انتخابات .... إسلاميين ..... إخوان ..... فردى
دين وسياسة ولا سياسة ودين
طيب احنا بنختار احزاب ولا اشخاص
وعلى مدار يومى 28 و 29 كانت تلك هى الاسئلة المتداولة فى مدينتى
وامام مقار اللجان الانتخابية احتشدت الاعداد فى حظر
والجملة التى سمعتها كثيرا " الانتخابات اللى فاتت ولعوا ف الصناديق المرة دى هيحصل ايه "
والرد كان ربنا يستر بس المرة دى فى حرية مع اننا مش فاهمين حاجة
واتدخل سريعا بدورى لاوضح ان ما خدث مسبقا لن يتكرر
فلن نشعر مجددا بان اصواتنا تسرق ولن نحتاج لاضرام النار بها يخبرونا بفعلتهم
ملحوطة ( مدينتى هى مركز بيلا محافظة كفرالشيخ ... الدائرة الوحيدة التى لم تعلن بها نتيجة انتخابات الدورة الماضية
والتى الغيت بفعل ثورة يناير وذلك لحرق أهلها صناديق الانتخاب احتجاجا على نتيجة أعلنها الحزب ف الدائرة قبل البدء الفعلى
فى فرز نتيجة الاصوات )
شعور بالفخر امام اللجان الانتخابية وثقة بان اصواتنا هى الوحيدة التى ستحسم النتيجة
ذاك الشئ الذى يبدو للوهلة الاولى على وجوه المنتخبين
ولكن كان لى بعض الملاحظات
* رغم انى لست مع الاسلاميين ف المسمى والتصنيف ورفضى لمبدى من لم يكن معنا فهو علينا
الا انى احترم تواجدهم وانهم الحزب الوحيد الذى اعتمد على الشرح والتبسيط
فانا لم اجد اى تواجد لحزب اخر مثلما وجدت تواجد " حزب النور " فلم نعرف وجوه مرشحين غيرهم
فكيف نعطى لمن لم نعلم وكان ذلك من الاسباب الرئيسية التى جعلت الكثيرين ينتخبون حزب النور
* فى مدينتى لا يتم الاختيار تبعا لحزب ولا قايمة بل تبعا لاشخاص يعرفونهم مسبقا
فاذا كان شخص ما محبوب فسوف يمنحونه اصواتهم بغض النظر عن كونه سلفي او اخوان او حتى فلول
فالاحزاب لدينا ليست معيار وهذا عن الفردى او القائمة
فاذا سألت اى فرد ينوى التصويت " هتختار حزب ايه " فسوف يجيبك بمنتهى البراءة " حزب الشيخ عبدالفتاح "
وبما انه لايهتم بالمسمى الحزبى فان الشيخ عبدالفتاح رغم كونه رقم 4 فى قائمة حزب الحرية والعدالة الا ان
الحزب خصل على نسبة اصوات لا باس بها بفضل حب الناس لهذا الرجل
* كنت انوى ان ارشح حزب الوفد ولكنى الى الان لا أعلم شئ عن قائمة الوفد عن دائرتى
لذا لم ادفع بصوتى لمن لم يهتم بإعلامى عن نفسه
* مع احترامى لكل من ادان حزبى النور والحرية والعدالة فى تواجدهم امام اللجان الانتخابية
و شرحهم لكيفية اختيار الحزب وتذكير الحضور بالرمز فمن منع باقى الاحزاب بالتواجد
وعما رايته فى مدينتى فاهم كانوا الافضل والارقى فى التعامل ولم يكن هناك اى تجاوزات منهم
دامت انتخابات مصر نزيهه ودمتم بخير
الا انى احترم تواجدهم وانهم الحزب الوحيد الذى اعتمد على الشرح والتبسيط
فانا لم اجد اى تواجد لحزب اخر مثلما وجدت تواجد " حزب النور " فلم نعرف وجوه مرشحين غيرهم
فكيف نعطى لمن لم نعلم وكان ذلك من الاسباب الرئيسية التى جعلت الكثيرين ينتخبون حزب النور
* فى مدينتى لا يتم الاختيار تبعا لحزب ولا قايمة بل تبعا لاشخاص يعرفونهم مسبقا
فاذا كان شخص ما محبوب فسوف يمنحونه اصواتهم بغض النظر عن كونه سلفي او اخوان او حتى فلول
فالاحزاب لدينا ليست معيار وهذا عن الفردى او القائمة
فاذا سألت اى فرد ينوى التصويت " هتختار حزب ايه " فسوف يجيبك بمنتهى البراءة " حزب الشيخ عبدالفتاح "
وبما انه لايهتم بالمسمى الحزبى فان الشيخ عبدالفتاح رغم كونه رقم 4 فى قائمة حزب الحرية والعدالة الا ان
الحزب خصل على نسبة اصوات لا باس بها بفضل حب الناس لهذا الرجل
* كنت انوى ان ارشح حزب الوفد ولكنى الى الان لا أعلم شئ عن قائمة الوفد عن دائرتى
لذا لم ادفع بصوتى لمن لم يهتم بإعلامى عن نفسه
* مع احترامى لكل من ادان حزبى النور والحرية والعدالة فى تواجدهم امام اللجان الانتخابية
و شرحهم لكيفية اختيار الحزب وتذكير الحضور بالرمز فمن منع باقى الاحزاب بالتواجد
وعما رايته فى مدينتى فاهم كانوا الافضل والارقى فى التعامل ولم يكن هناك اى تجاوزات منهم
دامت انتخابات مصر نزيهه ودمتم بخير
4 التعليقات:
بصي يا آية
أنا معاكي في كلامك
حزبيّ النور والحرية والعدالة هم أكتر حزبين أهتموا فعلاً أنهم يعملوا دعاية انتخابية لنفسهم
تقريباً هم الوحيدين اللي عملوا دعاية انتخابية
لأننا مسمعناش أي حاجة عن أي حزب تاني
غير كام فيديو في التليفزيون وبس
لكن دول كانوا بينزلوا الشوارع
وبيتكلموا مع الناس وكانوا بيلفّوا على البيوت كمان
يعرفوا الناس بالمرشحين
في نفس الوقت أنتي بتقولي إيـه اللي منع الأحزاب التانية انها تبقى متواجدة قدام اللجان وتتكلم مع الناس
لأن ده بكل بساطة يا مي غلط قانوناً وغير مسموح بيه ( المفروض يعني ) , ومع ذلك حزبي النور والعدالة والحرية كانوا موجودين
وفي غيرهم كمان
زي الكتلة المصرية اللي كانت بتوزع وجبات كنتاكي - موثقة بالفيديو - على المنتخبين قدام اللجان
أنتي عندك الناس بتنتخب الأحزاب بأسماء الناس
وعلشان خاطر ناس معينين هم عارفينهم
يمكن لأن الناس كلها عارفة بعض ومين حلو ومين وحش
لكن مشكلتي أن الدائرة عندي ماسكة البلد ومراكز معاها
وطبعاً واقعة حرق الصناديق الانتخابية عندكوا كانت مشهورة
أنتي بتقولي مكنش في تجاوزات من الحزبين دول عندكوا
بس احنا كان عندنا
ممكن متعبريهاش تجاوزات بس انا محبتهاش بصراحة
انا من كفر الشيخ
بس كفر الشيخ نفسها
مدرسة اللغات مثلا كان حزب الحرية والعدالة بيوزع ورقة الانتخابات بره اللجان ومتعلم قدام حزب الحرية والعدالة علامة صح
نظام تدخل الامتحان وانت معاك ورقة اجابة محلولة وتخبي ورقة الاجابة اللي هتستلمها وتسلم اللي معاك
أو تشوف وتغش
في مدرسة تانية كانت ست واقفة قدام اللجان بتسأل الستات الكبار
عايزة تنتخبي إيه ؟
تقولها حزب النور ,, تقولها علـّـمي قصاد الميزان يا حاجة
ومن ناحية تانية في اللجنة اللي انا كنت بنتخب فيها كان واحد واقف على الشباك كأنه بيغشش اللي بينتخب
بينادي على اللي واقف ويقوله اسماء مرشحي حزب النور
التجاوزات حصلت
ومش من الحزبين دول بس
زي ما قلتلك الكتلة المصرية كانت بتوزع كنتاكي وانا شفت الفيديو بعيني
وأحزاب تانية
أنا مش بعيب في حد ولا بتكلم على حد
من حق كل واحد يسعى علشان يكسب
بس في نطاق الشرعية
وربنا أعلم بالنوايا
كل واحد عارف هو نفسه في الكرسي ليه
في الآخر أحب أقولك أني بحب السلفين جداً وعلاقتي بيهم حلوة جداً
وأنا عن نفسي أنتخبت واحد في الفردي من حزب النور
يعني مش بهاجم حد
لكن بقول اللي حصل
ومن حق كل واحد يدي صوته للي هو شايفه مناسب ومش من حق حد يجبره على حد معين
علشان كده مش هتكلم معاكي في انك كنتي عايزة تنتخبي حزب الوفد
وأنا من مؤيدي تطبيق الشريعة الإسلامية في نطاق الحدود التي لا تثير الفتن الطائفية في البلاد
يعني تتطبق صح
المسلم وغير المسلم يآخد حقه
اللهم وَلِّ أمورنا خِـيارَنــا ,, ولا توَلِّ أمورنَــا شِـرارَنـا
اولا مبسوطة اننا طلعنا بلديات يا أحمد
ثانيا بقى متفقين ف ان احزاب الاسلاميين كانت قريبة جدا من الناس
ومش هنختلف ف جزئية التجاوزات بردو
لان حتى لو انا مش شفت تجاوزات فاكيد ف اماكن تانية كان فى
بس هما لو فعلا اشتغلوا صح بعد كدا وطبقوا الشريعة بس مش ياخدوا جزء ويسيبوا جزء حسب مصلحتهم أكيد حاجات كتير اوى فى مصر هتتغير للاحسن
اللهم وَلِّ بلادنا من يتقيك فينا
صباح الغاردينيا آيه
أنا مليش في الانتخابات
بس ليا في حب مصر والله بدعي من قلبي
ربنا يحفظها وتعدي ايامها العصيبه
وأفرح بيها بجد وحشتنا مصر "
؛؛
؛
ربنا يحفظها ويحميها
لروحك عبق الغاردينيا
كانت هنا
reemaas
ومصر كمان بتحبك يا ريماس
وبتحب كل العرب
بجد بنفرح اوى بدعواتكم لينا
بيسعدنى دايما وجودك يا حبيبتى
إرسال تعليق