الخميس، 29 ديسمبر 2011

خارج النص



قد يكون بى شئ ما لا أعرف
وقد أكون حزينة للغاية حقا كما يقولون وان كنت لا أشعر بذلك
لكن أختفاء صوتى غريب للغاية
فبمجرد إستيقاظى وتفوهى بـ بسم الله الرحمن الرحيم ولم أجد صوتى كعادته
أخذت بتحسس حنجرتى وكأنى أسئلها ما بك وكانت الاجابة المقنعه ربما أصبت بالبرد
لكن كل من تحدث معى فى العمل أصر انى حزينة فأضحك وانا اردد انا بخير ما من شئ يحزننى
وبعد الكثير من المشروبات الساخنة التى تناولتها على مدار اليوم ولم يتحسن صوتى
مع عدم ظهور اى اعراض للانفلونزا فقد بدأت أقتنع بنظرية اختفاء الصوت نتيجة الحزن
رغم انى لست بحزينة وان كنت ايضا لا اشعر بسعادة
" نداء الى صوتى اما ان تعود كما كنت والا فلتخبرنى سبب تمردك على "

.................................

صاحبتى : صوتك مخنوق انتى عايزة تعيطى ؟
ماما : لو عيطتى هترتاحى

بما ان دموعى سريعة جدا ومش بقدر اتحكم ف نفسى فاكيد لو كنت زعلانة هعيط
بس انا فعلا مش زعلانة ومش فاهمة ليه مش قادرين تصدقوا
وعلشان اريحكم فضلت ادور على اسباب ممكن تكون زعلتنى وانا مش واخده بالى
مش لقيت بردو مش عارفة المشكلة فين طيب
بس انا كويسة صدقوووونى

.................................

أريد ان اجدد جميع خلايا عقلى
أن اوقف ذهنى عن التفكير وأقنعه ان ما كان قد كان
وان لا علاقة بين ما كان وما سيكون
فأطيل السجود وأكثر الدعاء
وأنام كثيراااااا

..................................

بتسمعى مزيكا ولا بترسمى
ولا ابتديتى تحلمى
وقررتى فجأة
تتمردى على الرتابة
لو كنتى راجعة تكتبى
بإحساسك المليان دفا
أرجوكى
اوعى تبطلى كتابة

لـ على سلامة

.........................................

انتهى كوب النسكافيه كما انتهت فيروز من سؤاله " كيفك انت "
وانتهيت من خروجى عن النص
شاعرة براحة وبأنى أفضل بكثير من بداية كتابتى لهذه التدوينة

تصبحون على احلام محققة


8 التعليقات:

Lobna Ahmed Nour يقول...

عارفة إنك بتقلقيني عليكي؟ :\

ربنا يحقق لك أحلامك

Unknown يقول...

طب الحمد لله انك طمنتينا عليك في الاخر
يارب احلامنا كلها تتحقق

تحياتي محمد عامر

nesma hatem يقول...

أريد ان اجدد جميع خلايا عقلى

أن اوقف ذهنى عن التفكير وأقنعه ان ما كان قد كان

وان لا علاقة بين ما كان وما سيكون

فأطيل السجود وأكثر الدعاء

وأنام كثيراااااا
:)ربنا يسعدك دايما يا اية

aya mohamed يقول...

لبنى

عارفة ان قلقك ده هو اللى خلانى دمعت ؟
انا كويسه بجد مش تقلقى
والحمد لله النهارده صوتى احسن من امبارح
ربنا يحقق احلامنا كلنا يارب

aya mohamed يقول...

محمد

الحمد لله على كل حال
ربنا يحققك كل احلامك يارب

aya mohamed يقول...

نسمة

ميرسي يا جميلة
ربنا يكتبلك الخير
:)ويحققلك كل اللى بتتمنيه

مصطفى سيف الدين يقول...

آية
يا رب تكوني بخير وربنا يسعدك ويهنيكي ويبعد عنك اي ضيق

aya mohamed يقول...

مصطفى

ربنا يخليك يارب الحمد لله بخير
ربنا يسعدك دايما يارب