الجمعة، 22 يونيو 2012

فيونكات



بنوته حلوة صوتها كمنجات
وضحكة فى عز الدمع تصبر قلبك على الازمات
و معاها العمر يعدى ثوانى و سنين فى ساعات
تزعل بقضية وتفرح بقرار و هديتها غزل بنات
واحلى ما فيها ضفاير الصبر و فيونكات

.............................

قلم وورقة وحبر سايل على الطريق
وصوت بعيد كل ما يقرب خروجه الباب يضيق
عصافير نهار الحلم بتغنى يا بكرة كن صديق
والليل يخيم والعيون سرحانة تسأل ... مين هيلحق ؟
ترد هي احلى ما فيا ضفاير الصبر .... وفيونكات

.................................

قصده يعاكسها ولا ده عاشق لطيفها
رغم كل الحزن فيه بيقول حبيبها
سكت الجميع ووقف يحنى بدمه إيدها
وهى لسه مش راضيه عنه
ونقول بتعشق حد تانى ترد لا بحب اعانده
ما انا مهرى غالى و ضفايرى صبره
وشبكتى فيونكة من الجنة يجيبها

....................................

بنوته تايهة صوتها حزين
وليها ضحكة فى قلب كل المحرومين
بقالها عمر محتاجة تفرح بس مش عارفه طريق الفرح فين
نزلت تدور على حبيبها تاهت بموته و مبقتش عارفة الامان منين
ماشية بتبكى و تغزل ضفاير و تنده عليه فيونكات بدمك اهديها لمين

19 التعليقات:

حَنيّـن نِضال يقول...

جميلة و بالاخص الاولى :)

aya mohamed يقول...

haneen nidal

ميرسى جدا لرأيك
نورتينى :)

مصطفى سيف الدين يقول...

الأخيرة رهيبة
و كلهم حلوين
تسلم ايدك يا آية
دمتِ مبدعة

aya mohamed يقول...

مصطفى

مبسوطة انهم عجبوك
ميرسى يا مصطفى :)

Carmen يقول...

مقتطفات راقية
سلمت اناملك .. تحياتى

Śђąžล ฬąђ٤єĐ ♥ يقول...

اول اتنين جامدين اوي يا ايه
يسلم احساسك دايما :)

Unknown يقول...

جميلة أوى أوى والأخيرة واللى قبلها كانو تحفه وعجبونى أوى وكلهم حلوين أصلا بقى ^_^

aya mohamed يقول...

كارمن

تسلميلى يا حبيبتى
دمتى بخير :)

aya mohamed يقول...

شذى

نورتينى يا جميلة
ميرسى لرأيك تسلميلى يارب :)

aya mohamed يقول...

منة

انتى اللى حلوة اصلا اصلا يعنى :)

rona ali يقول...

ايوه اهو اهو التغير اهو
التجديد اهو
قشطه عليكى يا آيه لمست فيها جو مختلف عنك بس في منك
عجبتنى الاخيره جدا جداااااااا
وعجبتنى ووقف يحنى بدمه إيدها
عليكى مفرادات

مبدعه جميله متميزة مثلك تماما

aya mohamed يقول...

رنا

ميرسى يا حبيبتى انتى اللى رائعة والله
عجبنى جدا تنوع الاراء :)

ظلالي البيضاء يقول...

البنوته عرفناها ..
بس شو هيه الفيونكات .؟؟

aya mohamed يقول...

الفيونكات هى الامان
اللى بيزين مصر :)

حنين محمد يقول...

مساء الغاردينيا آيه
وهل مصر إلا أجمل بنوتة يعلم الله كم أعشقها دمتِ بسعادة ودامت تلك البنوتة بفيونكة آمن وآمان "
؛؛
؛
أنا أسفة ياحبيبتي عشان غبت عن هنا كتير كنت فاكرة أني عملت متابعة هنا وأتضح أني غلطانة بجد سوري "
؛؛
؛
لروحك عبق الغاردينيا
كانت هنا
reemaas

aya mohamed يقول...

ريماس

ولا يهمك يا حبيبتى نورتينى بجد
كنت مفتقداكى جدا
ومصر كلها بتحبك اصلا :)

;كارولين فاروق يقول...

الثانيه موسيقي عازبه
في ليل غريب
اشكرك
تحياتي

aya mohamed يقول...

كارولين

ميرسى لرأيك يا جميلة
:)

رؤى عليوة يقول...

جميييييييييييله اوى تستحق النشر بجد
تاهت عنى فى الزحمه



لمسة حزن بين السطور وكل واحد يختار الاقرب لوجعه من الفيونكات

دمت بخير يا اية