سبتمبر كان فيه حاجات كتير حلوة الحمد لله
الطبعة الثانية من سكوتا
مشروع محمد اللى بقالنا سنتين بنجهز فيه "كبسولة"
خروجاتنا أنا ومحمد والأفلام والاحتفالات اللى من غير مناسبة.
بعدين جه أكتوبر اللى بدأ بتعب واجهاد ودكاتره وتحاليل ومليون حاجة غريبة
بس في الوقت نفسه تفائل ورضا وراحة غريبة لكل حاجة بتحصل
ردود الفعل اللى بتوصلني عن سكوتا رائعة بفرح بيها جدا
ومع كل حد بيقولى على اكتر قصة عجبته برجع اقراها تانى وببقي فخورة بيا
الجميل في سكوتا ان مفيش قصة حد قالي مش حلوة
لما بجمع كل الآراء بلاقي أن كل واحد ليه قصة معية شدته وده حلو جدا طبعا
فخورة بـ سكوتا جداااا
من المبهجات في الفترة الأخيرة وصف رشا وفراشة رحاب ورأي بشرى ودعوات مستخدمي خمسات.
القهوة في وسط البلد والأيس كريم في بتنا والسفر مع محمد عند ماما
المحبس في ايدي اليمين والفساتين والنسكافية مع صوت أنغام
وصوت اليمامة الصبح والكروان المغرب وسورة يوسف مع الفجر
حاجات بسيطة بس بتبسطنى وبتفصلني عن الدنيا هي دى الحاجات اللى بتخليني قادرة أكمل بنفس الروح
ناوية الفترة الجاية استغل الظروف اللى هبقي فيها اني اظبط حياتي تانى
أعمل رياضة زى الأول وارجع للنظام الصحي في الأكل اتعلم لغة تانى واكمل الكورسات بتاعتي
واحاول بأي شكل أنظم وقتي وارجع أكتب تانى.
أيا كان ما يحدث لك... لا تقع في اليأس..
حتى لو أغلقت جميع الأبواب...
سيظهر لك طريق سرى لا يعرفه أحد.
شمس التبريزي
3 التعليقات:
تقصدي ان شهر ميلادي كان وحش عليكي اهئ
الف سلامه عليكى اولا انا زعلانه لانى حقيقي بحبك وبحب اكون جنبك حتي لو بالصوت مش بالتواجد الحقيقي
فحقيقي مضايقه من نفسي
بس انا هحاول اعوض دة بأمر الله ^_^
حبيبتي يا روني
انا لو عارفة انك جاية هنا كنت غيرت كل البوست :D
تسلمى ليا ياحبي :* ♡♥
إرسال تعليق