى الدنيا 
فى تفاصيل كتير مينفعش اقولها عنك علشان احنا علاقتنا سرية للغاية 
بحس انك الدكتور النفسى بتاعى كدا هههههههههههه
فرحانة اووووى انك خلاص سجلتى الرسالة الحمد لله فرحانة بيكى جدا
كل ما افتكر واحنا قاعدين على السلم وكل واحدة بتحلل شخصية التانية 
بفرح بكل الاوقات اللى قضتها معاكم وافرح اننا لسه صحاب 
وانك قريبة منى اوى كدا ونفسى الكتاب ينزل علشان اشوفك بقى 
وتقوليلى رايك وتقوليلى زى العادة
 انتى أطيب مخلوقة فى الدنيا الطيبة دى حاجة نادرة حبى نفسك اكتر 
انا بقيت بحبنى اكتر واكتر كل يوم علشان انتوا موجودين فى حياتى 
وانا بحبببببببببببك انتى اكتر و يارب من نجاح لنجاح 

-----------------------------

انتى بقى رسالة من ربنا ليا
 هو انا مش عارفة احنا بقينا صحاب اوى كدا ازاى 
بس انا فرحانة جدا بالصداقة دى مش هتتيخلى قد ايه 
فرحانة بالساعات اللى بنفضل نرغيها فى التليقون و الكلام معاكى مش بيخلص 
فرحانة بالتشابه اللى اوقات بيكون بنا والروح الجميلة اللى بتربطنا 
والتفاؤل والدعوات و الافكار وووووو حاجات كتير اوى مش ينفع تتعد
بس وقفتك جنبى بكل الدنياااا يمكن مش بقالنا كتير صحاب 
لكن بحس اننا نعرف بعض من سنين كتير اوى 
عايزة اقولك بحبببببببببببببببببببببببببببك يا رونى 

-----------------------------

وهناك بعض الازهار الرقيقة التى تزين حياتى 
لبنى - مها  - أميرة  - منة  - حنان 
تيسير  - مروة  - آمنة  - منى - ريماس
لا مجال للكلمات فيكفى شذى وجودك بجوارى دوما 
أحبكم فى الله 


23 التعليقات:

Amira Ramadan يقول...

مهما أوصفلك سعادتى بكلامك ورقتك
مش هيكفيكى حقك أبدااااااااااااااا
ربنا يديم المحبة ويديكى على قد قلبك الطيب الأبيض ده
دمتى سعيدة ودمتى فحياتنا وردة مفتحة
أحبك الذى أحببتنى فيه:)))))

Unknown يقول...

جميلة اوووي
تسلم ايدك :)

aya mohamed يقول...

اميرة

حبيبتى ربنا يخليكى يارب
انا اصلا بحبك يعنى مش قلت حاجة جامدة
ربنا يسعدك ويوفقك فى حياتك دايما يارب

aya mohamed يقول...

ياسمين

انتى اجمل يا قمر
انا بحب اسمك اوى على فكرة :)

Hanan w Haneen يقول...

جميلة اوي اوي يايويو وبجد انا بحبك جدا ولما بفتكرك بحس بالرقـة والهدوء والرُقـيَ فى الكلام
بجد انتى من الشخصيات اللى بحبها اوي وبحترمها ^_^

مصطفى سيف الدين يقول...
أزال المؤلف هذا التعليق.
مصطفى سيف الدين يقول...

آية انتي حد جميل و طيب
ربنا يخلي كل اصحابك
يا رب يفضل دايما الاتصال الروحي بينك و بين اصدقائك موجود
تدوينة تشبهك اوي
تحياتي

J

Lobna Ahmed Nour يقول...

هو مبدئيا شكلي عامل كده دلوقتي
:)
ابتسامة قد قلبك الجميل
بحبّك

ميمونة يقول...

أول زيارة ومش آخر وحده
سعيدة جدا بالتعرف عليك
أسعدني التواجد هنا
تحياتي
ميمي " مدونة خواطر حالمة على ضوء القمر"

rona ali يقول...

احم احم :)))

عجبنى جزء وووووووووو

كنت هكلمك البارح بس لولا الدكتور ابن اللذينه بتاع سنانى قعدنى ل 11 علي الفاضي

انا لما كنت بقرأ متوقعتش انى التلته :)
ابتسامه وحضن كبييير وكدهو كدهو

بحبك يا طيبه بجنون :)

Śђąžล ฬąђ٤єĐ ♥ يقول...

ذلك الاحساس بإنحناء النون فى حنان لتحتوينا

جميل جميل جميل التشبيه ده
وجميل كل الكلام
ربنا يخليكي لصحباتك ويخليهم ليكي
ويفرحك دايما بوجودهم حواليكي
^_^

ضياء عزت يقول...

ربنا يخليهملك يا آية
ويديم المعروف بينكم دايما

جميل أوي لما يبقى فيه صداقة حقيقية كدة

والأجمل الاعتراف لأصداقائنا هم أد إيه مهم عندنا

بالتوفيق دايما

ليلى الصباحى.. lolocat يقول...
أزال المؤلف هذا التعليق.
ليلى الصباحى.. lolocat يقول...

ابتسمت من كلماتك الرقيقة ومشاعرك الطفولية البريئة
اوعى تتغيرى او تتبدلى مهما حصل معاك من الدنيا وهمومها خليكى كده دايما
قلب كبير بيحب ويخلص لاحبابه

اوعى تتغيرى دى نصيحتى ليكى
لما تشوفى من الدنيا والمحن فيها خليكى اقوى وخليكى احسن لان الشيطان هيحاول يغير من قلبك الابيض


حبيبة قلبى انت انسانة جميلة وطيبة ورائعة

تحياتى لك ولاحبابك
دمت بخير

حنين محمد يقول...

مساء الغاردينيا آيه
:)
ربنا يخليلك كل صاحباتك وانا منهم طبعاً حتى لو ريماس الذي ذكرتيها مش انا ههههههههه بس انا صاحبتك بقلبي وبحبك اوي وانتي بجد انسانة رقيقة وجميلة وتتحب "
؛؛
؛
لروحك عبق الغاردينيا
كانت هنا
reemaas

aya mohamed يقول...

حنان

وانتى من الناس الصادقة اوى فى مشاعرها
خليكى دايما كدا انا بحبك كتيررر اوى
ربنا يسعدك دايما يارب :)

aya mohamed يقول...

مصطفى

ربنا يخليك يا مصطفى
وانت اصلا من اكتر الناس اللى بحترمها
و بثق فى رأيها
ربنا يسعدك دايما يارب ويوفقك فى حياتك

aya mohamed يقول...

لبنى

وانا كمان بحبك جداااا
ربنا يخليكى ليا يارب :)

aya mohamed يقول...

ميمى

انا اسعدنى وجودك اكتر
واتمنى انها مش تكون اخر زيارة ان شاء الله
نورتينى :)

aya mohamed يقول...

رنا

اوك يا حبيبتى ولا يهمك
هستنى تتصلى فى اى وقت مفيش مشكلة :))
انتى اللى طيبة وانا بحبك بقى

aya mohamed يقول...

ليلى الصباحى

فى ناس مجرد كلمات منهم بتفرق كتير
وحضرتك من الناس اللى كلامهم ليا بيفرق معايا جدا وبيسعدنى جدا
ان شاء الله افضل زى ما انا
مش هعرف اكون حد تانى رغم انى حاولت ومش عرفت
وناس كتير قالولى دى نعمة من ربنا انك مش تقدرى تتغيرى
الحمد لله على كل حال وفرحانة جدا بكلامك
ربنا يسعدك دايما يارب

aya mohamed يقول...

شذى

ميرسى يا حبيبتى
وانتى كمان ربنا يخليلك صحابك
وتفضلى مع بعض طول العمر يارب
بحبك على فكرة :)

aya mohamed يقول...

ريماس

لا طبعا ريماس اللى ذكرتها انتى
انا معرفش ريماس حد تانى اصلا ههههههههه
ربنا يخليكى ليا يا حبيبتى
ودايما حوالينا ومش تغيبى عننا تانى ابدا
وانتى عارفة غيابك بيأثر فيا قد ايه
ربنا يسعدك يارب :) <3