Wednesday, May 8, 2013

تخاريف عاقلة جدا



استغربت انى حلمت بيكِ 
بس الاغرب لما اصحى من النوم الاقى ان اليوم ده عيد ميلادك 
طيب ليه ؟ انتِ كنتى قاصدة بجد الكلام اللى قولتهولى فى الحلم 
على فكرة انتِ كمان وحشتينى اوى مع انى مش عارفة ليه !!!

......................

الحلم كان أبيض وأسود مع اننا فى زمن الالوان 
بس علشان المكان كان حقيقى زيادة عن اللزوم
لفيت فى نفس الشارع مرتين 
كنت بسال نفسى انا ايه جابنى هنا 
او يمكن كنت بتأكد ان الشارع والبيوت ووشوش الناس حقيقية
انا فاكرة كل ملامح الحلم حتى انه كان من غير ناس اصلا !!!!

.........................

انا مش هقدر اعمل حاجة علشان انا مش عايزة اعمل حاجة 
 بلاش نظرات الحزن اللى بتيجى مخصوص علشان تبصهالى 
مهو انا حتى لو وجودى مؤثر مش هتصرف اى حاجة هقف اتفرج بس 
مش علشان انا بقيت نادلة ولا فقدت احساسى باللى حواليا 
علشان ده مجرد حللللللم !!!

.........................

على قدر حلمك تتسع الأرض
محمود درويش 

..........................

بكلمك لما بكون محتاجة حد يحللنى نفسيا يشوف اللى بين الحقائق 
ويقولى التفسيرات النفسية لمشاعرى حد يقرأنى بشكل مختلف 
كل مرة بتبهرينى هو انتى ازاى بتقدرى تعملى كدا 
بس المهم انى برتاح جداااا 

............................

فى ناس مهمين جدا فى حياتك حتى لو بتتكلم معاهم بس ليهم مكانة خاصة 
وفى كلام بيحسسك من حروفه قد ايه المكانة دى بتبان فى مواقف بسيطة خالص 
وفى ضحكة بتبان فى اول المكالمة وكانها بتحضنك وتقولك وحشتنى 
 فى ناس حلوة اوى فى حياتى اعرفهم شخصيا او يعرفونى بس 
يستاهلوا انى أحمد ربنا انه بعتهم ليا 

............................

نظرا لان جاتلى اكتر من رسالة على صفحتى و صفحة الكتاب على الفيس بوك 
بتسالنى فى حاجات ودايما الرسالة بتبدا بالتبرير و التردد فى السؤل و تنتهى بالاعتذار 
و يتبع ردى عليها استغراب انا مش مصدقه انك ترد عليا هو انتى ممكن تساعدينى فعلا 
بصراحة انا مش فاهمة بيكونوا مستغربين ليه
بس انا حبيت اقول لكل اللى عايزين يسالوا فى اى حاجة 
ليها علاقة بالكتب او المدونات او ما شابه 
ابعتوا عادى جدا استغلونى انا بفرح اوى بالاستغلال  ده 
ولو اقدر اساعد اى حد هساعده مش هتأخر ابدااااا



4 التعليقات:

ابراهيم رزق said...

تينا الحياة بحلمٍ بريءٍ فعربد فينا زمانٌ بخيل
*** ***
حلمنا بأرضٍ تلم الحيارى وتأوي الطيور وتسقي النخيل
رأينا الربيع بقايا رمادٍ ولاحت لنا الشمس ذكرى أصيل
حلمنا بنهرٍ عشقناهُ خمراً رأيناه يوماً دماءً تسيل
فإن أجدب العمرُ في راحتيَّ فحبك عندي ظلالٌ ونيل
وما زلتِ كالسيف في كبريائي يكبلُ حلمي عرينٌ ذليل
وما زلت أعرف أين الأماني وإن كان دربُ الأماني طويل
*** ***
تعالي ففي العمرِ حلمٌ عنيدٌ فما زلتُ أحلمُ بالمستحيل
تعالي فما زالَ في الصبحِ ضوءٌ وفي الليل يضحكٌ بدرٌ جميل
أحُبك والعمرُ حلمٌ نقيٌّ أحبك واليأسُ قيدُ ثقيل
وتبقين وحدكِ صبحاً بعيني إذا تاه دربي فأنتِ الدليل
*** ***
إذا كنتُ قد عشتُ حلمي ضياعاً وبعثرتُ كالضوءِ عمري القليل
فإني خُلقتُ بحلم كبير وهل بالدموع سنروي الغليل ؟
وماذا تبقّى على مقلتينا ؟ شحوبُ الليالي وضوء هزيل
تعالي لنوقد في الليل ناراً ونصرخ في الصمتِ في المستحيل
تعالي لننسج حلماً جديداً نسميه للناس حلم الرحيل
فاروق جويدة

حلو قوى بحب تستغلونى
ده كده الواحد هيستغلك كتير
عشان معلوماتى عن الكمبيوتر مثل معلوماتى عن اللغة الصينية
ههههههههههههههههه

تحياتى

Amira Ahmed said...

فى ناس مهمين جدا فى حياتك حتى لو بتتكلم معاهم بس ليهم مكانة خاصة
وفى كلام بيحسسك من حروفه قد ايه المكانة دى بتبان فى مواقف بسيطة خالص
وفى ضحكة بتبان فى أول المكالمة وكأنها بتحضنك وتقولك وحشتنى
فى ناس حلوة اوى فى حياتى اعرفهم شخصيا او يعرفونى بس
يستاهلوا انى احمد ربنا انه بعتهم ليا

كلامك دايما بيعبر عن اللى جوايا بجد انا سعيدة انى أعرف بنوتة زيك
ربنا يسعدك دايما زى ما بتسعدى قلبى بكلامك كده
بحبك فى الله :)))

Aya Mohamed said...

ابراهيم رزق

بحب القصيدة جدا جدا
اما عن الاستغلال فبراحتك خالص
اى حاجة بس ابعتلى مسج
وحتى لو مش عارفة الاجابة هتصرف لا تقلق :)

Aya Mohamed said...

اميرة احمد

حبيبتى انا اللى سعيدة اننا صحاب
ربنا يكرمك يا جميلة
و يسعد قلبك دايما يارب