Tuesday, April 30, 2013

رومانسية ولكن





بدأت فى كتابة قصة ما لكن بطلتها فاجأتنى عندما استدارت فجأة لتخبر البطل 
انها لم تتمنى يوما ان تصبح أم 
تركت قلمى و نظرت إليها بدهشة تلاقت نظراتى مع نظرات البطل 
نظرات الدهشة لكلانا تحمل فى طياتها استنكار هل لأنثى ان تتمرد على غريزة الامومة
جلست فى مواجهتنا و اكملت حديثها
" أيوة انا عشت عمرى خايفة اتجوز علشان خايفة اجيب طفل يحاسبنى بعد كدا عن اختيارى لأبوه 
خايفة اشوف نظرات عنيه تلومنى انى اخترتله اب ميستهلوش
 او احس انى خذلته لو مقدرتش اكونله ام تستاهله "
جلس جوارها دون ان يقل شيئا فالكلمات امامه واهنه لا تصف ما ادركه عقله 
لا تريد ان تنجب منه بعد كل ذلك الحب !! هل  حقا تراه لا يستحق ان يكون أبا لوليدها !!
تتلاعب الافكار فى ذهنه وتتدافع لحظات الحب المتبادل أمام عيناه والصمت يعترى الجميع 
حتى امسكت بيداه ووضعتها حيث تمنى ان يسمع ذات يوم دقات قلب طفله 
فنظر اليها وقد زادت دهشته وتحفزه لما ستقول 
" بس بقى عندى مليون حكاية احكيهاله عنك 
كل يوم هوصفك ليه هكلمه عنك وعن كل حاجة حبتها فيك 
هقوله انى فرحااااااانة اوى انه جوايا وانه جزء منك "
فسحب يداه من بين يديها و نظر فى اتجاهى قائلا
 " كملى قصتك يا بنتى دى واحدة فاضية "

بلد مجانين صحيح .... كما قال الخال :D


16 التعليقات:

مصطفى سيف الدين said...

فعلا دي واحدة فاضية :)
قال رومانسية قال
قوليلها الحقي صينية البطاطس اتحرقت في الفرن و هي مش مبطلة رغي:)

للاسف الرومانسية اصبحت شبه لا تناسب حياتنا

ليلى الصباحى.. lolocat said...

بعض القيم والاحاسيس فقدت ميزانها فى زماننا
ليس خطأها بل خطأ انتكاسة فطرة اصابت كل ماحولنا

ربما لها عذرها وربما ترى مالايراه سواها لكن بالتأكيد بالنهاية ستتغلب عليها غريزة الانثى :)


جميل اقتباسك لبلد مجانين صحيح :)

دمت بخير وتحياتى بحجم السماء

Amira Ahmed said...

هههههههههه
عجبتنى أوى فعلا فاضية
بحب تعبيراتك جدا
وقراءة أى حاجة بتكتبيها بتبعث فى نفس حاجة كده مش عارفة اوصفها بكلام
كلماتك بسيطة لكن معناها كبير اوووووووى

وفعلا صعب جدا الإختيار فى الحب وانك تجيبى طفل للدنيا وهو ليه أب ما يستاهلهوش

ربنا يرزقنا حُسن الإختيار
ويرزقنا وإياكى بالذرية الصالحة

تمنياتى لكٍ بالسعادة الأبدية

سندباد said...

علينا الدعاء وعلي الله الاجابة علينا السعي وليس علينا ادارك النجاح
احلام كتيرة اوي بتبقي جوانا وبنبقي خايفين انها متتحققش او متتحققش بالطريقة اللي احنا عايزنها بس في نفس الوقت مينفعش منسعاش عشان نحقق حليمنا - وصحيح الرومانسية بقت شئ عيب اوي اوي الايام دي او علي رايك يعني بقت جنون مالوش لازمة
بوست جميل كالعادة
تحياتي

Aya Mohamed said...

مصطفى

ههههههه عرفت منين انى كنت بعمل بطاطس بقى :))))
الرومانسية بقى نوع من الرفاهية دلوقتى

Aya Mohamed said...

ليلى الصباحى

وحشتينى جداااا على فكرة
كنت بفكر فيكى الصبح :)
تسلميلى يا حبيبتى
اسعدتينى <3

Aya Mohamed said...

اميرة

ربنا يخليكى يا حبيبتى
فرحانة بكلامك الجميل ده تسلميلى يارب
ربنا يكرمنا يارب <3

Aya Mohamed said...

سندباد

اسعدتنى متابعتك
ومتفقه معاك فى رايك جدا
ربنا يكتبلنا الخير جميعا يارب

rona ali said...

ايه دة ايه دة هههههههههههه

ايه الفظاعه دى انا هتنقط فعلا

فين الخال بقي

Aya Mohamed said...

رنا

ههههههه اى خدمة يا رونى
الخال مش عارفة بقاله فترة مش بيجى عندى :(

الازهرى said...

:)

كرتينى بنقاش مطول عن هل الأبطال بيتحكموا فى الكاتب ولا العكس

فى الآخر وصلنا لإنه نقاش متبادل مستمر


صباحك ثكر

Aya Mohamed said...

الازهرى

ايوة انا فاكرة النقاش ده :)
نورتنى بجد

nesma hatem said...

لأ بس صدقتها
مش لازم يبقى فى سسبنس
:)

ابراهيم رزق said...

ههههههههههههههههههههههههه
ههههههههههههههههههههههههههههه

بس خلاص

عجبتنى قوى

تحياتى

Aya Mohamed said...

نسمة

حبيبتى دى طبيعية الحياة بقى :)
نورتينى يا عسل

Aya Mohamed said...

ابراهيم رزق

عودا حميدا :))
مبسوطة اوووى انها عجبتك