الأحد، 4 نوفمبر 2012

فاصل جنان




4/ 11 
تم أختياره عيد الحب فى مصر وذلك لانه ... العيد القومى لمحافظة كفرالشيخ 
محافظتى أحبك 


فرحانة بيا علشان كسبت فى مسابقة القلم الحر للابداع العربى 
علشان كدا كافأتنى واشتريت هيدفون وشيكولا و شيبسى 
وفضلت اسمع " صدفة لـ يارا " طول الوقت بصوت عالى جدااااااا

اى بنوته بتعملى ميشن او تهدينى صورة لمجرد انها افتكرتنى اول ما شافت بنفسج 
بفرح بيها اووووووى 
احساس رائع كدا لما تبقى فى بال كل الناس طول الوقت 
اصل البنفسج ده مش بس لون ولا  وردة ده حياة متجسدة فى كل الالوان 

كومنت لرضوى اشرف عن الموف بحبه اوووى
الموف هو بنت راقية جميلة بتلبس فساتين دايما كده
و محبوبة أوى من أصحابها
دى انا على فكرة :))) ايوة انا مغرورة وبعترف 

مبدعون مما قرأت خطوة فارقة فى حياتى 
انا بكتب حلو حاجة وبرائ اللى حواليا حاجة 
وتقييم ملايين القراء دى حاجة مختلفة خااااالص 
احساس رهيب بالمسؤلية عن كل كلمة و فرحة بكل لايك وكل شير وكل كومنت 


ولما اتنشرلى على مما قرات الرئيسية 
ولقيت ان البوست عمل 648 لايك و 357 شير و 47 كومنت 
حسيت ولاول مرة انى مصدقانى اوى انا فعلا بكتب حلو :))))

ناس كتير اوى دخلت حياتى فى الفترة الاخيرة علشان بكتب حلو 
علشان احساسنا متشابه وكلامى لمسهم 
هو فى حد بالطيبة دى يهتم بيك كدا من غير اى مصلحة 
هى الناس دى بجد حقيقية يعنى ولا خداع بصرى 
يارب لو حقيقيين يفضلوا كدا على طول ياااارب 

لو افتكرت حاجة تانية هبقى اجى اكتبها بقى 
كان عندى كلام كتير بس تقريبا وراه شغل الصبح فسبقنى وراح ينام 

مساءكم هنا وصباحكم سعادة 



6 التعليقات:

ليلى الصباحى.. lolocat يقول...

من حقنا الفرح كما يباغتنا الحزن كثيراً :)

افرحى واسعدى حبيبة قلبى والف مليون مبروووووووووك
ودايما يارب السعادة والفرح تدق بابك ياغالية

تحياتى بحجم السماء

محمد سلامة يقول...

طب بالنسبة للناس اللى كانت السبب فى السعادة مفيش جالاكسى ولا أى حاجة :)
ربنا يسعدك
تحياتى المعطرة

Lobna Ahmed Nour يقول...

مبسوطة بيكي وليكي
أوي أوي
:)

حنين محمد يقول...

صباح الغاردينيا آيه
:)
مبتسمة وسعيدة لأني شايفه ابتسامتك وسعادتك بـ قلبي
وهاتي شوكولا وشيبسي الي بياكل لوحده يزور ولا ايه ؟"
؛؛
؛
لروحك عبق الغاردينيا
كانت هنا
Reemaas

كريمة سندي يقول...

عيد حب مجيد لك ولكل المصرين

ابراهيم رزق يقول...

ربنا يفرحك كمان كمان و كمان

اجمل زهرة بنفسج ليكى

تحياتى