قبسات من الابداع

دى بعض الاقتباسات من كتاب " ابجدية إبداع عفوى " وفى تانى كتير ف الكتاب فى صور 

فرحانة اوى بالكتاب وفرحانة بنجاحنا 

لما حد بيطلب منى الكتاب يقرى مشاركتى برشحله كمان تدوينتين ثلاثة يقراهم 

وببقى فرحانة اوى لما الاقى ان كل اللى قراوه عجبهم 

و لما حد يقولى الكتاب كله على بعضه جامد يااااااااااه بحس بسعادة رهيبة 

اكتر سؤال بيسعدنى اشتريه منين 

وبزعل جدا ان مفيش مكان قريب مننا يشتروه منه 

بجد الكتاب ده مش مجرد كلام ف ورق ده مجموعه من المشاعر والصدق والمجهود 

علشان كدا وصل لقلوب كل اللى قروه 

فخورة انى جزء من العمل ده وفخورة بيكم جداااا 

وعقبال الكتاب الجاى ان شاء الله 

إليكم

البوست ده لكل صحابى المدونين
وكل صحابى اللى مش مدونين وبيدخلوا يطمنواعليا من هنا
اسفة جداااااااااااا على فترة الغياب دى
الكمبيوتر بتاعى انتحر وفى محاولات مضنيه انى اصلحه واو اشترى واحد تانى
ضاع كل الوقت اللى فات ده
وبجد بجد بجد يعنى وحشتوووووووووووونى

هحاول اتابع الفترة الجاية كل الناس وبجد افتقدت كتاباتكم اوى
هقرا القديم والجديد وكله لا تقلقوا :)

كان المفروض انى ادون مناسبة فظيعة حصلتلى الا وهى انى
احم احم انى يعنى اتخطبت
بس مش كان عندى جهاز بس اكيد اكيد يعنى ان شاء الله هكتب بوست قريب
عنه او ليه علشان هو زعلان انى مش كتبتله بوست
بس ان شاء الله قريب

الى الشقية العسولة حبيبتى رنا
عايزة اقولك قد ايه بستمتع بكلامى معاكى
وقد ايه الايام اللى فاتت والوحدة اللى كنت فيها كانت جميلة بيكى
كنتى معوضانى كتير بجد وصوتك بيفرحنى جدا على فكرة
ومستنيه بوست الفضايح بقى

لكل آل بلوجر بحبكم ووحشتونى