السبت، 20 أبريل 2013

قصاقيص ملونة



لما الارقام تتفق انها تكون مصحوبة بالبهجة 
يبقى انا من حقى اقول انى بحب الارقام اوووووووى 

.................

زى النهارده من سنة كانت حفلة توقيع أبجدية إبداع عفوى فى المنصورة 
واول مرة اتكلم قدام الناس واول مرة احس حاجات حلوة اوى 
كنت مع احلى صحاب فى الدنيا كنت طايرة من الفرح 
وكانت اخر حفلة توقيع حضرتها 

..................

حد الوجع مش مجرد كتاب من صفحات ورق 
هو اكتر من كدا بكتير اوى 
اول ما تبتدى تقراه هتعيشه هتحس انك جزء من المخيمات تعرف جميع الاجئين 
أب لتلك الفتاة التى كانت طائرة اسرائلية تتبع حلمها لتغتاله قبل ان تصل به 
شعرت مثلهم بالاختناق خوفا داخل الشاحنة 
وبانك لا تستطيع ان تفعل شئ فتنطق صمتا 
لذا فلتفكر معه فى العلمانية والادب الاسلامى والتدوين 
امتياز النحال ... ابدعتى فأجدتى فأمتعتينى 

.............................

لبنى هتنزل كتاب الكترونى 
ولما لبنى تعمل كتاب يعنى فرحة الدنيا بالنسبالى 
كنت مستنيه الكتاب ده من زمان اووووى وبمنتهى الصراحة 
كنت شايفه ان لو لبنى معملتش كتاب يبقى مفيش حد يستاهل يعمل 
عن / إلى 
الحلم لا يؤلم 
لـ الرائعة لبنى أحمد نور 
بكرة 
كتاب يستاهل نستنى بكرة يجى بسرعه علشانه 

......................

صديقاتى العزيزات فى حد اتهمنى على آسك انى بقيت باردة معاكم 
هو فى حد منكم زعلان منى ولا حاجة 
اللى زعلانة تقول عادى على فكرة يمكن انا مش واخدة بالى 
طيب انتوا شايفين ان كتابى غيرنى ؟ على اساس انى مشهورة يعنى " اشتغاله دى اساسا "
المهم يعنى اللى زعلانة تقولى انا اهو وانا هتصل بيها على طول 
هو انا عندى اغلى منكم يعنى (( ضحكات شريرة متقطعة ))

...................

فى ناس سألتنى عن منتدى ركز او نجوم اف ام كما احب انه اناديه 
وناس سالتنى عن ازاى يبقى دكتور ميدو صاحب المنتدى اللى فضلتى فيه 6 سنين
وفى نفس ذات الوقت بتقولى انك ارتبطتى بيه عن طريق بلوجر
احب اقول انى هبقى احكلكم الحكاية دى كاملة بكل تفاصلها وبالاسماء والتواريخ 
ان شاء الله قريب كى يخلدها التاريخ ويشهد المجتمع والناس 
مع ان فى شخصية شرير جوايا بتقولكم وانتوا مالكم اساسا يعنى :P

....................

مساءكم سعادة و حب و تهييس
مساءكم ملون بالفرحة 



10 التعليقات:

Alone Spirit يقول...

طلع الشرير اللي جواك ولا يهمك :D

aya mohamed يقول...

هههههههههه
انت رايك كدا يعنى
لا نقول وخلاص :))))

ابراهيم رزق يقول...

اكثر حاجه مش بحفظها التواريخ و الارقام مع انى خريج تجارة

اما الشخصية الشريرة اللى جواكى فانا مع رايها و اضيف انتوا مال اهلكم

تحياتى

Lobna Ahmed Nour يقول...

مش علشان اسمي مكتوب
لكن علشان روحك الحلوة اللي بتبان في حروفك
دومي يا آية :)

reemaas يقول...

ايون انا زعلانة منك الحقيقة علشان فجأة لقيتك شلتينى من اصحاب الفيس الزعل هنا مش علشان شيلتينى احنا كده كده اصحاب هنا :)
بس علشان ماعرفتش ليه

موضوع حدوتة الدكتور ميدو منتظراها جداااااااا

aya mohamed يقول...

ابراهيم رزق

انا الارقام والتواريخ مأساة حياتى بقى
وسعيدة جدا على تحريضك الشرير لشخصيتى الشريرة :D

aya mohamed يقول...

لبنى

حبيبتى ربنا يخليكى يارب
انتِ اللى قلبك حلو اصلا <3

aya mohamed يقول...

ريماس

انا مش بحذف حد واى بنوته بتبعتلى ركوست بقبله
بس انا مش فاكرة ان كنتى عندى والله
هحاول اجيب الاكونت بتاعك واضيفك ان شاء الله
لو انتى ممكن تبعتيلى تانى
ومش تزعلى بجد والله انا مستغربة جدا اصلا
ده انا تشرفنى صداقتك و تنورى الفيس كله <3

Amira Ramadan يقول...

هههههههههههههههههههه
اه يا شريرة
بس أحلى شريرة فى الدنيا بقى *_^

aya mohamed يقول...

اميرة

انتى اللى اطيب بنوته فى الدنيا :)
تسلميلى يا حبيبتى