مش بسكت علشان مش لاقيه كلام لا خالص اصلا
انا لما بحب حد وارتاحله بكون رغاية جدا واحيانا بحس نفسى غلط
بس لما ببعد واسكت ببقى عايزة استمتع اكتر بكلامى معايا
بتبقى وحشتنى افكارى ولغتى و كتبى ببقى وحشانى
" كثيرا من الصمت وقليلا من الكلام فقد اشتقت لذاتى "
--------------------------
يوم ما اخترتنى اكمل معاك حياتك كنت عارفة انك اخترتنى عقلك
كنت مبسوطة انك مقتنع بيا بنسبة كبيرة جدا كدا
بس يوم ما حسيت قد ايه بتحبنى كان أسعد يوم فى حياتى
ومن يومها والحياة كلها اتغيرت
الدنيا بقت لابسة فستان جميل وماسكة بوكيه ورد كل يوم الصبح
تبتسملى وتدينى وردة
" أنت لـ حياتى ... حياة "
----------------------------
مش عارفة ايه خلانى اقلب فى التدوينات القديمة
واقراها تانى وافكر اقتبس منها حاجات واقولكم عليها
يمكن لانى اوقات بلاقى حاجات كنت بحلم بيها اتحققت
ويمكن لانى بلاقى احساس وقتها كان صعب دلوقتى لما بقراه بضحك
يمكن لان تدوينك هو الشاهد على احساسك واحلامك
" بين الحين والاخر أعيد قرأتى كى أفتخر بى "
--------------------------------
وحشتنى اوى ووحشتنى كل حاجة فيك
بفضل مستنيه السنة كلها علشان تيجى انت عارف بحتفل بيك
من اول يوم لاخر يوم علشان انت استثنائى فى كل حاجة
رعشة البرد الخفيفة وصوت الهواء وهو بيوشوش الشجر
والاشتياق للدفا وبسمة جواها استمتاع حزين
مش بحبه علشان اتولدت فيه بحبه علشان هو كل حاجة فيه
" أكتوبر مش بس شهر أكتوبر حالة مش هتلاقيها فى اى شهر "
----------------------------------
انتى اصلا مجنونة اللى هى انا يعنى
وكأن مجنونة دى حاجة وحشة ورغم محاولاتى الرهيبة فى اقناع كل الناس
انى مجنونة دى حاجة كويسة مفيش حد راضى يقتنع بردو
ايه يعنى لما احب امشى على التلتوار فوق الابيض وانط الاسود
واكل ايس كريم تحت المطر واجرى لو الشارع فاضى
وايه يعنى احضن كتبى وانا راجعة من المدرسة والناس يفتكرونى طالبة مش مدرسة
تبقى دى مشكلتى ولا مشكلتهم مش فاهمة يعنى
وايه دخل الجنان بانى اقول لحماتى انى بحب ابنها هو مش خطيبى ودى الحقيقة
وايه المشكلة لما احب بجنون واغير بزيادة واسامح بغباء وابقى طيبة طول الوقت
ايه يعنى لما حد جرحنى واعامله عادى وايه يعنى لما حد أذانى وادعيله
لو ده جنون فانا مبسوطة بجنانى ده
" ان لم تجد تصورا لى فلتدعونى بـ مجنونة "
---------------------------------------
متنسوش تدوينة بكرة ان شاء الله موحدة
وكله يجاوب على الاسئلة بقى
هـــنـــا
هـــنـــا
22 التعليقات:
صباح الغاردينيا آية
بجد رائعة وكل سطر كان حكاية وفضفضة وحكمة
اما المجنون فهم أجمل حالة :)"
؛؛
؛
لروحك عبق الغاردينيا
كانت هنا
Reemaas
على فكرة الصورة تجنننن ممكن بعد ازن حضرتك اسرقها
:) شايفة حرامية مؤدبة جداً "
Reemaas
جميلة فضفضتك
انا كنت بسالك حلوان او عين شمس
لان لى صديق دكتور فى عين شمس و صديق دكتور فى حلوان
نيجى بقى لحاجة غريبة
انتى عاملة المدونة الموحدة عشانى انا ليه
هههههههههههه
تحياتى
حلوة اوووووووووووووووووى بجد
واستمتعت بيها جدا يا يويو
ربنا يسعدك وتفضلى مجنونة على طول
ده اجمل جنان على فكرة:)))
سطور رائعة
اااستمتعت بها
تسلم ايدك
مع خالص تحياتى
جمييييييييييييله يا مجنونه :))
تدوينة يتناثر حولها الاحساس و الجمال
تدوينة هي بعض منك
جميلة جدا جدا
وحشتنى اوى ووحشتنى كل حاجة فيك
بفضل مستنيه السنة كلها علشان تيجى انت عارف بحتفل بيك
من اول يوم لاخر يوم علشان انت استثنائى فى كل حاجة
رعشة البرد الخفيفة وصوت الهواء وهو بيوشوش الشجر
والاشتياق للدفا وبسمة جواها استمتاع حزين
مش بحبه علشان اتولدت فيه بحبه علشان هو كل حاجة فيه
" أكتوبر مش بس شهر أكتوبر حالة مش هتلاقيها فى اى شهر "
مش هعلق علي اللى فوق دة بقي بس اعرفي لوحدك ها :)
بصي جنونك بيعجبنى لانى بعتبرنا احنا الاتنين مجانين
بس مافيش مانع تكلمينى واقولك بنفس نبره البارح مجنونه :)))))))))))
عجبنى او فضفضتك المنمقه دى اوى
استمرى
ريماس
انتى اللى رائعة يا قمرايه
انا الجنون عندى مش حالة دى ده الطبيعى هههههههه
بالنسبة للصورة طبعا اتفضليها من غير ما تستأذنى اساسا :)
ابراهيم رزق
خلاص حلو على ما اتجوز واجى القاهرة ان شاء الله يبقوا يفيدونى فى الماجستير انا استغلاليه اساسا ههههههههه
التدوينة الموحدة من وحى سؤال حضرتك عايزينك ترسمى بروفيل لـ آية محمد
قلت وانا ارسمى لوحدى ليه كلهم يرسموا معايا
غصب واقتدار كدا
وكمان سؤال مفتوح فى الاخر علشان اسال حضرتك وتبقى تدبيسه بقى كمان :)))
اميرة
ربنا يخليكى يا ميرو
دايما رافعة من روحى المعنوية كدا
تسلميلى يارب :) <33
تامر
انا مبسوطة برأيك
نورتنى جدا :)
أنغام
ههههههههه
انتى اجمل يا حبيبتى :)
مصطفى
تسلم يا مصطفى ربنا يخليك
انت الاجمل :)
رنا
هو أكتوبر جميل علشان انتى اتولدتى فيه اساسا ههههههههه
كل مواليد اكتوبر كدا فظاع وعساسيل ومحصلوش بس احنا اللى متواضعين بقى انتى عارفة ههههههه
لا مهو محمد قام بالواجب النهاردة عمال يقولى انتى اصلا مجنونة هكتبها فى البطاقة اساسا انا :)))
مفيش مانع بردو لما اكلمك اقولك وانتى كمان مجنونة :)
بفرح لما بلاقى كومنتك مليان كلام مش عارفة ليه
جميلة جدااااااااااا
على ها الوضع .. طلعنا لكنا مجانين .. ههههه
والله ونِعمَ الجنون ..
مروة
انتى اجمل يا حبيبتى
ظلالى البيضاء
طيب الحمد لله مش طلعت لوحدى هههههه
فضفضة مع النفس وثرثرة لمحاولة التغلب علي الملل احيانا او القلق احيانا اخري او محالة لاثبات صحة ما نقتنع به ويرفضه الناس او محاولة لبعث الثقة في النفس - عموما لقد استمتعت كثيرا كثيرا بهذه الفضفضة خاصة ما يتعلق بالشتاء لاني اعشقه كثيرا
لقد اسمتعت هنا
وجميعنا للشتاء عشاق
نورتنى واسعدنى وجودك
دمت بخير :)
إرسال تعليق