بدأت فى كتابة قصة ما لكن بطلتها فاجأتنى عندما استدارت فجأة لتخبر البطل
انها لم تتمنى يوما ان تصبح أم
تركت قلمى و نظرت إليها بدهشة تلاقت نظراتى مع نظرات البطل
نظرات الدهشة لكلانا تحمل فى طياتها استنكار هل لأنثى ان تتمرد على غريزة الامومة
جلست فى مواجهتنا و اكملت حديثها
" أيوة انا عشت عمرى خايفة اتجوز علشان خايفة اجيب طفل يحاسبنى بعد كدا عن اختيارى لأبوه
خايفة اشوف نظرات عنيه تلومنى انى اخترتله اب ميستهلوش
او احس انى خذلته لو مقدرتش اكونله ام تستاهله "
او احس انى خذلته لو مقدرتش اكونله ام تستاهله "
جلس جوارها دون ان يقل شيئا فالكلمات امامه واهنه لا تصف ما ادركه عقله
لا تريد ان تنجب منه بعد كل ذلك الحب !! هل حقا تراه لا يستحق ان يكون أبا لوليدها !!
تتلاعب الافكار فى ذهنه وتتدافع لحظات الحب المتبادل أمام عيناه والصمت يعترى الجميع
حتى امسكت بيداه ووضعتها حيث تمنى ان يسمع ذات يوم دقات قلب طفله
فنظر اليها وقد زادت دهشته وتحفزه لما ستقول
" بس بقى عندى مليون حكاية احكيهاله عنك
كل يوم هوصفك ليه هكلمه عنك وعن كل حاجة حبتها فيك
هقوله انى فرحااااااانة اوى انه جوايا وانه جزء منك "
فسحب يداه من بين يديها و نظر فى اتجاهى قائلا
" كملى قصتك يا بنتى دى واحدة فاضية "
بلد مجانين صحيح .... كما قال الخال :D
فسحب يداه من بين يديها و نظر فى اتجاهى قائلا
" كملى قصتك يا بنتى دى واحدة فاضية "
بلد مجانين صحيح .... كما قال الخال :D
16 التعليقات:
فعلا دي واحدة فاضية :)
قال رومانسية قال
قوليلها الحقي صينية البطاطس اتحرقت في الفرن و هي مش مبطلة رغي:)
للاسف الرومانسية اصبحت شبه لا تناسب حياتنا
بعض القيم والاحاسيس فقدت ميزانها فى زماننا
ليس خطأها بل خطأ انتكاسة فطرة اصابت كل ماحولنا
ربما لها عذرها وربما ترى مالايراه سواها لكن بالتأكيد بالنهاية ستتغلب عليها غريزة الانثى :)
جميل اقتباسك لبلد مجانين صحيح :)
دمت بخير وتحياتى بحجم السماء
هههههههههه
عجبتنى أوى فعلا فاضية
بحب تعبيراتك جدا
وقراءة أى حاجة بتكتبيها بتبعث فى نفس حاجة كده مش عارفة اوصفها بكلام
كلماتك بسيطة لكن معناها كبير اوووووووى
وفعلا صعب جدا الإختيار فى الحب وانك تجيبى طفل للدنيا وهو ليه أب ما يستاهلهوش
ربنا يرزقنا حُسن الإختيار
ويرزقنا وإياكى بالذرية الصالحة
تمنياتى لكٍ بالسعادة الأبدية
علينا الدعاء وعلي الله الاجابة علينا السعي وليس علينا ادارك النجاح
احلام كتيرة اوي بتبقي جوانا وبنبقي خايفين انها متتحققش او متتحققش بالطريقة اللي احنا عايزنها بس في نفس الوقت مينفعش منسعاش عشان نحقق حليمنا - وصحيح الرومانسية بقت شئ عيب اوي اوي الايام دي او علي رايك يعني بقت جنون مالوش لازمة
بوست جميل كالعادة
تحياتي
مصطفى
ههههههه عرفت منين انى كنت بعمل بطاطس بقى :))))
الرومانسية بقى نوع من الرفاهية دلوقتى
ليلى الصباحى
وحشتينى جداااا على فكرة
كنت بفكر فيكى الصبح :)
تسلميلى يا حبيبتى
اسعدتينى <3
اميرة
ربنا يخليكى يا حبيبتى
فرحانة بكلامك الجميل ده تسلميلى يارب
ربنا يكرمنا يارب <3
سندباد
اسعدتنى متابعتك
ومتفقه معاك فى رايك جدا
ربنا يكتبلنا الخير جميعا يارب
ايه دة ايه دة هههههههههههه
ايه الفظاعه دى انا هتنقط فعلا
فين الخال بقي
رنا
ههههههه اى خدمة يا رونى
الخال مش عارفة بقاله فترة مش بيجى عندى :(
:)
كرتينى بنقاش مطول عن هل الأبطال بيتحكموا فى الكاتب ولا العكس
فى الآخر وصلنا لإنه نقاش متبادل مستمر
صباحك ثكر
الازهرى
ايوة انا فاكرة النقاش ده :)
نورتنى بجد
لأ بس صدقتها
مش لازم يبقى فى سسبنس
:)
ههههههههههههههههههههههههه
ههههههههههههههههههههههههههههه
بس خلاص
عجبتنى قوى
تحياتى
نسمة
حبيبتى دى طبيعية الحياة بقى :)
نورتينى يا عسل
ابراهيم رزق
عودا حميدا :))
مبسوطة اوووى انها عجبتك
إرسال تعليق