Saturday, February 25, 2012

يا نساء المؤمنين



اوقات وانت ماشى بالصدفة كدا تلاقى موضوع
يثير كلام كتير اوى جواك وتبقى عايز تعلى صوتك وتصرخ
وتشرح كلام كتير وتوضح حاجات ممكن تكون عادية وكلنا عارفينها
بس فجاة بتقول لا لسه فى ناس مش عارفة لسه فى ناس بتجادل فى غير الحق
لسه فى نقط مش باينه وده اللى لقيته فى موضوع دينا نبيل
لحد ما تتأكد ان الست مش جزمة

يمكن انا عملت كومنت طويل بس حسيت ان مش كفايا
حسيت انى عايزة انزل الشارع واوقف كل بنت واقولها
استنى اسمعى ربنا بيكلمك وبيقولك ايه
" يا ايها النبى قل لازواجك وبناتك ونساء المؤمنين
يدنين عليهن من جلابيبهن ذلك ادنى ان يعرفن فلا يؤذين "
" وقل للمؤمنات يغضضن من ابصارهن ويحفظن فروحهن
ولا يبدين زينتهن الا ما ظهر منها وليضربن بخمورهن على جيوبهن "
" ولا يخضعن بالقول فيطع الذى فى قلبه مرض وقلنا قولا معروفا "
لازم تفهمى ربنا بيصونك وبيكرمك وانتى بتعملى ف نفسك ايه
لازم تتاكدى ان لما تحفظى ربنا ف نفسك ربنا هيحفظك من كل الخلق
اه هما غلطانين علشان تربيتهم لاولدهم غلط وغلطانين علشان سمحوا بانتشار الفواحش
بس لازم تواجهى علشان تستاهلى تتصانى

و اللى يقولك فى اوربا وامريكا بيلبسوا مايوهات وعادى
ردى قوليلهم كفايا ان ربنا ندانى وقال يا نساء المؤمنين
واللى يقولك شعرك جميل تداريه ليه
قوليلهم ما عند  الله هو خير وابقى
واللى يقولك طيب ماله الحجاب على البنطلون وشوية اكسوارات كدا
قوليلهم ربنا قالى ولا تبرجن تبرج الجاهلية الاولى
اه مكنش ايام الجاهلية الاولى بنطلونات واكسوارات والوان فاقعه
بس كان عندهم تبرج وعطور و تعددت الاساليب والتبرج واحد ولا اييييييه
واللى تقولك ما انا محجبه اهو بس بلبس اللى عيزاه الحجاب مش بيتعارض من اااااى استايل
قوليلهم انا استايلى الاحتشام علشان ربنا بيغير عليا
واللى يقولك بلاش تعقيد ما كل الناس كدا
قوليلهم النبى عليه افضل الصلاة والسلام قال
" يأتى على الناس زمان القابض على دينه كالقابض على الجمر "

طبعا اللى هيقرا البوست هيقولى انتى بتقولى اتحجبوا والمنطقى انى اقول لا انا مش قاصدى الحجاب
علشان محدش يزعل منى يعنى وكدا
لا بقى انا قصدى الحجاب والمحتشم كمان علشان ربنا مش هيأمرنا بحاجة تزعل
ربنا بيغير علينا وخايف علينا ومنزلنا دستور يحمينا
وانا بنطلب من شوية بشر يضيفولنا قانون يحمينا من التحرش
طيب ده عقل يعنى بذمتكم

عارفه لما تبقى بنت محتشمة وتتجوزى وربنا يكرمك بولاد
ويشوفوكم دايما محتشمة ومحافظة على دينك
هيطلعوا زيك هتجيبلنا جيل من الشباب المحترم الغيور على دينه
اللى عمره ما يفكر يلمس بنت او يبصلها نظرة مش كويسة
هتبقى انتى السبب فى صلاح الامة
شفتى بقى ان ربنا بيكرمك ليه
شفتى انك جامدة جدا بعلمك ودينك واخلاقك
شفتى تقدرى تعملى اللى متقدرش قوانين العالم تعمله

الصورة للسيدة مريم العذراء كما رسموها
علشان بس اقول ان الاحتشام ملوش دين
لما المسيحيين صوروا السيدة مريم فى طهرها و عظمتها
رسموها محجبة محتشمة
لسه بتفكروا هو اصلا الموضوع لسه فيه جدال

مسلمة كانت ام مسيحيه فما من دين عارض الاحتشام

Friday, February 17, 2012

لماذا اقتصوا من قصتي ...... ؟



لماذا اقتصوا من قصتى جمالها
لماذا ارغمونى على الصمت فى المشهد الاخير
لماذا استبدلو دورى بأخرى لا تشعر بى
أكان على ان اثور خلف كواليس الظروف
ان احطم قيود الجنون بعدما حطوا قيود العقل
ان كان لابد من المثول لوقائع الورق
فلتعيدوا الى قصتى حقائقها

لماذا اقتصوا من قصتى " هو "
لماذا اضافوا آخر الى فصول الرواية
لماذا منحوا غيره الفضل فى احساسى وفى نجاحى وفى كونى انا
لماذا أتبعوه بالنسيان وأخفلوا من ذاكرتهم وجوده
أكان عليه ان يجن كقيس ام ان يكون اكثر شجاعه من عنترة
ان كان حقا عاشقا عاديا فلا تبخلوا عليه بقصته
ولتعيدوا الى قصتى فارسها

لماذا اقتصوا من قصتى ... فرحتى
لماذا اهتموا بسعادتهم ولما يلحظوا فرحة ملئت عيناى
لماذا منحونى الحلم وبعدما أكتملت فصوله أيقظونى
لماذا جعلونى أسرد أحداث قصتى وبعدما اسبانت فرحتى اقتصوها
أكان عليهم ان يجعلوا النص دراميا ليتعاطف الجميع ويشتد التصفيق
ان كان للنص ان يبدوا دراميا فلترفع الستار لتشاهدوا دمعاتى
انا تلك الفرحة التى اقتصوها من فصتى

مستوحاه من قصة خلف المرآة لمصطفى سيف الدين

Tuesday, February 14, 2012

هوامش



جوايا كلام كتير اوى ..اوى
لدرجة انى مش عارفة اكتب ولا كلمة
_______________

- هو انتى مبتعرفيش تفرحى
- مهو طول ما انتوا مركزين فـ فرحتى عمرها ما هـتيجى كاملة

________________

- بطلى منبهات وانتى هتعرفى تنامى
- انا بطلت من فترة على فكرة يمكن هو ده اللى مش مخلينى انام خالص
________________

عايزة اتجوز واحد محتاجلى
مش واحد عايز يكمل ديكور حياته
________________

هو انتوا مش حاسين ان كل كلامكم بقى بيجرحنى !!!

________________

مش معنى انى كتبت من فيض إحساسه وأحبك يبقى عايشة قصة حب
ومش لازم علشان كتبت رسائل حب منسيه ابقى مجروحة
ولا علشان قلت يريدها وجف نهر الحب ابقى تجوزت وجربت
مجرد مشاعر طلعت بكلام بالشكل ده اكيد حساها علشان كدا كتبتها
بس مش شرط تبقى تجاربى
________________

ذكريات للبيع - ضوء أسود - بنكهة مصر
ثلاث مجموعات قصصيه صادرة عن دار ليلى ضمن مشروع النشر لمن يستحق
المشترك بين الثلاث جمال الاسلوب وتميزه
وان كنت قرات " ذكريات للبيع " دون ترتيب وانما تبعا لعناوين القصص
فوجدتنى اقرا اكتر من مرة قصص بعينها حتى انتهيت من المجموعة
محمد فاروق الشاذلى انت راااااااائع
اما " ضوء أسود " فقد قراتها من الخلف حتى الامام
وهى عادتى عندما احب الاستمتاع بما اقرا
ستجد ان ضوء اسود هى الاولى تبعا لترتيب المجموعة
والتعريف بالكاتب فى النهاية ولانى أجد تعريف مصطفى سيف لنفسه
تعريفا جذاب للغاية من ان قراته على المدونة فأحببت ان ابدا منه حتى ضوء اسود
و لنكهة شيرين سامى واقعية حالمة ففى كل القصص
ستجد " نكهة مصر " نكهة وطن تتذوقه مع كل قصة تقرأها
بدايات شبابية موفقة اسعدتنى كثيرا بالتوفيق الدائم

________________

كل ما حد يقولى انتى تستاهلى حد احسن بفتكرك على طول
من يوم ما قلتلى كدا وكل الناس بتقولى نفس الجملة
نفسى بش اعرف الحد الاحسن ده مواصفاته ايه ؟!!
_________________

انا مش زعلانة الحمد لله وراضية ومقتنعه وعندى لكل حاجة تفسير
والتفسير ان ربنا ليه حكمة فى كل حاجة وبيكتبلنا الخير
" اللهم أغفر لقومى فإنهم لا يعلمون "
_________________

- انتى مبسوطة فى شغلك ده
- اه الحمد لله هما الحاجة الوحيدة فى الدنيا اللى حقيقية
حبهم ليا بكل الدنيا ده مش شغل دى نعمة الحمد لله عليها
________________

- حساسة بزيادة مش واخدة بالك
-  ملونون بما نمتهن
ايوة على فكرة كل واحد بيبقى شبه مهنته
علشان كدا عندى قناعات خاصة يمكن مش وقتها
بس مستنيين ايه من واحدة طول اليوم بتتعامل مع الاطفال غير انها تبقى طفلة

_________________

بقالى فترة مش بزور اى مدونة ومش بدخل نت كتير
شوية ظروف مع ان جهازى بيرخم اوقات كتير
هحاول ان شاء الله ادخل عند كل الناس اليومين الجايين

___________________

سر الحياة لو تعرفي يا حبيبتي سر الحياة نبض الحياة أنا وأنت
البحر موج عطشان للرقص و المغنى
مشتاق بقاله زمان يقول ويسمعنا
مش كل شئ بيفوت في عمرنا بيجرح قلب الحياة مليان حاجات و بتفرح
نفتح بيبان الروح من تاني على الآخر
ندخل في قلبه بشوق ما يكونش له آخر
فساتين السما ألوان بتطفي و تنور
وأنا وأنت كلمة حب جوانا بتغير
مش كل شئ بيفوت في عمرنا بيجرح قلب الحياة مليان حاجات و بتفرح
قلب الحياة جواه بنورة مسحورة
قلب الحياة مليان أحلام صغيورة
مش كل شئ بيفوت في عمرنا بيجرح قلب الحياة مليان حاجات و بتفرح
محمد منير ... سر الحياة

Wednesday, February 8, 2012

وعــود



- وعد حب -
وعد بأنى وانك ايضا
وكل الوعود تخلد ذاتك

 - وعد حياة -
سأبقى كما تريد
لتبقى لى كل ما أريد
فـ أنت حياة

- وعد آمان -
لا تغيب ولا تبتعد
كن بالجوار بعيدا كالحلم قريبا بالقلب
ان اغمضت عينى أراك وان استيقظت اسمعك
فلا امان لى بدونك

- وعد كاذب -
لن تسقط دمعاتى بعد اليوم
اصدق الوعود ولكنى اكذب دموعى
فما وجودت دموعى حارقة صادقة قبل اليوم

 - وعد بقاء -
أجمل ما بنا نبض نسطره حروفا
فلك احساسى وكلماتى
ووعد بأن أبقى

تجمع وعود العمر وتغمض عينيها لتستجمعه داخلها
وتبعث له
" عدنى ... ان تكن بخير من اجلى "
وتضع يدها لتستشعر أجابته مع النبض
فهو دائم الاجابة دائم الابتسام دائم الحب
انه القلب

Wednesday, February 1, 2012

أحبك



" الاسم "
يدعونه ما يريدون وأدعوه حبيبى

" الوصف "
لا شئ يشبهه فأجمل ما به انه .... هو

" العمر "
ادركته حقيقة متاخرة وان كان حبى له
حقيقة لم يكتشف عمرها بعد

" الاقامة "
ثابت بقلبى عالق بلسانى
لا اريده ان يغيب وان كان يقيم بداخلى


كتبت تعريف هويته وأرسلت به إليه
مع ديوان الشعر المفضل لها
و سطرت عليه ...
" أهديك شعرا قرأته قديما فتمنيتك
وقلبا ينبض بك
وعمرا لا يحلو الا معك "


وبعدما تأكدت من أستلامه لإحساسها
تضرعت الى الله بالدعاء
اللهم بارك لى فيه
وأحفظه ويسر له
وأجمعنى به على خير