الثلاثاء، 14 فبراير 2012

هوامش



جوايا كلام كتير اوى ..اوى
لدرجة انى مش عارفة اكتب ولا كلمة
_______________

- هو انتى مبتعرفيش تفرحى
- مهو طول ما انتوا مركزين فـ فرحتى عمرها ما هـتيجى كاملة

________________

- بطلى منبهات وانتى هتعرفى تنامى
- انا بطلت من فترة على فكرة يمكن هو ده اللى مش مخلينى انام خالص
________________

عايزة اتجوز واحد محتاجلى
مش واحد عايز يكمل ديكور حياته
________________

هو انتوا مش حاسين ان كل كلامكم بقى بيجرحنى !!!

________________

مش معنى انى كتبت من فيض إحساسه وأحبك يبقى عايشة قصة حب
ومش لازم علشان كتبت رسائل حب منسيه ابقى مجروحة
ولا علشان قلت يريدها وجف نهر الحب ابقى تجوزت وجربت
مجرد مشاعر طلعت بكلام بالشكل ده اكيد حساها علشان كدا كتبتها
بس مش شرط تبقى تجاربى
________________

ذكريات للبيع - ضوء أسود - بنكهة مصر
ثلاث مجموعات قصصيه صادرة عن دار ليلى ضمن مشروع النشر لمن يستحق
المشترك بين الثلاث جمال الاسلوب وتميزه
وان كنت قرات " ذكريات للبيع " دون ترتيب وانما تبعا لعناوين القصص
فوجدتنى اقرا اكتر من مرة قصص بعينها حتى انتهيت من المجموعة
محمد فاروق الشاذلى انت راااااااائع
اما " ضوء أسود " فقد قراتها من الخلف حتى الامام
وهى عادتى عندما احب الاستمتاع بما اقرا
ستجد ان ضوء اسود هى الاولى تبعا لترتيب المجموعة
والتعريف بالكاتب فى النهاية ولانى أجد تعريف مصطفى سيف لنفسه
تعريفا جذاب للغاية من ان قراته على المدونة فأحببت ان ابدا منه حتى ضوء اسود
و لنكهة شيرين سامى واقعية حالمة ففى كل القصص
ستجد " نكهة مصر " نكهة وطن تتذوقه مع كل قصة تقرأها
بدايات شبابية موفقة اسعدتنى كثيرا بالتوفيق الدائم

________________

كل ما حد يقولى انتى تستاهلى حد احسن بفتكرك على طول
من يوم ما قلتلى كدا وكل الناس بتقولى نفس الجملة
نفسى بش اعرف الحد الاحسن ده مواصفاته ايه ؟!!
_________________

انا مش زعلانة الحمد لله وراضية ومقتنعه وعندى لكل حاجة تفسير
والتفسير ان ربنا ليه حكمة فى كل حاجة وبيكتبلنا الخير
" اللهم أغفر لقومى فإنهم لا يعلمون "
_________________

- انتى مبسوطة فى شغلك ده
- اه الحمد لله هما الحاجة الوحيدة فى الدنيا اللى حقيقية
حبهم ليا بكل الدنيا ده مش شغل دى نعمة الحمد لله عليها
________________

- حساسة بزيادة مش واخدة بالك
-  ملونون بما نمتهن
ايوة على فكرة كل واحد بيبقى شبه مهنته
علشان كدا عندى قناعات خاصة يمكن مش وقتها
بس مستنيين ايه من واحدة طول اليوم بتتعامل مع الاطفال غير انها تبقى طفلة

_________________

بقالى فترة مش بزور اى مدونة ومش بدخل نت كتير
شوية ظروف مع ان جهازى بيرخم اوقات كتير
هحاول ان شاء الله ادخل عند كل الناس اليومين الجايين

___________________

سر الحياة لو تعرفي يا حبيبتي سر الحياة نبض الحياة أنا وأنت
البحر موج عطشان للرقص و المغنى
مشتاق بقاله زمان يقول ويسمعنا
مش كل شئ بيفوت في عمرنا بيجرح قلب الحياة مليان حاجات و بتفرح
نفتح بيبان الروح من تاني على الآخر
ندخل في قلبه بشوق ما يكونش له آخر
فساتين السما ألوان بتطفي و تنور
وأنا وأنت كلمة حب جوانا بتغير
مش كل شئ بيفوت في عمرنا بيجرح قلب الحياة مليان حاجات و بتفرح
قلب الحياة جواه بنورة مسحورة
قلب الحياة مليان أحلام صغيورة
مش كل شئ بيفوت في عمرنا بيجرح قلب الحياة مليان حاجات و بتفرح
محمد منير ... سر الحياة

12 التعليقات:

مصطفى سيف الدين يقول...

يا رب جهازك يبطل يرخم عليكي علشان تمتعينا دايما بالهوامش و الخواطر والكبسولات المركزة الروعة
اتمنى يكون استمتعتي فعلا بقراءة ضوء اسود وانه يكون نال اعجابك
مفيش داعي اقولك اني سعدت بلقائك و فرحت لما شفتك في حفل التوقيع لان ده مش محتاج اقوله
ربنا يسعدك و يهنيكي دايما

Unknown يقول...

ان شاء الله الظروف دي تخلص ونشوفك علي طول
وربنا يريح بالك ويوفقك وتعرفي تنامي كويس
واغنية محمد منير دي جامدة مع ان اغنيه كلها بالنسبه ليا جامدة
تحياتي

تَرَآَنِيْل ♥ ~ يقول...

دآئمآ مآ تكون هنآك هوآمش
ولكن هوآمشك غير أى هوآمش
هوآمش بقيمه سطور طويله

ربى يوفقك دومآ ويسعدك بحيآتك

nesma hatem يقول...

عايزة اتجوز واحد محتاجلى
مش واحد عايز يكمل ديكور حياته
ـــــ

كل ما حد يقولى انتى تستاهلى حد احسن بفتكرك على طول
من يوم ما قلتلى كدا وكل الناس بتقولى نفس الجملة
نفسى بش اعرف الحد الاحسن ده مواصفاته ايه ؟!!
ـــــــــــــ
مش معنى انى كتبت من فيض إحساسه وأحبك يبقى عايشة قصة حب
ومش لازم علشان كتبت رسائل حب منسيه ابقى مجروحة
ولا علشان قلت يريدها وجف نهر الحب ابقى تجوزت وجربت
مجرد مشاعر طلعت بكلام بالشكل ده اكيد حساها علشان كدا كتبتها
بس مش شرط تبقى تجاربى

مبسوطة أنا بالهوامش شبه حجات كتير اوى جوايا :) وأكتر بمنير الأغنية دى حلوة أوى

مش كل شئ بيفوت في عمرنا بيجرح قلب الحياة مليان حاجات و بتفرح
يارب يكون كده فعلا

:)

aya mohamed يقول...

مصطفى

ربنا يخليك يا مصطفى
واكيد ضوء اسود عجبنى جدااا اسلوبك جميل وبيشدنى وبردو مش محتاج اقولك انى كنت سعيدة جدا انى كنت موجودة
وفرحنى جدا توقيعك
عقبال المرة الجاية ان شاء الله :)

aya mohamed يقول...

محمد

طبعا محمد منير كل اغانيه جامدة جدا
وربنا يارب يريح بالنا كلنا ويوفقنا
يارب دايما تكون بخير

aya mohamed يقول...

تَرَآَنِيْل ♥ ~

انها هوامش حياة اختزلتها فى سطور
ربنا يسعدك يارب

aya mohamed يقول...

نسمة

مبسوطة انا بيكى اكتر
والاغنية بتدى امل وتفائل
وان شاء الله يارب دايما كل ايامك فرح

غير معرف يقول...

مساء الورد آيه

لأول مرة أدخل مدونتك من نافذة الرائعة ريماس فوجدت ادب وفكر جميل يستحق المتابعة والقراءة ....

تحياتي وإحترامي

;كارولين فاروق يقول...

صباح الخير يا آيه
استمتعت جدا بقرأتي لكلماتك
ولاحظت انك زي انا بقرأ الكتب من الاخر
للأول
وكمان بتحبي منير وانا كذلك
وحساسه زي تماما
تكونيش اختي وانا مش واخده بالي هههههه
لا تجهدي تفكيرك ابدا في كلام الاخريين
ولا رأيهم فيك
وكوني نفسك
ولا تبحثي عن الجيد فالجيد قادم
ولكن الاناء المنظور لا يغلي
تحياتي الرقيقه

aya mohamed يقول...

ريبال بيهس

اسعدتنى زيارتك جدا
وفى انتظار زياراتك القادمة
دمت بخير :)

aya mohamed يقول...

كارولين فاروق

فرحنى جدا الكومنت بتاعك جدا يا قمر
اختك كدا كتير عليا اوى بصراحة
انتى وهبة احلى اختين فى البلوجر
وبحبكم جدا ربنا يسعدكم يارب
ميرسى على كلامك الرقيق ده
اسعدتينى :)