Tuesday, May 3, 2011

رتوش

فى كل حكاية رتوش يمكن قاصدنها يمكن مفروضة علينا 
وفى الحالتين لازم نقبلها لان رتوش الدنيا مبينفعش نمسحها
 حياتنا لوحة واحنا بنرسمها مش بنكون عارفين هتطلع شكلها ايه فى الاخر
بس مفيش حد بيبقى قاصد يرسم لوحة وحشة 
لكن بنخرج فى لوحتنا كل الحاجات اللى جوانا وبنلونها باحلامنا ونعملها اطار او منعملش 
كل واحد بيرسم لوحته زى ما هو عايز ووقت ما نلاقى رتوش مش عجبانا نقول حد جه لعب فى اللوحة 
والعبرة ان متسيبش الرتوش تشوه اللوحة لا حاول تصلحها وتدخلها فى الرسمة وتطلع حاجة احلى 
وكل ما حد بيشوف لوحتك ويحكم عليها اتاكد انه بيحكم بناء عن اللى جواه هو مش اللى جواك انت 
انت لوحدك اللى كنت حاسس بترسم اللوحة ازاى فمش تشغل بالك هما شايفينها ازاى 
كل واحد وليه لوحته لو قادرين يخلوا لوحتهم احلى مش هيشغلهم لوحتك ايه 

قدريون نحن بالفطرة ولكننا لا نعى ذلك 
لا احد ياتى الى حياتك الا لحكمة آلهية ما 
لذلك كلما دخل شخص الى حياتى بحثت عن الحكمة القدرية لى معه
وكلما خرج شخص ادركت ان مهمته القدرية انتهت 
وعندما تبحث فى حياتك ستجد ان كل الشخصيات التى مررت بها تعلمت منها 
او منحتك شئ ما او احساس ما سواء ايجابى او سلبى لكن كان لشئ ما ان حدث 

مفيش حد بيشوف نفسه غلط زى مهو مفيش حد ممكن يوصل للكمال 
طيب ما احنا لو قلنا اننا مش كاملين يبقى احنا بنغلط ليه دايما مش معترفين اننا من حقنا نغلط
او يعنى بنحب نعترف ان اى حد تانى غلط لكن احنا لا 
الحكمة مش فى انك طول الوقت حاسس انك صح لا انك تغلط وتبقى حاسس من جواك انك غلطت 
لان فى ناس كتير اوى بتغلط كتير اوى وعلشان شايفه نفسها صح وباقى الناس هى اللى بتغلط بس 
بتفضل تغلط طول عمرها الصح اننا وقت ما نغلط نقف بصوت عالى قدام نفسنا ونقولها احنا غلط

فى بعض الوقت نحتاج الى من يربت على اكتافنا ويخبرنا ان كل شئ بخير رغم كل ما يحدث 
وفى احيان اكثر نحتاج الى من ينحرنا ويخبرنا ان شئ ما كان ان يحدث 
وبين هذا وذاك نضيف رتوش للحكايا عندما نشعر بان ما سنلاقيه عكس ما نتمناه 
عندما ينتابنا شعور بالفرح لا نريد من احد ان يوقظنا بانه شعور وقتى فنضع بعض الرتوش لنزيد من عمره 
وحينما يسيطر علينا الحزن نضع بعض رتوش السعادة حتى لا يبدو اننا فى حاجة لاحد 
وبين هذا وذاك لا احد يعلم ما وراء رتوش دواخلنا سوانا ولا احد تألم تلك الرتوش ايذا سوانا 

الايام دى بحب كتير الكلام اللى موجه للبنت يمكن احساس انى عايزة حد يقولى كلام زى كدا
مش غرور ولا فراغ عاطفى ولا حاجة اكتر من ان فى كلام جامد اوى مقتنعه ان مفيش حد بيحب حد كدا
زى بالظبط ما كل اللى قراوا كلامى قالوا هو فى حد بيحب حد للدرجة دى 
يمكن انا مش بكتب حاجات الا لو حساها وحصلت فعلا وزى ما كل واحد قرا كلامى وقال يا بخته 
فانا بردو كل ما بقرا كلام بقول يا بختها :D وخاصتا بقى كتاب ليتها تقرا نفسى حد يجيبهولى هدية ويكتبلى عليه اهداء 
اساسا اول ما قراته قلت يااااااه لو كان اللى خالد الباتلى كتبهولى انامش علشان انا كدا علشان بيحبها اوى وكان نفسى حد يحبنى كدا

قالت لى : احلم بان افتح باب بيتك معك 
فاجبتها : واحلم بان افتح بيتى فالقاك 


عندما هاتفته لاول مره..
قالت له: هذي انا..
هو لايعرف رقمها.. ورقمه يسكن
عالمها منذ حين
عندما اضاء نور شاشة جواله
برقمها..
ادرك قبل ان تنطق انها هي..
عصر المعجزات عاد مع..رقمها!!
كل شيء كان يحلم به..
الا انه يصل لذاك المكان..
ما ان وصل ..
حتى اكتشف..
ان المستحيل لا يقهرة الا هي..!

سامحنى يا الله احبها اكثر مما يجب واقل ما تستحق 

الكل يشعر انها كل شئ وهى تؤمن انها لا شئ 
ليتها تؤمن ان لا شئ منها بكل شئ من غيرها 

منذ احبها وهو يستحى ان يطلب من الله اى شئ


اخر الرتوش فى البوست ده
اللهم انى قد استودعتك ما فى قلبى ولا املك الا حسن الظن بك ووحدك تكفينى .....


0 التعليقات: