السبت، 6 يوليو 2013

مفيش




(1)

شوف شوف شوف 
إطلع فيا اسمعنى اسمعنى اسمع منى وشوف 
لا بدى تراضينى ولا بدى تحاكينى 

شوية هدوء بقى مش عايزة اتكلم مع حد فى اى حاجة 
مش عايزة سياسة ولا حتى حد يكلمنى عن الجواز مش عايزة افكر ... عايزة اناااااااام
انا بقالى شهر تقريبا مش بنام غير ساعة ونص ويوم ما بكون نمت كتير بيبقوا 3 ساعات
 وحتى الوقت اللى بنام فيه دماغى بتفضل شغاله بحلم بنفس الحاجات اللى بفكر فيها وانا صاحيه فكرت اخد منوم بس محمد مش راضى يكتبلى روشته والصيدليات مش بترضى تصرفه من غيرها
فقررت اعتمد على نفسى قفلت الاكونت و عملت الموبايل سيلنت وخبيته :D

بطلت تنام .. بطلت كلام .. بس مبطلتش تفكير
بطلت تعيش وجاوبت مفيش بس مبطلتش تدوير
هتلف تدور و تدوق فـ تضيق وتفوق على صوت اصلا ساكت 

(2)



عم تخلص الكلمات والقلب موجوع 
عم تغرق البسمات ببحر الدموع 
غنى لقلب مشتاق ناطر ع نار 
غنى لحلم ع وراق بعد ما صار 

فى بداية الحوليات كنت اخدت قرار انها تكون مبهجة
 والواضح ان القرارت السعيدة هى الاصعب و التحدى ابتدا بدرى اوى واحنا لسه فى الاول
 وفضلت وقت طويل اوى مش عارفة اجيب منين حاجة مبهجة 
وقررت اكتب لصحبتى اللى مستنيه هكتب ايه و لبنوتات بعتوا مسجات على الفيس
 شايفين انهم بيستمدوا من كلامى امل وتفاؤل وفرحانين بقرارى فى الحوليات
مش عارفة جابوا الكلام ده منين بس اهو لازم بردو اراعى اهتمامهم بمتابعتى و احاول  
وانطلاقا من قلوبهم بهديهم اى تدوينة بتنزل فى حوليات ستبقى بيننا 

أنا أكتر حاجه بتتكرر .. أنا وقت مبيعديش 
أنا عقل وكل ما بيفكر .. بيموت أكتر ما يعيش
أنا وش محدش يوم شافه .. انا يوم قرر ميجيش
وسؤال بيحير فـ إجابته .. وإجابته مفيش

(3)

يقول انى امراة يغار منها النهار 
واننى لؤلؤة تعدو اليها البحار 
ويحسب الازهار لونى و بسمتى نبع الصفاء 

مش لاقيه اجابة لـ مش بتضحكى ليه و فيكى ايه 
مفيش فيا حاجة بس لو ينفع حد يقولى اعمل ايه واعمله لكن بلاش اى كلام يوحى بسؤال 
لان معنديش اى اجابة بجد ولا لاقيه اى مبرر اقوله ولا سبب مقبول

البنت لو قالت مفيش يبقى
فى حاجات كتيرة مزعلاها بجد
قمة وجعها لو تقول " مالك "؟
وتكون " مفيش " هى ساعتها الرد !



اشترك فى هذه التدوينة بالترتيب 
ماجدة الرومى ... انا  .... محمد ابراهيم 

2 التعليقات:

ابراهيم رزق يقول...

سيبك من اى حاجة
غمضى عنيكى استرخى
اسمعى فيروز ام كلثوم اى حد اتنى عايزاه
انسى الدنيا و حلقى مع المزيكا و الاغنية

دى وصفة مجربة
بس كانت زمان قبل زياد و سليناز و سولينا
يا ليت الشباب يعود يوما
ههههههههههههههههه
الحقى نفسك و اعمليها

تحياتى

aya mohamed يقول...

الله على النصيحة الجميلة دى
انا بحاول اعمل كدا فعلا
وربنا يسهل يارب