Thursday, August 2, 2012

الفكرة فى الايمان




الفكرة فى الابتلاء مش إنك تتحمل 
الفكرة انك ترضى وتصبر وتتعلم 
ربنا مش بيبتليك علشان بس يختبرك 
ربنا عايز يقويك على الدنيا ويعلمك تتحداها أكتر
ويوصلك انه بيحبك علشان تقربله أكتر 

-----------------

الفكرة فى الصلاة مش بس طاعة 
الفكرة انك تستقيم فى حياتك بإلتزامك لمواعيدك 
و بإحتشامك فى لبسك وبطهارة حواسك 
وبالتركيز فى تصرفاتك
 و تدريب عينيك على الخضوع وقلبك على الخشوع 
فكر تانى هتلاقى  ان صلاتك إستقامة لحياتك 

--------------------

الفكرة فى الدعاء مش فـ الاجابة 
الفكرة فى إنك مؤمن بأن الله قريب 
مدرك بأنه سميع متيقن بأنه قادر 
تثق بأنه عليم فلا تشغلك الاجابة قدر أن تشملك رحمته 

---------------------

الفكرة فى رمضان مش بس الصيام
الفكرة فى الوحدة و إننا واحد قدام ربنا 
ان الاحسن هو اللى بيقرب لربنا اكتر مش اى حاجة تانية 
كلنا بنبدأ سوا ونفطر سوا بس مين بيسبق لربنا 

------------------------

الفكرة فى الخير مش التبرعات 
الفكرة فى الاحساس بالغير سواء كانوا بعيد او جنبك على طول 
إنك تحس بفضل ربنا عليهذك فتساعد اللى محتاج و سيبك من الاعلانات 
أعمل الخير اللى تحسه مش اللى يوجهوك ليه 
الخير مش بس تبرعات الخير أشكال كتير اوى قلبك هيحس بيها 

-------------------------

الفكرة فى أنك تحتاج من حد يدعيلك 
مش بس انك محتاج دعوة بظهر الغيب 
الفكرة انك عايزها دعوة خالصة لوجه الله مفيش فيها رياء 
دعوة من ناس كتير فى اوقات مختلفة علها تستجاب 
" اللهم إقضى حاجتى وفرج كربتى يا أرحم الراحمين "


ملحوظة 
فكرة البوست محاكاة لسلسلة الفكرة  لـ رنا على 

10 التعليقات:

بنت مهيسة اخر حاجة said...

الفكرة ف البوست مش مجرد كلام
الفكرة ف الاحساس والروعة اللي موجودين فيه :)

رائعة واكثر بجد
تحياتي ليكي :)

لبنى أحمد نور said...

تدوينة جميلة أوي ومريحة نفسيا يا آية

ريـــمـــاس said...

مساء الغاردينيا آية
الفكرة مش اقولك انك جميلة ورائعة وانه البوست دا بيلمس الروح بشفافية وبس الفكرة انه أحساسك جميل ياآية لأنك جميلة من جواكي "
؛؛
؛
لروحك عبق الغاردينيا
كانت هنا
Reemaas

rona ali said...

اللهم آمين

البوست نزل كدهو من ورايا
حلو اوى ومريح جدا يا آيه
يلا بقي السلسه دى هتبقي هاشتاج لاى حد يهشتج وياخدها :):)


الفكرة فى الابتلاء مش إنك تتحمل
الفكرة انك ترضى وتصبر وتتعلم
ربنا مش بيبتليك علشان بس يختبرك
ربنا عايز يقويك على الدنيا ويعلمك تتحداها أكتر
ويوصلك انه بيحبك علشان تقربله أكتر


الجزء دة عجيبنى جدااا جدااااا يعنى
وبيفكرنى بجزء كنت كتبته بس اسلوبك توحفه اوى فعلا ^_^

نورتى اللفكرة واضفتي اليها اكتر :)

بحبك

Aya Mohamed said...

بنت مهيسة اخر حاجة

فرحنى كومنتك جدا
وسعيدة لوجودك :)

Aya Mohamed said...

لبنى

انتى احلى يا حبيبتى :)

Aya Mohamed said...

ريماس

ايه الكلام الحلو ده كله
تسلميلى يا حبيبتى يارب :)

Aya Mohamed said...

رونى

حبيبتى الفكرة حلوة علشان انتى صحبتها
كتبت فيها علشان انتى طلبتى كدا
عيزاكى انتى تكمليها مش هعملها تانى اصلا :)))
مبسوطة انها عجبتك
وانا بحبك اكتر بكتير اصى يعنى

سكر زيادة said...

زيارة الأولي كانت ممتعة و سأقرأجميع التدوينات ان شاء الله ..
فكرة البوست جميلة جدا تلامس الروح لان الدين ليس مجرد أفعال و انما هو شيء نابع من القلب

donkejota said...

شكرا يا آية