الأحد، 14 فبراير 2016

كل حب وأنت طيب


"كل لحظات المحبين أعياد"
السنة اللى فاتت زي النهاردة كنت مجهزلى هدية تحفة 
وزي دلوقتى بالظبط كنت أنا نايمة وأنت صاحي بتجهز المفاجأة 
ولما صحيت لقيت مش نمت قولتلى كان عندك شغل وهتنام دلوقتى 
سيبتك تنام ورحت أفتح اللاب على ما أعمل النسكافية 
وكانت المفاجاة بقي اللى خلتنى اعيط من الفرحة واضربك وأنا بحضنك 
كله مع بعض يمكن ده اليوم الوحيد اللى حسيت انى مش رتبتله كويس
مع انى كنت مجهزة هدية بردو بس مش حستها حلوة زى هديتك 
مع انك فرحت بيها جدا وفضلت تضحك كتير اووووى 
بس وقتها وعدتك إن المناسبة الجاية هجيبلك هدية جامدة زي هديتك
وطبعا للأسف كل مناسباتنا مش عرفنا نحتفل بيها 
بس عارف الهدايا اللى اديتهالى رغم بساطتها إلا أنك مش هتصدق فرحتنى قد ايه
ويارب الهدايا المؤقته اللى انا اديتهالك تكون فرحتك بردو 
كل لحظة وأنت الروح والقوة والوطن



"ضعيفة أنا معك قوية بك"
الجانب الضعيف مني اللى انت بتشوفه دايما واللى انا كنت فاكرة اني مش عندي غيره
ظهر عكسه تماما في الفترة الأخيرة طلعت قوية جدا أنا :D
طبعا ولا عمرك هتصدقنى لان انا شخصيا بستغربني احيانا
بس فعلا انا بقيت قوية جدا بيك
لكن في الوقت نفسه القوة دى بترهقني
 بيكون نفسي اقعد معاك شوية علشان اخرج ضعفى 



وإني أحبّك

1 التعليقات:

Unknown يقول...

كلماتك جميله للغاية
مكتبة نيرونت