الخميس، 28 يونيو 2012

إسكتش



أعشق الرسم كثيرا
قديما كنت أرسم مشاهد الروايات التى أقراها بذهنى
و أرسم شخوص القصائد التى أدمنتها منذ صغرى
ومع الوقت كنت أصنع لوحات من الزجاج إما بالرسم او الحفر
وها انا الان أمارس الرسم بالاحرف
اؤمن بان الفن قائم على الخيال وان لم تتمتع بخيال خصب فستكون نمطيا
بغض النظر عن براعتك فى الرسم
لكن ان كنت تتمتع بالخيال فقد ترسم تفاصيل قصة
او تلتقك صورة فوتوغرافية فائقة الجمال
فالرسم ليس اسكتش والوان ولكنه عين تمتلئ بالجمال وذهن خصب بالخيال

أعتمد فى تعليم أطفالى على الخطوط العشوائية والالوان الجذابة
مع رفضى ان يكون ذلك فى اسكتش الرسم
ولتتضمن كراسات العربى بعض الرسومات والاحرف الملونة
وكذلك كراسات الحساب و الانشطة حتى عند ذهابنا اللى الفناء
نذهب على شكل دودة قز فنرسمها قبل ان نذهب ونعود على شكل قطار
ونرسمه إثر عودتنا من الخارج كما انهم يعشقون لعبة الالوان مع الطبيعة
فتتعود أعينهم الجمال و ينمو ذهنهم على الخيال

ضع امامك ورقة من اسكتش رسم و اصنع " شخبطة "
على ان تلتقى اول نقطة من تلك الشخبطة باخر نقطة
وفى الفراغات ما بين الخطوط تخيل ما تعطيه من معنى
واعد تحديده بحيث يعطى شكل ما هكذا حتى تنتهى من كل الفراغات
بعد الانتهاء انظر الى العمل ككل ستجد انه اصبح لوحة جذابة كل جزء منه له معنى
ستشعر كم انك صنعت من الا شئ .... شئ

طبق التجربة السابقة كلما شعرت بالاحباط او اليأس حيال أمر ما
ستجد ان افكارا جديدة تكسبك المزيد من الثقة والتفاؤل بأنك تستطيع
فبين الممكن والغير ممكن بعض من التأمل ومزيد من التركيز
وربط الامور كى توصلك الى النتيجة التى ترجوها
ثق بقدراتك و تذكر دوما " لا يكلف الله نفسا الا وسعها "
و بأن الله لا يقدر لك الا ما يتناسب مع قدراتك
وعليك ان تستعين بالله و تقوى إيمانك بنفسك


" الصورة من رسمى " 

38 التعليقات:

Unknown يقول...

رسمك حلو أوي يا ايوشتى والبوست كمان رائع ^_^

سندباد يقول...

الصورة جميلة وخطوطها رشيقة تسلم ايدك هواية الرسم هواية جميلة جدا
بوست جميل وافكاره مفيدة
تحياتي الخالصة

M Magdi Albarqi يقول...

اؤمن بان الفن قائم على الخيال وان لم تتمتع بخيال خصب فستكون نمطيا
بغض النظر عن براعتك فى الرسم

اتفق معاكي في هذا في الرسم و كل الفنون

موناليزا يقول...

فنانة يا آية :)

مصطفى سيف الدين يقول...

رسمك حلو اوي يا آية
اما عن التدوينة فهكذا يصنع الابداع لما تسيبي مساحة من التخيل للطالب و يتقومي بتوسيعها و تسيبيه يدخل مع نفسه دنيا الخيال
مرة مدرس العربي قالنا موضوع التعبير النهاردة عن اللي في دماغكم
اللي عايزين تكتبوه تكتبوه
بجد اكتشفنا وقتها ان عندنا خيال خصب

aya mohamed يقول...

منة

انتى احلى يا حبيبتى
مبسوطة انه عجبك :)

aya mohamed يقول...

سندباد

الجميل حقا هى كلماتك الرقيقة
أشكرك دمت بخير

aya mohamed يقول...

محمد البرقى

الحيال هو اساس اى فن
والرسم جزء من كل الفنون
نورتنى :)

aya mohamed يقول...

موناليزا

جميلة انتى :)

aya mohamed يقول...

مصطفى

ميرسى يا مصطفى ده بس من ذوقك
عارف بجد اوقات بيطلعوا افكار
مش ممكن كنت تتخيلها
كمان الاطفال فى الروضة
خيالهم مالوش حدود

Amira Ramadan يقول...

حلوة يا يويو وكلامك منطقى وواقعى اوى
ورسمك كمان يجنن:))

aya mohamed يقول...

اميرة

ميرسى يا حبيبتى
عنيكى هى اللى حلوة :)

حنين محمد يقول...

صباح الغاردينيا آية
لا أتعجب إبداعك في الرسم
فمن تمتلك إحساس راقي جميل كإحساسك
ستمتلك ريشة فنان ايضاً
الرسمة رائعة جداً "
؛؛
؛
لروحك عبق الغاردينيا
كانت هنا
Reemaas

rona ali يقول...

صباح الجمال

كلامك حلو ورسمك حلو بسم الله ماشاء الله

انا هحاول مع انى فاشله في الرسم بس هشخبط وامرى لله وانا وحظى :)

Hanan w Haneen يقول...

رسمتك جمييلة اوي يا يويو
تسلم ايدك :)

Hanan w Haneen يقول...

انا كمان بحب الرسم وبحاول كده كل فترة ارسملى رسمة :D

Lobna Ahmed Nour يقول...

عاجباني الرسمة.. والكلام :)

ظلالي البيضاء يقول...

الفن والمنطق لا يجتمعان ..
فالمنطق يعتمد على خط وحيد 1+1=2
أما الفن ففيه خيال لا ينظمه أي منطق .. ففيه 1+1= احتمالات لا متناهية من الإجابات ..

والفنان يحيا بمشاعره ..
لذلك يبدع في كل أشكال الفن ..

الصورة جميلة ... جميلة .. جميلة ..
دمت بألف خير آية ..

رؤى عليوة يقول...

جمييييييييييييله يا ايه

انا بحب الون يمكن معرفش ارسم اوى
لكن بجد كتير باتمنى انى اكون بعرف ارسم
او اعزف
طبعا كل الناس بتعرف تغنى ههههههه

لكن بحب اكتب كتييييييييير


دمت بخير

رؤى عليوة يقول...

على فكرة الرسمة تحفه بجد عجبتنى من قبل ما تقولى انها رسمك


تسلم ايدك

ابراهيم رزق يقول...

رسمك جميل
و انا بسيب اطفالى يرسموا حتى و لو على الحيطان
هههههههههه

محتاجين رسم بروفيل عن ايه محمد
لان فى النصف كده حاجات عدت

تحياتى

ليلى الصباحى.. lolocat يقول...

الرسم احساس منفرد بالحياة
من يمسك ريشة الالوان ذات يوم بحب لا يمكن ان ينساها او يتخلى عنها

الرسم فن راااااااااااائع

شكرا لك غاليتى ووفقك الله لكل خير وجمال وفن وابداع
تحياتى وتقديرى

βent Pasha يقول...

( الفن قائم على الخيال وان لم تتمتع بخيال خصب فستكون نمطيا )
الجملة دي صحيحة فعلا

عجبتني جدا طريقتك في تعويد أعين أولادك على الجمال

الصورة جميلة جدا جدا بجد ، تسلم الأيادي يافنانة :-)
وعلى فكرة أنا كمان بحب الرسم جدا ، وكفاية توحدك ف اللوحة اللي انتي بترسميها ، تحسسك إنك ف عالم لوحدك

:-))
تحياتي لما خط قلمك

تقبلي مروري

aya mohamed يقول...

ريماس

حببيبتى ربنا يخليكى ليا يارب
انتى علشان جميلة شايفة كل حاجة حلوة
تسلميلى :)

aya mohamed يقول...

رنا

شخبطى وابقى ورينى عملتى ايه :)
انتى احلى على فكرة :)

aya mohamed يقول...

حنان

مش لازم تطلعى رسمه هايلة
المهم تطلعى اللى جواكى
دايما سعيدة يارب :)

aya mohamed يقول...

لبنى

علشان جميلة انتى :)

aya mohamed يقول...

ظلالى البيضاء

فلسفة صحيحة جدا
علشان كدا بستغرب نفسى اوقات
لما حد يقولى انتى مجنونة زى الفنانين وعاقلة جدا
مش عارفة ازاى بس يقال ذلك :))))
نورتنى كالعادة

aya mohamed يقول...

رؤى

اعملى اى ىحاجة تحسى بيها من غير ما تفكرى بتعرفى ولا لا
المهم انك تعملى اللى عيزاه مش مهم فى الاخر هيكون عامل ازاى
استمتعى دايما :)

aya mohamed يقول...

ابراهيم رزق

لا يرسموا فى اسكتش الرسم أرحم هههههه


محتاجين رسم بروفيل عن ايه محمد
لان فى النصف كده حاجات عدت
الجملة دى بقى حاولت افهمها من جميع الاتجاهات وبردو مش فاهمة :))
مزيد من التوضيح ياريت اعمل ايه بالظبط علشان اعمله بقى

aya mohamed يقول...

ليلى الصباحى

قعلا الرسم احساس رائع بالحياة والجمال
اشكرك على دعواتك اللهم آمين يارب
دمتى بسعادة لا تنتهى :)

aya mohamed يقول...

بنت باشا

عارفة كل خط بترسمية بتخرجى معاه
كم هائل من المشاعر و درجة انحراف الخط وميلها بتمثل حالتك اللى ممكن مش تكونى واخده بالك منها اصلا
الرسم عالم لوحده
تحياتى لكِ يا جميلة :)

nesma hatem يقول...

بحب الفكرة دى جدا وأوقات كتير جدا بنفذها
عجبانى اوى فكرة الابداع فى اسلوب التعليم يبختهم بيكى
:)

aya mohamed يقول...

نسمة

وحشتينى اوووووووى
ميرسى يا حبيبتى يا بختى انا بيكِ
مش تبقى تغيبى كدا تانى :)

ابراهيم رزق يقول...

من هى اية محمد
اصل موضوع الاطفال ده عديتى عليه سريع

تحياتى

هبة فاروق يقول...

بوست جميل والرسمه رائعه
فنانه حبيبتى

aya mohamed يقول...

ابراهيم رزق

آية محمد بنوته كدا لسه مخطوبة من شهرين
واطفالى دول نسبة الى الاطفال اللى عندى فى المدرسة
علشان انا مدرسة رياض اطفال :)
خريجة اداب اعلام شعبة اذاعة
و اشتركت فى كتاب ابجدية ابداع عفوى
و ان شاء الله قريب هينزلى كتاب حالات مفردة

aya mohamed يقول...

هبة

نورتينى يا حبيبتى
ميرسى ليكِ