الثلاثاء، 12 يونيو 2012

حالات مفردة



حالات مفردة مش بس كتاب عملته ومستنيه خروجه للنور
ده حلم وقلق و واقع و حاجات كتير اوى منى 
ده انت و انا و هما و كلنا 
ده كلام اتكتب عليكم وليكم وعن نفسى 
حالات بتمس كل الناس هتلمسك انت كمان 
لانها ببساطة حالات كلنا بنعيشها كلنا مشتركين فيها 
كلها اشياء ستبقى بيننا 
ده بالنسبة للشق الاول من الاسم ( حالات ) 
مفردة بقى يرجع لانها حالات مميزة بمشاعرها استثنائية فى توقيتها 
ويمكن كمان تكون استثنائية فى وصفها ويارب اكون قدرت اوصل لكدا يعنى 
مفردة لانها بتمزج بين الخاطرة والقصة داخل نفس الموضوع الواحد 
ناس كتير قالت مفيش فن اسمه كدا مهو يا خاطرة يا قصة 
انا احب اقولهم بقى ان معايا ان شاء الله هيبقى فى حاجة استثنائية اسمها كدا 
" خاطرة قصصية " وعلشان كدا حبيت ان الكتاب يجمل اسم ( مفردة ) 
مش شغلانى المسميات ولا شاغلنى الكتاب هيحقق مبيعات قد ايه 
ولا شاغلنى اى حاجة خاااااالص غير ان لما حد يقرا الكتاب يقول الله و بس 
يمكن عندى مشكلة ان الكتاب مش هيتوزع فى كفرالشيخ بس زى ما كنت بعمل فى ابجدية ابداع عقوى 
كل حد اديله الكتاب يقراه ويرجعه هههههههه علشان بس اسمع رايهم وكنت بفرح اوى لما يقولوا 
عمل جماعى ناجح وانتوا فعلا مبدعين ياااااااه بكون وقتها فى منتهى السعادة 
فكل اللى نفسى فيه ان ربنا يكرمنى والكتاب يعجب اللى هيقروه ومش عايزة جميل وخلاص 
عايزة اسم الموضوع ده كان جامد والموضوع ده ضعيف والالفاظ هنا وحشة وهنا قوية 
عايزة نقد بجد حتى لو نقد لاذع هكون مبسوطة بيه جداااا اكتر من المجاملات بتاعت حلو وجميل مبروك بالتوفيق 
الكتاب ان شاء الله هيصدر قريبا عن دار ليلى كيان كورب ضمن مشروع النشر لمن يستحق 
انتظرونااااا 

ده لينك صفحة الكتاب علشان تتابعونى بقى وكدا 
وده اول خبر عن الكتاب 
مستنيه تعليقاتكم ونصايحكم ونقدكم واى حاجة منكم هتفرحنى جداااااااا  


على هامش الحالات 

احب اشكر بهذه المناسبة السعيدة مصطفى سيف الدين ولبنى احمد لانى جننتهم بجد جدااا 
ورنا على ومها النجار جننتهم بردو هههههههه وديارا المصرى تعبتها معايا جدا جدا جدا 
وكل المدونين والمدونات اللى شجعونى على الخطوة دى 
وخطيبى اللى جننته دى حاجة قليلة اوى على اللى عملته فيه بصراحة ربنا يكون فى عونه ويستحملنى 





14 التعليقات:

موناليزا يقول...

ألف مبروووووووك يا آية
ويارب يطلع للنور بالسلامة :)

aya mohamed يقول...

الله يبارك فيكى يا مونى
ربنا يخليكى ليا يارب
واحنا الاتنين نطلع للنور سوا
ان شاء الله :)

rona ali يقول...

ههههههههههههه بس انا مش متجننه انا مبسوطه اوى اوى
ومبروووووووووووك للمرة المليون :)
بحبكى انا يا شقيه ورقيقه

aya mohamed يقول...

رونى حبيبتى الله يبارك فيكى ياااارب
انا مبسوطة اكتر بيكم والله
وبحبك جداااااااااا

مروه زهران يقول...

ألف مبروك ويارب بالتوفيق

;كارولين فاروق يقول...

الف مبروك يا آيه
ومن نجاح لنجاح ان شاء الله
تحياتي

Lobna Ahmed Nour يقول...

فرحتك لوحدها مفرحاني جدا :))
منتظرة الكتاب جدا جدا.. بجنون يعني :D

ظلالي البيضاء يقول...

السلام عليكم ورحمة الله ..
الصحيح في اللغة أن نقول "مبارك" وليس "مبروك" لأن :
المبروك : هو الذي لا يستطيع السير على قدميه والذي نقول عنه بالعامية "بارِك" لكن لما ارتبطت كلمة "مبارك" بالمخلوع ... وبكل ما يذكر بعصره الأسود
لم أجد إلا أن أقول لك :"مبروووك" هههههه ..
هنيئاً لك أختنا آية .. مع التحية

aya mohamed يقول...

مروة

الله يبارك فيكى يا حبيبتى
بالتوفيق لينا جميعا ان شاء الله

aya mohamed يقول...

كارولين

الله يبارك فيكى يا قمر
ربنا يخليكى يارب :)

aya mohamed يقول...

لبنى

وجودك لوحده مفرحنى
بحبك جداااااا :)

aya mohamed يقول...

ظلالى البيضاء

هههههه اى كانت الكلمة
المهم انها بتؤدى نفس الغرض
ميرسى جدا لحضرتك وربنا يبارك فيكى

Carmen يقول...

الف مبروووك حبيبتى يارب دايما من تقدم لافضل <3

aya mohamed يقول...

كارمن

سعيدة جدا بزيارتك
وميرسى يا حبيبتى ربنا يبارك فيكى يارب