السبت، 22 سبتمبر 2012

حالات مفردة .. قريبا





حالات مفردة مش كتاب رومانسى 
ولا خواطر نسائية ولا مشاكل اجتماعية 
ولو حاولت تصنفه مش هتلاقي معنى شامل لمحتواه 
حالات مفردة زى شخصيتنا كل وقت وليه الحالة بتاعته 
مفيش حد بحالة واحدة طول العمر ولا يقدر يكون شهر بحالة واحدة 
علشان كدا هتلاقى حالات مفردة هو - انت - فيه كل حالاتك او حالات اللى حواليك 
هتلاقيه مصرى اوى بيحب مصر ورسملها " وجه الوطن "
وهتلاقيه رومانسى اوى فى " سحر البدايات
وهتلاقيه ثائر اوى وهو بيقول " التهمة...أنثى "
وكمان حزين لدرجة السخرية من شخصيات فى حياتنا كلها بتمثل الـ " بلياتشو "
بس هيديك جرعة تفاؤل لما تلاقيه بيثبتلك ان " فاقد الشئ قد يعطيه أحيانا " ويأكدلك على " لذة الفقد "
حنون اوى وهو بيوصف " رسائل أعينهم " و جرئ اوى وهو بيوجه رسائل من " بين الثنايا "
حالة من الشقاوة هتلاقيها فى " لوغرتمات هو وهى
مع شوية وجع فى " بعض من نبض مات "
وهيأخدك لـ " لحظات فيروزية " هتلاقى فيها شجن بيعرفك " لماذا أحب الشتاء "
بس لما تقلب فـ " ألبوم صور " هتكتشف " لون الفرح
ولو أستغربت من " الارهاب المقنع " فأكيد هتلاقى " تأملات " و " حالات " لـ " نبضات خاصة "
انما لو هنتكلم " عن أشياء ستبقى " فـ دايما حواء بتوجه " الى رجل " " رسائل لن تصل
زى ما آدم هيعرفها ازاى " يريدها " و هيتفقوا على ان بينهم " رسائل حب منسية "
رغم تعدد الحالات اللى بنعيشها والصراعات اللى فى حياتنا فاحنا كلنا بنبحث عن السعادة 
يمكن اللى خلى حالاتى مفردة انها بتدور عن ازاى تسعدك وانت بتقراها 
علشان كدا هتاخدك " خارج حدود الدمع " و تأخد بس " لحظة من قلبك "
وتدعى معاك فى " منتصف حياة
لو عجبتك الحالات هتلاقى اننا زى بعض " قدريون " مشتركين فى " حلم "
لكن مين فينا عنده " ذكريات الغد " ؟؟

هامش 

اللى بين الاقواس بالموف عناوين خواطر يحتويها الكتاب 
نظرا لانى مش عرفت اعمل برومو للكتاب بالصور والموسيقى فحاولت اعمله بالكلمات 
لو عجبتك العناوين او عايز تعرف اكتر من باب الفضول 
ممكن تتابع صفحة الكتاب  من هنا  " حالات مفردة "
لو مش عجبتك ممكن  تنتقدنى علشان تفيدنى واكيد اكيد بنقدك هتسعدنى



12 التعليقات:

P A S H A يقول...

ألف ألف مبروك وإن شاء الله بالنجاح والتوفيق
:)
تحياتي

حنين محمد يقول...

صباح الغاردينيا آية
دائماً مميزة ومبدعة وهنا كنتِ رائعة في وصف قصص او عناوين كتابك الذي أتمنى قرائته قريباً والإستمتاع بروعة إبداعك "
؛؛
؛
ألف ألف مبروووك
لروحك عبق الغاردينيا
كانت هنا
Reemaas

مصطفى سيف الدين يقول...

الف مبروك يا آية ربنا يوفقك

ليلى الصباحى.. lolocat يقول...

السلام عليكم
الف مبروك حبيبتى
موفقة دايما ان شاء الله


تحياتى لك بحجم السماء

رؤى عليوة يقول...

ايه الكلام الجميل ده ده احلى من اى برومو

بس على فكرة كنت مفكره فى نفس اسلوب الكتابة دى على اعتبار انه كمان كتابى منوع :)

مبروووووووووك
يا ايه

دمتى بخير

Amira Ramadan يقول...

هو امتى بقى ؟؟

aya mohamed يقول...

P A S H A

الله يبارك فيك
ميرسى جدا :)

aya mohamed يقول...

ريماس

ربنا يخليكى ليا يا حبيبتى
المميز حقا هو كلماتك الرقيقة
تسلميلى يارب <3

aya mohamed يقول...

مصطفى

الله يبارك فيك يا مصطفى
ربنا يوفقنا جميعا يارب :)

aya mohamed يقول...

ليلى الصباحى

الله يبارك فيكِ يارب
بفرح بتحيتك وتعليقك
ميرسى جدااا :)

aya mohamed يقول...

رؤى

حبيبتى الله يبارك فيكِ ويوفقك يارب
هو طلع معايا كدا اصلا ههههه
بس فى الاخر حسيته حلو اتفضليه بقى :))

aya mohamed يقول...

اميرة

بيقولوا 14 ف الشهر ادعى بقى
ربنا يجيبه بالسلامة يارب ^___^