السبت، 25 فبراير 2012

يا نساء المؤمنين



اوقات وانت ماشى بالصدفة كدا تلاقى موضوع
يثير كلام كتير اوى جواك وتبقى عايز تعلى صوتك وتصرخ
وتشرح كلام كتير وتوضح حاجات ممكن تكون عادية وكلنا عارفينها
بس فجاة بتقول لا لسه فى ناس مش عارفة لسه فى ناس بتجادل فى غير الحق
لسه فى نقط مش باينه وده اللى لقيته فى موضوع دينا نبيل
لحد ما تتأكد ان الست مش جزمة

يمكن انا عملت كومنت طويل بس حسيت ان مش كفايا
حسيت انى عايزة انزل الشارع واوقف كل بنت واقولها
استنى اسمعى ربنا بيكلمك وبيقولك ايه
" يا ايها النبى قل لازواجك وبناتك ونساء المؤمنين
يدنين عليهن من جلابيبهن ذلك ادنى ان يعرفن فلا يؤذين "
" وقل للمؤمنات يغضضن من ابصارهن ويحفظن فروحهن
ولا يبدين زينتهن الا ما ظهر منها وليضربن بخمورهن على جيوبهن "
" ولا يخضعن بالقول فيطع الذى فى قلبه مرض وقلنا قولا معروفا "
لازم تفهمى ربنا بيصونك وبيكرمك وانتى بتعملى ف نفسك ايه
لازم تتاكدى ان لما تحفظى ربنا ف نفسك ربنا هيحفظك من كل الخلق
اه هما غلطانين علشان تربيتهم لاولدهم غلط وغلطانين علشان سمحوا بانتشار الفواحش
بس لازم تواجهى علشان تستاهلى تتصانى

و اللى يقولك فى اوربا وامريكا بيلبسوا مايوهات وعادى
ردى قوليلهم كفايا ان ربنا ندانى وقال يا نساء المؤمنين
واللى يقولك شعرك جميل تداريه ليه
قوليلهم ما عند  الله هو خير وابقى
واللى يقولك طيب ماله الحجاب على البنطلون وشوية اكسوارات كدا
قوليلهم ربنا قالى ولا تبرجن تبرج الجاهلية الاولى
اه مكنش ايام الجاهلية الاولى بنطلونات واكسوارات والوان فاقعه
بس كان عندهم تبرج وعطور و تعددت الاساليب والتبرج واحد ولا اييييييه
واللى تقولك ما انا محجبه اهو بس بلبس اللى عيزاه الحجاب مش بيتعارض من اااااى استايل
قوليلهم انا استايلى الاحتشام علشان ربنا بيغير عليا
واللى يقولك بلاش تعقيد ما كل الناس كدا
قوليلهم النبى عليه افضل الصلاة والسلام قال
" يأتى على الناس زمان القابض على دينه كالقابض على الجمر "

طبعا اللى هيقرا البوست هيقولى انتى بتقولى اتحجبوا والمنطقى انى اقول لا انا مش قاصدى الحجاب
علشان محدش يزعل منى يعنى وكدا
لا بقى انا قصدى الحجاب والمحتشم كمان علشان ربنا مش هيأمرنا بحاجة تزعل
ربنا بيغير علينا وخايف علينا ومنزلنا دستور يحمينا
وانا بنطلب من شوية بشر يضيفولنا قانون يحمينا من التحرش
طيب ده عقل يعنى بذمتكم

عارفه لما تبقى بنت محتشمة وتتجوزى وربنا يكرمك بولاد
ويشوفوكم دايما محتشمة ومحافظة على دينك
هيطلعوا زيك هتجيبلنا جيل من الشباب المحترم الغيور على دينه
اللى عمره ما يفكر يلمس بنت او يبصلها نظرة مش كويسة
هتبقى انتى السبب فى صلاح الامة
شفتى بقى ان ربنا بيكرمك ليه
شفتى انك جامدة جدا بعلمك ودينك واخلاقك
شفتى تقدرى تعملى اللى متقدرش قوانين العالم تعمله

الصورة للسيدة مريم العذراء كما رسموها
علشان بس اقول ان الاحتشام ملوش دين
لما المسيحيين صوروا السيدة مريم فى طهرها و عظمتها
رسموها محجبة محتشمة
لسه بتفكروا هو اصلا الموضوع لسه فيه جدال

مسلمة كانت ام مسيحيه فما من دين عارض الاحتشام

14 التعليقات:

ليلى الصباحى.. lolocat يقول...

السلام عليكم

جزااااااااااااااك الله خيرا وبارك فيك ورزقك نعمة الحياء والعفة اختى الحبيبة
بوست رائع جدا

تحياتى وتقديرى

مصطفى سيف الدين يقول...

البوست جميل جدا يا آية
اغلب اللي بيحصلنا سببه حاجة مهمة جدا اننا بقينا فريقين
فريق مؤمن بالظاهر غير ذلك في الباطن (مرائي و الرياء شرك اصغر)
و فريق مؤمن بالباطن و الظاهر لا يعكس سريرته (ده عاصي و يجب عليه التوبة)
الفريق الثالث الذي يندر وجوده في ذلك الزمن هو المؤمن الحق الذي هو كل لمحاته و احواله ذكر للمولى عز وجل في سريرته و علنيته
حتى نصبح من هذه الفرقة سنرى السلبيات العديدة و الكثيرة في مجتمعنا

جزاكي الله خيرا يا آية

بنت مهيسة اخر حاجة يقول...

بجد رائع
وبجد لو كلنا تفكرنا في ده هنحس ان الحجاب في حد ذاته نعمة من ربنا لينا
وهنحس قد ايه ربنا بيحبنا وبيخاف علينا

جزاكي الله خيرا
ربنا يجعله في ميزان حسناتك
:)

د/دودى يقول...

طبعا كلامك صح بس انا بتكلم فى نقطه عمليه و قانونيه بتغليظ العقوبه على المتحرش للردع

nesma hatem يقول...

كفاية الراحة النفسية بجد
وكفاية أنها هتمشى وهي متأكدة أنها مش هى السبب فى أى واحد مريض نفسيا بيعاكس وخلاص
الأحترام شكله حلو جدا بس للأسف المفهوم ده لسه مبقاش منتشر بشكل يقنع الناس كلها
:)

أع ـقل مـ ج ـنـونــة يقول...

قولتي كلام ممتاز بطريقة ممتازة بجد يا آية
احنا بقينا بنجادل في حاجات ملهاش اي ستين لازمة اصلا

ومعني اننا بنقول الاحتشام ودا الافضل ودا اللي هيصون و و و
مش معناه برده ان في حيوانات ممكن تهين حتي المحتشمة بالنظر كان او الكلام !!!

بس زي ماقولت حيوانااااات

لكن لا يمنع دلوقتي ان لو فكرنا صح في ديننا وقيمنا كمان .. هنصلح نفسنا قبل مانكون قادرين علي خلق جيل جديد يقدر يشيل مسئولية صلاح البلد دي :)

تحياتي ليكي ياقمر

aya mohamed يقول...

ليلى الصباحى

جزانا وإياكى اللهم آمين يارب
أحببت هذا البوست لوجودك به
دمتى بكل خير :)

aya mohamed يقول...

مصطفى

بالظبط يا مصطفى
يصبح الرجل مؤمن ويمسى كافرا
ويمسى مؤمنا ويصبح كافرا
مصداقا لقول رسول الله
عليه افضل الصلاة والسلام
جزانا واياك وثبت قلوبنا على دينه اللهم آمين يارب العالمين

aya mohamed يقول...

بنت مهيسة اخر حاجة

ربنا يكرمنا كلنا يارب
ويهدى كل البنات لمعرفة فضل الحجاب
فما فرض الله علينا امرا الا وكان خيرا
كثيرا وان كانوا لا يعوا حكمته
اسعدنى وجودك دمتى بخير

aya mohamed يقول...

دينا

انا معاكى طبعا ان فى كمان خطا مجتمعى
بس احنا فى ادينا نص العلاج بس بنغفله
ربنا يهدى كل البنات يارب
ويبدوا بانفسهم

aya mohamed يقول...

نسمة

مهو انا مش فاهمة يقتنعوا بايه
المفروض اقتناعنا بان ربنا موجود
واننا بنصلى ونصوم طاعة لله وبنلجئ لكتاب الله وللدعاء ف الكرب
يبقى مقتنعين ان كل ما امرنا الله به
واجب الطاعة وبه الخير الكثير
ربنا يبارك فيكى يا جميلة :)

aya mohamed يقول...

ريمو

هو فعلا معاكى حق
احنا لو كل واحد ابتدى بنفسه
ان شاء الله حالنا هيتصلح
لو بطلنا نلقى التهم ونعلق الاسباب
على اى حد بعيد عننا ونقول مهى
المحجبه بتتعرض لكده هى كمان
مهى المحجبه بتتعرض لكدا علشان الشباب
اللى شاف بنت مش محتشمة حركت شهوته
لكن اللى وقعت تحت ايديه محتشمه
مش هتفرق معاه المهم انها بنت والسلام
علشان كدا بقول اننا بنحمى بعض
وبنحمى المجتمع كله لما كلنا
نلتزم ونحتشم

نورتينى يا جميلة :)

عاشق الصداقه يقول...

جزاكِ الله كل الخير

تدوينه مميزة بحق أهنئك عليها أختى الفاضلة

هناك فقط أخطاء بسيطه فى بعض الايات ،، ولكن يجب تعديلها بالطبع وأنصح ان تنسخى اى ايات تكتبينها من موقع موثوق .. لا أن تكتبيها من حفظك لأننا نقع احيانا فى اخطاء املائيه او بسبب لوحة المفاتيح

تذكرت حين قرأت تدوينتك موضوع قديم لى كتبته بعنوان (دين النساء .. ديانة جديده برعاية آمنه ودود) :

http://forums.yallagroup.net/32226

بالطبع قد كتبته فى سياق مختلف وكان مرتبطاً بحدث بعينه أردت منه التوضيح لنساء المؤمنين كيف يريدونهم وكيف يستخدمون كلمة (حقوق المرأه والمساواه) حتى يجعلوا المرأه تثور على دينها وأوامر ربها وربما يوصلونها لبراءة الدين عنها كليةً

فالله نسأل ان يثبت نساء المؤمنين على الحق وأن يهدينا جميعاً الى ما يحب ويرضى

أهنئكِ لكتابتك التدوينة الجميله
وبارك الله فيكِ وجزاكِ كل الخير

rona ali يقول...

الكلام كله رائع طبعا

انى لما اكون محتشمه اكيد هطلع جيل متدين وعنده علم وربنا قدامه
بس الاجيال دولوقتى مبقتش تتاثر غير برايها وبس

بس لازم برضوا يكون في حق لاي بنت مهما كانت لابسه انها تمشي متصانه في الشارع
من غير تحرش واعتداء عليها

ولان حاليآ للاسف مبقتش تفرق محتشمه ولا لاء بقي الاتنين بيحصل معاهم كله حاليآ قدره علي عدم التمييز
وانا شايفه الموضوع مش هيتحل غير بالردع ثم الاخلاق والتحشم
انما وراد جدآ الام والاب كويسين ومتدينين وتربيتهم كويسه ويطلع الواد طاقق
بس علي كلآ في النهايه
كلامك صح اوى ولازم نبطل نجادل في الحق :)