أعشق البدايات وان كنت اخشاها
بس متفائلة جدا ويارب التفائل ده يدوم
فاكرة زى النهارده من سنة لما قلت وداعا 2010
انى توقعت تبقى 2011 سنة سعيدة وتبقى احلى من كل اللى قبلها
والحمد لله كانت كدا مع بعض الاستثناءات
بس الاكيد ان 2011 كانت سنة البدايات ويارب يارب 2012 تبقى نجاح لكل البدايات
بداية الحرية وتحقيق الحلم اللى بقاله سنين ونثبت اننا نقدر نقول لا للخوف
بداية تغيير من جوانا بداية اننا نحلم واحنا واثقين ان من حقنا نحلم ونسعى لتحققه
بداية مصر جديدة متعرفش خوف ولا استسلام
هى مش بداية مصر بس هى بداية للوطن العربى
كتابنا " أبجدية إبداع عفوى " واحلى بداية حصلتلى فى السنة دى
احساس انى بكتب حلو ده كان عادى انما الجديد
هو احساس ان فى ناس مش يعرفوا بيقولوا انى بكتب حلو
تجربة الكتاب كانت من اولها غريبة ولذيذة فى نفس الوقت
فرحانة بكل أصدقاء التدوين اللى اتعرفت عليهم من حملة التدوين ومن الكتاب
سعيدة باول خطوة فى حياتى وان كنت مش عارفة هيكون فى غيرها ولا لا
بس انا مبسوطة اووووى بيها
وشكر خاص جدااا لـــ آية علم الدين & لبنى أحمد نور
بداية فرحة يارب تكمل على خير
واحساس بحالة مش بقدر اوصفها
بتدينى حافز على الكتابة والسعادة والتغير والتطوير
وحاجات كتير اوقات بحس ان مش ليها علاقة ببعض
بس الاكيد انى بكون مبسوطة
حاجة بس ناقصه فى بداية السنة الجديدة وهى ريماس
نبض الرومانسية الحالم وزهرة الغاردينيا الرقيقة
وحشتينى اوى ويارب ترجعى بالف سلامة
فى اسرع وقت ان شاء الله
كل صحابى وكل زوار المدونة وكل شخص عرفنى وعرفته فى 2011
وكل اللى بيتبعونى وكل اللى زارونى ولو مرة
فرحانة اوى بيكم وسنة جديدة مليانه سعادة عليكم ياررررب
اللهم انى اسالك خير هذه السنة المقبلة
يمنها ويسرها وامنها وسلامتها ونورها وبركتها
واعوذ بك من شرورها وصدودها وعسرها وخوفها وهلكتها
اللهم احفظ لى فيها دينى الذى هو عصمة امرى ودنياى التى فيها معاشى
ووفقنى الى ما يرضيك عنى فى ميعادى
يا أكرم الاكرمين يا الله
وحاجات كتير اوقات بحس ان مش ليها علاقة ببعض
بس الاكيد انى بكون مبسوطة
حاجة بس ناقصه فى بداية السنة الجديدة وهى ريماس
نبض الرومانسية الحالم وزهرة الغاردينيا الرقيقة
وحشتينى اوى ويارب ترجعى بالف سلامة
فى اسرع وقت ان شاء الله
كل صحابى وكل زوار المدونة وكل شخص عرفنى وعرفته فى 2011
وكل اللى بيتبعونى وكل اللى زارونى ولو مرة
فرحانة اوى بيكم وسنة جديدة مليانه سعادة عليكم ياررررب
اللهم انى اسالك خير هذه السنة المقبلة
يمنها ويسرها وامنها وسلامتها ونورها وبركتها
واعوذ بك من شرورها وصدودها وعسرها وخوفها وهلكتها
اللهم احفظ لى فيها دينى الذى هو عصمة امرى ودنياى التى فيها معاشى
ووفقنى الى ما يرضيك عنى فى ميعادى
يا أكرم الاكرمين يا الله
14 التعليقات:
هي سنة رائعة مهما كان :)
كل عام و أنتِ بخير
و السنة الجاية أحلى بإذن الله :)
سارة
وانتى بالف خير يا قمر
وان شاء الله الجاى احلى لينا كلنا
نورتينى :)
كل عام وأنتِ بخير يا آيــه
بغض النظر عن أنك شايفة أن 2011 كانت سنة حلوة مع بعض الاستثناءات
يمكن أنا شايف العكس
إن شاء الله 2012 هتبقى أفضل من اللي فات وكل سنة هتكون أفضل من اللي قبلها
سعيد بيكي زي منتي سعيدة بينا وأكثر :)
كل سنة وأنتي طيبة
أحمد
فينك من زمان مختفى كدا
بغض النظر عن ان الاستثناءات كتيرة
بس نظرا لانى طول السنين اللى فاتت مش حصلى ولا اى حاجة كويسة فالسنة دى كانت حلوة نسبيا عليا
ويارب 2012 تبقى احلى واحلى على الناس كلها ان شاء الله
وكل سنة وانت بالف خير وسعادة يارب :)
اجمل حاجه في السنه الجديده انها بتعرفنا باشخاص مميزون نستغرب انهم كانوا هنا في عالمنا كل ذلك الوقت ولم نصادفهم سوي علي اعتاب سنه جديده 2012 اجمل
لانها تاتينا برقي المفاجئات يارب يستجب دعاكي و نبدأ السنه الجديده علي صوت من نحب
كل سنة وانتي طيبة وربنا يجعلها سنة سعيدة كلها فرحة
انا برضه سعيد بتجربة كتاب ابجدية ابداع عفوي كفاية انه يتحط اسمي مع زمرة من المبدعين مثلك صديقتي العزيزة
مونتى بوكيه ورد
يارب تكون سنة اجمل لينا كلنا
وميرسي على الكلام الجامد ده :)
مصطفى
انا سعيده اكتر بصداقتك ووجودك معانا
كل سنة وانت بالف خير يارب :)
كل عام وانتى بخير ..
مع تحياتى لك
نور
نور
وانتى بالف خير
عامك سعيد ان شاء الله :)
بداية متفائلة جدا ان شاء الله بالبوست ده اكيد
:) آمين يارب
ويشفى ريماس ويرجعها بالسلامة كلنا مفتقدينها فعلا
ربنا يكتبلك كل الخير فى السنة الجديدة يا اية
كنت مبسوطة اوى بحملة التدوين علشان عرفتنى بناس كتيييييير واكيد انتى اولهم :)
تحيتى
نسمة
يارب يا جميلة
ويارب تبقى سنة كلها خير للناس كلها
وانا سعيدة جدا انى اتعرفت عليكى بجد :)
كل عام وأنتِ بخير
نتمناها سعيدة
أحمد
يارب سنة سعيدة على كل الناس
وانت طيب وبألف خير
نورتنى :)
إرسال تعليق