Tuesday, October 29, 2013

يوم من عمرنا




النهاردة عيد ميلادى بقاله سنين كتير اوى بيجى فى نفس اليوم 
وبيحصل فيه دايما حاجات مميزة عادى يعنى 
بس اول مرة فى حياتى يعدى عليا يوم زى النهاردة 
من اول فرحة انك جاي تاخدنى من المدرسة وهلبس ايه و شكلى هيكون ازاى 
اصل يعنى دى اول مرة نمشى سوا كدا من يوم ما اتخطبنا اللى هو من سنة ونص 
فالموضوع كان مش عادى اطلاقا 
لحد ما اخدتنى اختار التورته بتاعتى فى الاول كنت مخضوضه كدا ومستغربه 
لحد ما رحنا نشترى عروسة يااااااااااااااه احساس مش ممكن اوصفه 
بس لاقيت عينى دمعت من الفرحة وانا مش مستوعبه اول مرة فى حياتى اشترى لعب لنفسى
وكمان العروسة اللى بحبها ولابسه فستان موف وفراشة ملونة كم انت جميل يا حبيبى :)))
واهم حاجة بقى واحنا بنحجز الاستديو ليوم الفرح ان شاء الله كنت طايرة من الفرحة بجد 
كان احلى يوم فى حياتى علشان كل تفاصيله معاك و بيك 
علشان حسيت انك كل حاجة ليا فى الدنيا وانت بتطبطب عليا وانت بتضحكنى 
حتى واحنا بنلعب ريست وبكسبك :P
ربنا يخليك ليا يا حبيبى وكل سنة وانت بتحبنى اكتر

6 التعليقات:

ابراهيم رزق said...

على راى احمد موسى

ههههههاححح

كل سنة و انتى طيبة و السنة الجاية تكونى فى بيت الزوجية سعداءءءءءءء قوى قوى قوى
و تكبرى خط المدونة شوية عشان الناس اللى نظرها ضعيف زى حالاتى

Aya Mohamed said...

وانت طيب وبالف خير يارب
هحاول اكبره حاضر ان شاء الله :)))

مروه زهران said...

كل سنة وانتِ جميلة ودايما مع اللى بتحبيهم وتكمل فرحتك بفرحك يارب قريب

Aya Mohamed said...

مروة

وانتى اجمل يا حبيبتى
ربنا يخليكى يا مروة يارب :*

rona ali said...

اسيدى اسيدى

ماشيه معاكِ وسيبانه انتى كدهوت :)

هاااااااااااااااااااايح ههههههههههههههههههههه

^_^

Aya Mohamed said...

رنا

حبيبتى يا رونا انا سيباكى بردو
خلينى ساكته احسن ههههههههه
<3