عدت سنين وانا بشوف وشك قصادى
بلمح عنيكى فى الضباب اقوم وانادى
بجرى ورا طيف فى السراب واقول بلادى
بحلم وليل الحلم طال وانا بين جروحى
نفسى اشوف مرة ملامحك شكل روحى
وخايف اعيش طول عمرى بحلم واصحى ناسيكى
ما انا طول سنينى بجرى ورا طيفك وانادى
بمسك فى كل حاجه فيكى ومش لاقيكى
وسالت نفسى ..زعلانه منى ولا قسيتى
زعلانه منى ازاى وانا ما بين اديكى
طفل رضيع خايف فى يوم ليتوه يضيع قدام عنيكى
ضمينى ليكى وحسى بيا واعذرينى
لسه بحاول اشوف دليل انك بلادى
4 التعليقات:
ياااااااااااااه
بفرح بجد لما الاقى لسه ناس بتحب البلد دى
مدونتك حلوة..:)
يا بختك يا مصر
حد بيشعر فيكى
شعر بالحلاوة دى
جميل اوى البوست يا يويو
safa7_karmooz
ميرسى ليك ولزوقك
___________________
هوبة
ميرسى يا حبيبتى انتى اجمل
يا بلادي ياللي جايه على الغلابه
يا بلادي ياللي كنتي كلك طيابه
بنحب البلد بس بقت قاسيه اوي
ربنا يعينا كلنا
إرسال تعليق