2/8

صاحبة الصون والعفاف أحلي واحدة في البنات

اللي عمرى ما قلبي شاف زيها في المخلوقات

يا حبيبتى انتى نوري انتى احساسي بحياتي

انتى مالكة من شعورى كل ماضِ وكل آتي

انتى مفتاح الحياة للي نفسه يعيش سعادة 💖

زي دلوقتي من سنتين كنت بجهز الشنطة وبحضر نفسي علشان أقابلك

قلبي كان بيدق جامد جدااا مش خايفة، بس فرحانة كان نفسي جدا اليوم كله يبقي حلو
اليوم ده الوحيد في حياتي اللي فرحت فيه بجد، رغم ان كان نفسي اعمل حاجات كتير ومش اتعملت

بس كنت فرحانة أوى برغم كل التعب اللي كنت فيه، 

كان قرار اني اعوض بيكي أي فرحة في عمرى ضاعت مني ومش لحقتها. 

دخلت أوضة العمليات الساعه 2 ونص الضهر، كنت بفكر شكلك هيبقي ازاى هتبقي واحدة حاجة منى ولا ايه

اخدت البنج والدكتور سالني تحبي تنامي قولتله لا عايزة افضل فايقة أشوفها

أول ما شفتك فضلت أعيط والدكتور يقولي حلوة شبه مين دي، شبه جدتها تقريبا

مش كان باين اي حاجة اصلا بس فرحت بيكي اوى وقربوكي مني بوستك وبعدين اخدوكي بره

فضلت فايقة ادعي ربنا يفرح كل البنات نفس الفرحة دي ويرزقهم حلاوة اللحظة دي

بعدين أغمي عليا بقي أول ما بدأو يخيطوا 

من وقتها وكل يوم وكل لحظة وانا بشكر ربنا على نعمة وجودك في حياتي

وعيد ميلادك عندي هو عيد ميلادي، صالحت بيكي الدنيا وسامحت أي حد أذاني حسيت انى اتولدت معاكي

علشان كدا بكون مهتمة اشترى فستان جديد لعيد ميلادك، احتفال مختلف ومش تقليدي

ابعد عن كل الناس ويكون اليوم كله لينا بس، مش بكون عايزة اي حاجة تضايقني 

كل سنة وانتى حلوة وحنينة يا روح ماما وكل لحظة وانتى مالية عليا الدنيا 

وعقبال سنين كتيرررر تعيشيها كلها في سعادة وهنا ربنا يحفظك ويباركلنا فيكي يارب
و يقدرني وأقدر أكون سند ليكي يارب